Airtel: ಲಕ್ಷದ್ವೀಪದಲ್ಲಿ 4G ನೆಟ್‌ವರ್ಕ್

ಭಾರ್ತಿ ಏರ್‌ಟೆಲ್ ಲಕ್ಷದ್ವೀಪದಲ್ಲಿ ಗ್ರಾಹಕರ ಅನುಕೂಲಕ್ಕಾಗಿ 4G ನೆಟ್‌ವರ್ಕ್ ಪರಿಚಯಿಸಿದೆ.

ದ್ವೀಪ ಪ್ರದೇಶದಲ್ಲಿ ಮೊದಲಿಗೆ 4G ನೆಟ್‌ವರ್ಕ್ ಒದಗಿಸಿದ ಖ್ಯಾತಿ ಏರ್‌ಟೆಲ್ ಪಾಲಾಗಿದೆ.

ಲಕ್ಷದ್ವೀಪದ ನಿವಾಸಿಗಳು ಮತ್ತು ಪ್ರವಾಸಿಗರು 4G ನೆಟ್‌ವರ್ಕ್ ಒದಗಿಸುವಂತೆ ಹಲವು ಬಾರಿ ಕೇಳಿಕೊಂಡಿದ್ದರು. ಭಾರ್ತಿ ಏರ್‌ಟೆಲ್‌ನ 4G ನೆಟ್‌ವರ್ಕ್ ಸೇವೆಯಿಂದಾಗಿ ಗ್ರಾಹಕರಿಗೆ ಹೆಚ್ಚಿನ ಅನುಕೂಲವಾಗಲಿದೆ.

ಆರಂಭದಲ್ಲಿ ಆಗಟ್ಟಿ, ಬಂಗಾರಂ ಮತ್ತು ಕಾವರಟ್ಟಿ ಪ್ರದೇಶದಲ್ಲಿ 4G ನೆಟ್‌ವರ್ಕ್ ಒದಗಿಸಲಾಗುತ್ತಿದ್ದು, ನಂತರದಲ್ಲಿ ಇತರ ಪ್ರದೇಶಗಳಿಗೂ ವಿಸ್ತರಿಸಲಾಗುತ್ತದೆ ಎಂದು ಏರ್‌ಟೆಲ್ ತಿಳಿಸಿದೆ.

ಏಪ್ರಿಲ್ 2008ರಲ್ಲಿ ಮೊದಲ ಬಾರಿಗೆ ಲಕ್ಷದ್ವೀಪದಲ್ಲಿ ಏರ್‌ಟೆಲ್ ಮೊಬೈಲ್ ಸೇವೆ ಆರಂಭಿಸಿತ್ತು. 4G ಸೇವೆಯು ಅಲ್ಲಿನ ಬಳಕೆದಾರರಿಗೆ ಎಚ್‌ಡಿ ವಿಡಿಯೋ ಕಾಲಿಂಗ್, ಡೌನ್‌ಲೋಡ್ ಮತ್ತು ಅಪ್‌ಲೋಡ್‌ಗೆ ಅನುಕೂಲ ಕಲ್ಪಿಸಲಿದೆ.