Airtel: ಗ್ರಾಹಕರಿಗೆ ಏರ್‌ಟೆಲ್ ಥ್ಯಾಂಕ್ಸ್ ಕೊಡುಗೆ

ಬೆಂಗಳೂರು: ಭಾರ್ತಿ ಏರ್‌ಟೆಲ್ ಗ್ರಾಹಕರಿಗೆ ಏರ್‌ಟೆಲ್ ಥ್ಯಾಂಕ್ಸ್ ಕೊಡುಗೆಯನ್ನು ಮತ್ತೆ ಆರಂಭಿಸಿದೆ. ಮಾರುಕಟ್ಟೆ ವಿಸ್ತರಣೆ ಮತ್ತು ಸ್ಪರ್ಧೆ ಎದುರಿಸುವ ನಿಟ್ಟಿನಲ್ಲಿ ಏರ್‌ಟೆಲ್ ಈ ಯೋಜನೆಯನ್ನು ಮತ್ತೆ ಜಾರಿಗೆ ತರುತ್ತಿದ್ದು, ಗ್ರಾಹಕರಿಗೆ ಅತ್ಯಾಕರ್ಷಕ ಹಾಗೂ ವಿಶಿಷ್ಟ ಪ್ರಯೋಜನ ಮತ್ತು ಲಾಭಗಳನ್ನು ತಂದುಕೊಡಲಿದೆ.

ಏರ್‌ಟೆಲ್ ಥ್ಯಾಂಕ್ಸ್‌ನಡಿ ಸಿಲ್ವರ್, ಗೋಲ್ಡ್ ಮತ್ತು ಪ್ಲಾಟಿನಂ ಎಂಬ ಒಟ್ಟು ಮೂರು ಶ್ರೇಣಿಗಳ ಮೂಲಕ ತನ್ನ ಪ್ರಯೋಜನಗಳನ್ನು ಗ್ರಾಹಕರಿಗೆ ಒದಗಿಸಲಿದೆ. ಈ ಕೊಡುಗೆಗಳನ್ನು ಏರ್‌ಟೆಲ್‌ನ ಪಾಲುದಾರಿಕೆ ಸಂಸ್ಥೆಗಳ ಮೂಲಕ ನೀಡಲಾಗುತ್ತದೆ.

ಜತೆಗೆ ಏರ್‌ಟೆಲ್‌ ಥ್ಯಾಂಕ್ಸ್ ಮೂಲಕ ಪ್ರಯೋಜನಗಳ ವಿಸ್ತರಣೆ ಮಾಡುತ್ತಿದ್ದು, ಹೆಚ್ಚು ಕಂಟೆಂಟ್, ಡಿವೈಸ್ ಮತ್ತು ಸುರಕ್ಷತಾ ಸೇವೆಗಳು, ಹಣಕಾಸು ಸೇವೆಗಳು, ವಿಐಪಿ ಗ್ರಾಹಕ ಸೇವೆ ಅಥವಾ ಕಾಳಜಿ ಮತ್ತು ಶ್ರೇಷ್ಠ ಬ್ರಾಂಡ್‍ಗಳಿಂದ ಕೊಡುಗೆಗಳು ಲಭ್ಯವಾಗಲಿವೆ. ಜತೆಗೆ ಏರ್‌ಟೆಲ್‌ ಪ್ರೀಪೇಯ್ಡ್ ಗ್ರಾಹಕರಿಗೂ ಅಮೆಜಾನ್ ಪ್ರೈಮ್ ಚಂದಾ ಪ್ರಯೋಜನ ದೊರೆಯಲಿದೆ.

ಸಿಲ್ವರ್ ಶ್ರೇಣಿಯು ಏರ್‌ಟೆಲ್ ಟಿವಿ, ಮ್ಯೂಸಿಕ್ ರೀತಿಯ ಬ್ರಾಂಡ್ ಸೌಲಭ್ಯಗಳೊಂದಿಗೆ, ಮೂಲ ಕಂಟೆಂಟ್‍ಗಳ ಲೋಕಕ್ಕೆ ಇರುವ ಆರಂಭಿಕ ಹಂತವಾಗಿದೆ. ಗೋಲ್ಡ್ ಶ್ರೇಣಿಗೆ ಸೇರ್ಪಡೆಗೊಳ್ಳುವ ಗ್ರಾಹಕರು ಆ್ಯಡ್ ಆನ್ ಸೇವೆ ಮತ್ತು ಪ್ರಯೋಜನ ಪಡೆಯಲು ಅರ್ಹರಾಗಿರುತ್ತಾರೆ ಹಾಗೂ ಪ್ರೀಮಿಯಂ ಕಂಟೆಂಟ್ ಅಥವಾ ಹಣಕಾಸು ಸೇವೆಗಳಿಗೆ ಪ್ರವೇಶ ಹಾಗೂ ಪ್ರಯೋಜನ ಪಡೆಯಬಹುದಾಗಿದೆ.

ಪ್ಲಾಟಿನಂ ಶ್ರೇಣಿಯಲ್ಲಿ ಗ್ರಾಹಕರು ಏರ್‌ಟೆಲ್ ವಿಐಪಿ ಸೇವೆಗಳನ್ನು ಪಡೆಯಲಿದ್ದಾರೆ. ಪ್ರೀಮಿಯಂ ಕಂಟೆಂಟ್, ಇ-ಬುಕ್ಸ್, ಸಾಧನದ ಸುರಕ್ಷತೆ ಮತ್ತು ವಿವಿಧ ಇವೆಂಟ್‍ಗಳು ಮತ್ತು ಸೇಲ್‍ಗಳಿಗೆ ಆಹ್ವಾನ ಹಾಗೂ ಆದ್ಯತೆ ಮೇರೆಗಿನ ಪ್ರವೇಶ ಸೇರಿದಂತೆ ಹತ್ತಾರು ವಿಐಪಿ ಸೇವೆಗಳನ್ನು ಏರ್‌ಟೆಲ್ ಗ್ರಾಹಕರು ಪಡೆಯಬಹುದಾಗಿದೆ. ಈ ನಿಟ್ಟಿನಲ್ಲಿ ಆ್ಯಪ್‍ಗೆ ಏರ್‌ಟೆಲ್ ಥ್ಯಾಂಕ್ಸ್ ಎಂದು ಮರುನಾಮಕರಣ ಮಾಡಲಾಗಿದೆ.