BSNL: ಹೊಸ ಇಂಟರ್‌ನ್ಯಾಶನಲ್ ರೋಮಿಂಗ್ ಪ್ಲ್ಯಾನ್

ಸರಕಾರಿ ಸ್ವಾಮ್ಯದ ಬಿಎಸ್‌ಎನ್‌ಎಲ್ ಖಾಸಗಿ ಸಂಸ್ಥೆಗಳ ಜತೆ ಸ್ಪರ್ಧಿಸುವ ಮತ್ತು ಗ್ರಾಹಕರನ್ನು ಸೆಳೆಯುವ ಉದ್ದೇಶದಿಂದ ಹೊಸ ಪ್ಲ್ಯಾನ್ ಬಿಡುಗಡೆ ಮಾಡಿದೆ.

168 ರೂ.ಗಳ ಇಂಟರ್‌ನ್ಯಾಶನಲ್ ರೋಮಿಂಗ್ ಪ್ಯಾಕ್ ಅನ್ನು ಬಿಎಸ್‌ಎನ್‌ಎಲ್ ಪರಿಚಯಿಸಿದ್ದು, ವಿಶೇಷ ಕೊಡುಗೆ ಸೆ. 9ರವರೆಗೆ ಮಾತ್ರ ಚಾಲ್ತಿಯಲ್ಲಿರುತ್ತದೆ. ಅಲ್ಲದೆ ಪರೀಕ್ಷಾರ್ಥ ಈ ಪ್ಯಾಕ್ ಬಿಡುಗಡೆ ಮಾಡಿದೆ ಎನ್ನಲಾಗಿದ್ದು, ಪ್ರಸ್ತುತ ಕೇರಳದಲ್ಲಿ ದೊರೆಯುತ್ತಿದೆ.

ಈ ಮೊದಲು ಬಿಎಸ್‌ಎನ್‌ಎಲ್ 198 ರೂ. ಪ್ಯಾಕ್ ಅನ್ನು ಪರಿಷ್ಕರಿಸಿದ್ದು, 54 ದಿನ ವ್ಯಾಲಿಡಿಟಿಯೊಂದಿಗೆ ಪ್ರತಿದಿನ 2 GB ಡೇಟಾ ಒದಗಿಸುತ್ತಿದೆ.

ಈ ಪ್ಲ್ಯಾನ್ ಅಳವಡಿಸಿಕೊಂಡವರಿಗೆ ಮೊದಲು ಪ್ರತಿದಿನ 1.5 GB ಡೇಟಾವನ್ನು 28 ದಿನದ ಅವಧಿಗೆ ನೀಡುತ್ತಿತ್ತು. ಜತೆಗೆ 47 ರೂ. ಪ್ಲ್ಯಾನ್ ಅಳವಡಿಸಿಕೊಂಡರೆ, 1 GB ಡೇಟಾ ಪ್ರತಿದಿನ, 9 ದಿನದವರೆಗೆ ದೊರೆಯಲಿದೆ.