BSNL 4ಜಿ ಮೂಲಕ ಮೊದಲ ಕರೆ!..ಹೊಸ ಭವಿಷ್ಯ ಬರೆಯುತ್ತಾರ ಪ್ರಧಾನಿ ಮೋದಿ?!

ದೇಶದ ಖಾಸಾಗಿ ಟೆಲಿಕಾಂ ಕಂಪೆನಿಗಳ ಪೈಪೋಟಿ ಮಧ್ಯೆ ಸೊರಗುತ್ತಿರುವ ಸರ್ಕಾರಿ ಟೆಲಿಕಾಂ ಕಂಪೆನಿ ಬಿಎಸ್‌ಎನ್‌ಎಲ್‌ (BSNL) ಮೂಲಕ, BSNL ಭಾರತೀಯ 4ಜಿ ನೆಟ್ವರ್ಕ್ನ (BSNL 4G Network) ಮೊದಲ ಕರೆ ಮಾಡಿರುವ ಬಗ್ಗೆ ಮಾಹಿತಿ ತಂತ್ರಜ್ಞಾನ ಸಚಿವ ಅಶ್ವಿನಿ ವೈಷ್ಣವ್ ಭಾನುವಾರ ಮಾಹಿತಿ ನೀಡಿದ್ದಾರೆ. ಇದು ಭಾರತದ್ದೇ ಆದ ಮೊದಲ 4ಜಿ ನೆಟ್ವರ್ಕ್ ಆಗಿದ್ದು, ಇದರ ಅಭಿವೃದ್ಧಿ ಅಥವಾ ರೋಲ್ಔಟ್ ಸುಲಭ ಆಗಿರಲಿಲ್ಲ. ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಅವರ ಆತ್ಮನಿರ್ಭರ್ ಭಾರತ್ ಪರಿಕಲ್ಪನೆ ಸಾಕಾರಗೊಳ್ಳುತ್ತಿದೆ ಎಂದು ಅವರು ತಮ್ಮ ಅಧಿಕೃತ ಟ್ವಿಟ್ ಖಾತೆಯಲ್ಲಿ ಬರೆದುಕೊಂಡಿದ್ದಾರೆ.

ರೈಲ್ವೆ, ಸಂವಹನ, ಎಲೆಕ್ಟ್ರಾನಿಕ್ಸ್ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವ ಅಶ್ವಿನಿ ವೈಷ್ಣವ್ ಅವರು ಹೇಳಿರುವಂತೆ, "BSNLನ ಭಾರತೀಯ 4G ನೆಟ್ವರ್ಕ್ ಮೂಲಕ ಮೊದಲ ಕರೆ ಮಾಡಿದೆ. (ವಿನ್ಯಾಸ ಮತ್ತು ಭಾರತದಲ್ಲಿ ತಯಾರಿಸಲಾಗಿದೆ). PM @narendramodi ಜೀ ಅವರ ಆತ್ಮನಿರ್ಭರ ಭಾರತ್ ರೂಪುಗೊಳ್ಳುತ್ತಿದೆ" .- ಎಂದು ಅವರು ತಿಳಿಸಿದ್ದಾರೆ. ಈ ಮೂಲಕ ಖಾಸಾಗಿ ಟೆಲಿಕಾಂ ಕಂಪೆನಿಗಳಂತೆಯೇ ಬಿಎಸ್‌ಎನ್‌ಎಲ್‌( BSNL) ಕೂಡ 4ಜಿ ನೆಟ್ವರ್ಕ್ ಸೇವೆಯನ್ನು ಗ್ರಾಹಕರಿಗೆ ತಲುಪಿಸಬಹುದು ಎಂಬ ಆಶಾಭಾವನೆನ್ನು ಹೊರಹಾಕಿದ್ದಾರೆ. ಇದರ ಜೊತೆಗೆ ಕೆಲ ಬೆಳವಣಿಗೆಗಳಿಂದ ಭವಿಷ್ಯದಲ್ಲಿ ಬಿಎಸ್ಎನ್ಎಲ್ ಕಂಪೆನಿ ಮತ್ತೆ ಪುಟಿದೇಳುವ ಲಕ್ಷಣಗಳು ಕಾಣಿಸಿಕೊಂಡಿದೆ.

