Boat Storm Smartwatch: ಅಕರ್ಷಕ ಫೀಚರ್ ಸಹಿತ ಮಾರುಕಟ್ಟೆಗೆ ಬಂತು ಬೋಟ್ ಸ್ಮಾರ್ಟ್‌ವಾಚ್

ಇಯರ್‌ಫೋನ್ ಮತ್ತು ಹೆಡ್‌ಫೋನ್ ಮೂಲಕ ಮಾರುಕಟ್ಟೆಯಲ್ಲಿ ಜನಪ್ರಿಯತೆ ಗಳಿಸಿದ್ದ ದೇಸಿ ಬ್ರ್ಯಾಂಡ್ ಬೋಟ್, ಹೊಸ ಮಾದರಿಯ ಸ್ಮಾರ್ಟ್‌ವಾಚ್ ಅನ್ನು ದೇಶದ ಮಾರುಕಟ್ಟೆಗೆ ಬಿಡುಗಡೆ ಮಾಡಿದೆ. ಹೃದಯ ಬಡಿತ ಮತ್ತು ರಕ್ತದಲ್ಲಿನ ಆಮ್ಲಜನಕದ ಪ್ರಮಾಣವನ್ನು ಬೋಟ್ ಸ್ಟಾರ್ಮ್ ಸ್ಮಾರ್ಟ್‌ವಾಚ್ ಅಳೆಯಲಿದೆ. ಹೊಸ ವಾಚ್ ಅಕ್ಟೋಬರ್ 29, ಗುರುವಾರದಿಂದ ಫ್ಲಿಪ್‌ಕಾರ್ಟ್ ಮೂಲಕ ಲಭ್ಯವಾಗಲಿದೆ.

ಬೋಟ್ ಸ್ಟಾರ್ಮ್ ಸ್ಮಾರ್ಟ್‌ವಾಚ್
100ಕ್ಕೂ ಅಧಿಕ ವಾಚ್ ಫೇಸ್ ಹೊಂದಿದ್ದು, ಮೆಟಲ್ ಬಾಡಿ, 9 ಸ್ಪೋರ್ಟ್ಸ್ ಮೋಡ್ ಇದರ ವಿಶೇಷತೆಯಾಗಿದೆ. ಹೊರಾಂಗಣ ಮತ್ತು ಒಳಾಂಗಣ ಕ್ರೀಡೆ, ಅತ್ಯಧಿಕ ವರ್ಕೌಟ್ ಮತ್ತು ಫಿಟ್ನೆಸ್ ಕಾಳಜಿ ಹೊಂದಿರುವವರಿಗೆ ಇದು ಸೂಕ್ತವಾಗಿದೆ ಎಂದು ಬೋಟ್ ಹೇಳಿದೆ.

ಬೆಲೆ ಎಷ್ಟಿದೆ?
ಹೊಸ ಬೋಟ್ ಸ್ಟಾರ್ಮ್ ಸ್ಮಾರ್ಟ್‌ವಾಚ್ ಅ. 29ರ ಮಧ್ಯಾಹ್ನ 12 ಗಂಟೆಗೆ ಸೇಲ್‌ನಲ್ಲಿ ಲಭ್ಯವಾಗಲಿದೆ. ಫ್ಲಿಪ್‌ಕಾರ್ಟ್ ಮತ್ತು ಬೋಟ್ ವೆಬ್‌ಸೈಟ್ ಮೂಲಕ 1,999 ರೂ.ಗೆ ನೂತನ ಸ್ಮಾರ್ಟ್‌ವಾಚ್ ಖರೀದಿಸಬಹುದು. ಕಪ್ಪು ಮತ್ತು ನೀಲಿ ಬಣ್ಣದಲ್ಲಿ ನೂತನ ಸ್ಮಾರ್ಟ್‌ವಾಚ್ ಲಭ್ಯವಿದ್ದು, ಬದಲಾಯಿಸಬಹುದಾದ ಸಿಲಿಕಾನ್ ಸ್ಟ್ರಾಪ್ಸ್ ಹೊಂದಿದೆ. ಇದು ಆರಂಭಿಕ ಆಫರ್ ದರವಾಗಿದೆ.

Huawei Nova 8: ನೂತನ ಸ್ಮಾರ್ಟ್‌ಫೋನ್ ಪರಿಚಯಿಸಲು ಸಿದ್ಧವಾಗಿದೆ ಹುವೈ

Boat Storm ವಿಶೇಷತೆ
ಬೋಟ್ ಸ್ಮಾರ್ಟ್‌ವಾಚ್ 1.3 ಇಂಚಿನ ಟಚ್ ಡಿಸ್‌ಪ್ಲೇ ಹೊಂದಿದೆ. 10 ದಿನಗಳವರೆಗಿನ ಬ್ಯಾಟರಿ ಬಾಳಿಕೆ ಬರಲಿದೆ ಎಂದು ಬೋಟ್ ಹೇಳಿದೆ. ಯೋಗ, ವಾಕಿಂಗ್, ಸೈಕ್ಲಿಂಗ್, ಹೈಕಿಂಗ್‌ನಂತಹ ವಿವಿಧ ಆಸಕ್ತಿದಾಯಕ ಸಾಹಸ ಕ್ರೀಡೆ ಮತ್ತು ವಿವಿಧ ಚಟುವಟಿಕೆಗಳನ್ನು ಬೋಟ್ ಟ್ರ್ಯಾಕ್ ಮಾಡುತ್ತದೆ. 5ATM ವಾಟರ್ ರೆಸಿಸ್ಟಂಟ್, ಸ್ಮಾರ್ಟ್‌ವಾಚ್ ಮೂಲಕ ಸ್ಮಾರ್ಟ್‌ಫೋನ್ ನಿಯಂತ್ರಿಸಬಹುದು.

Vu Masterpiece TV: ಹೊಸ ಸ್ಮಾರ್ಟ್‌ ಟಿವಿ ಬಿಡುಗಡೆ ಮಾಡಿದ ವ್ಯೂ