ಬಿಎಸ್ಎನ್ಎಲ್ ಕಂಪೆನಿ ಈ ಹಣಕಾಸು ವರ್ಷದಲ್ಲಿ 4ಜಿ ನೆಟ್ವರ್ಕ್ ಕಾರ್ಯಾರಂಭಿಸಿದ್ದರೆ, ಮತ್ತೊಂದೆಡೆ, ಅದರ ಆರ್-ಡಿ ಆರ್ಗನೈಸೇಷನ್ ಸಿ-ಡಾಟ್ಗೆ, 6ಜಿ ನೆಟ್ವರ್ಕ್ ಟೆಕ್ನಾಲಜಿ ಮೇಲೆ ಕೆಲಸ ಮಾಡಲು ಟೆಲಿಕಾಂ ಡಿಪಾರ್ಟ್ಮೆಂಟ್ ಸೂಚಿಸಿದೆ. ಈ ಮೂಲಕ 4ಜಿ ತಂತ್ರಜ್ಞಾನವನ್ನು ಅಳವಡಿಸಿಕೊಳ್ಳುವಲ್ಲಿ ಹಿಂದುಳಿದು, ಖಾಸಾಗಿ ಕಂಪೆನಿಗಳ ವಿರುದ್ಧ ಸೋಲುತ್ತಿರುವ ಬಿಎಸ್ಎನ್ಎಲ್ ಕಂಪೆನಿಯ ಭವಿಷ್ಯವನ್ನು ಹೊಸದಾಗಿ ಬರೆಯಲು ಕೇಂದ್ರ ಸರ್ಕಾರ ಮುಂದಾಗಿದೆ ಎನ್ನಲಾಗಿದೆ. ಟೆಲಿಕಾಂನಲ್ಲಿ ಭವಿಷ್ಯದ ತಂತ್ರಜ್ಞಾನಗಳ ಮೇಲೆ ಕೆಲಸ ಮಾಡಲು ಹಾಗೂ ಜಾಗತಿಕ ಮಾರುಕಟ್ಟೆಯೊಂದಿಗೆ ಬೆಳೆಯಲು ಬಿಎಸ್‌ಎನ್‌ಎಲ್ ಸಿದ್ಧವಾಗುತ್ತಿದೆ ಎಂದು ಹೇಳಲಾಗುತ್ತಿದೆ.

ಇದರಿಂದಾಗಿ ಏರ್‌ಇಂಡಿಯಾದಂತೆ ಬಿಎಸ್‌ಎನ್‌ಎಲ್‌( BSNL) ಕೂಡ ಮಾರಾಟವಾಗುವ ಭಯ ದೂರವಾಗಿದೆಯಲ್ಲದೇ, 6ಜಿ ನೆಟ್ವರ್ಕ್ ಟೆಕ್ನಾಲಜಿ ಮೇಲೆ ಕೆಲಸ ಮಾಡುತ್ತಿರುವ ಸರ್ಕಾರದ ದೂರದೃಷ್ಟಿಯಿಂದ ಭವಿಷ್ಯದಲ್ಲಿ ಬಿಎಸ್‌ಎನ್‌ಎಲ್‌( BSNL) ಕೂಡ ಖಾಸಾಗಿ ಟೆಲಿಕಾಂ ಕಂಪೆನಿಗಳಿಗೆ ಸೆಡ್ಡು ಹೊಡೆಯಬಹುದು ಎನ್ನಲಾಗುತ್ತಿದೆ. ಇನ್ನು ಕೇಂದ್ರ ಸರ್ಕಾರವು 4ಜಿ ಸೇವೆಗಳಿಗಾಗಿ 24,084 ಕೋಟಿ ರೂಪಾಯಿಗಳನ್ನು 2021-22 ರ ಬಜೆಟ್ನಲ್ಲಿ ಮೀಸಲಿರಿಸಿದೆ. ಇದು ಒಟ್ಟಾರೆ 69,000 ಕೋಟಿ ರೂಪಾಯಿಯ ಬಿಎಸ್ಎನ್ಎಲ್ ಹಾಗೂ ಎಮ್ಟಿಎನ್ಎಲ್ ಪ್ಯಾಕೇಜ್ನ ಭಾಗವಾಗಿದೆ ಎಂದು ತಿಳಿದುಬಂದಿದೆ.
ಕರ್ನಾಟಕದಲ್ಲಿ ಡ್ರೀಮ್ 11 ಕಥೆ ಕ್ಲೋಸ್!...ಮುಂದೇನು?
ಸಧ್ಯ ಬಿಎಸ್‌ಎನ್‌ಎಲ್‌( BSNL) ಟೆಲಿಕಾಂ ಕಂಪನಿಯ ಉಳಿವಿಗಾಗಿ 4G ರೋಲ್‌ಔಟ್ ಒಂದು ಪ್ರಮುಖ ವಿಷಯವಾಗಿದ್ದು, 4G ತಂತ್ರಜ್ಞಾನದ ಕೊರತೆಯು ಸಂಸ್ಥೆಯ ವ್ಯಾಪಾರಕ್ಕೆ ತೊಂದರೆ ಯಾಗುತ್ತಿತ್ತು. ಮುಂದಿನ 2 ವರ್ಷಗಳಲ್ಲಿ BSNL ತನ್ನ 4G ಅನ್ನು ಹೊರತರಲಿದೆ ಎಂದು ಸರ್ಕಾರ ಹೇಳಿತ್ತು, ಈಗ IT ಸಚಿವರ ಟ್ವೀಟ್ BSNL ನಲ್ಲಿ 4G ಯನ್ನು ಬಿಡುಗಡೆ ಮಾಡುವ ಬಗ್ಗೆ ಸೂಚಿಸಿದೆ. ಇದು ನಿಗದಿತ ಸಮಯಕ್ಕಿಂತ ಮುಂಚಿತವಾಗಿದೆ. ಇದನ್ನು ಮಾಡದಿದ್ದರೆ, ಬಿಎಸ್‌ಎನ್‌ಎಲ್ ಅನ್ನು ಏರ್ ಇಂಡಿಯಾದಂತೆಯೇ ಖಾಸಗಿ ಸಂಸ್ಥೆಗೆ ಮಾರಾಟ ಮಾಡಬಹುದೆಂಬ ಊಹೆಯಿತ್ತು ಎಂದು ಕೆಲ ಪ್ರಮುಖ ಮಾಧ್ಯಮಗಳು ಅಭಿಪ್ರಾಯಪಟ್ಟಿವೆ.