ಬ್ರೇಕಿಂಗ್ ನ್ಯೂಸ್!..BSNL ಲೈಫ್ ಟೈಂ ಪ್ರಿಪೇಯ್ಡ್ ಯೋಜನೆಗಳಿಗೆ ಬ್ರೇಕ್!

ದೇಶದ ಪ್ರಮುಖ ಖಾಸಗಿ ಟೆಲಿಕಾಂ ಸಂಸ್ಥೆಗಳಾದ ಏರ್‌ಟೆಲ್‌ ಮತ್ತು ವೊಡಾಪೋನ್ ಐಡಿಯಾಗಳು ತಮ್ಮ ಪ್ರಿಪೇಯ್ಡ್ ಪ್ಲಾನ್‌ಗಳ ಬೆಲೆ ಹೆಚ್ಚಿಸಿದ ನಂತರ, ಇದೀಗ ಸರ್ಕಾರಿ ಸ್ವಾಮ್ಯದ BSNL ಕಂಪೆನಿ ಕೂಡ ತನ್ನ ಗ್ರಾಹಕರಿಗೆ ಬಿಗ್‌ ಶಾಕ್‌ ನೀಡಿದೆ.! ದೇಶದ ಟೆಲಿಕಾಂ ವಲಯದಲ್ಲಿ ಸಾಕಷ್ಟು ಬದಲಾವಣೆಗಳಿಗೆ ಕಾರಣವಾಗುತ್ತಿರುವ ಈ ಸಮಯದಲ್ಲಿ, BSNL ತನ್ನ ಲೈಫ್ ಟೈಂ ಪ್ರಿಪೇಯ್ಡ್ ಪ್ಲಾನ್‌ಗಳನ್ನು ಸ್ಥಗಿತಗೊಳಿಸಿದೆ. ಯಾವುದೇ ಕಾರಣಗಳನ್ನು ನೀಡದೆ BSNL ತನ್ನ ಲೈಫ್ ಟೈಂ ಪ್ರಿಪೇಯ್ಡ್ ಪ್ಲಾನ್‌ಗಳನ್ನು ಸ್ಥಗಿತಗೊಳಿಸಿದ್ದು, ಇನ್ಮುಂದೆ ಲೈಫ್ ಟೈಂ ಪ್ರಿಪೇಯ್ಡ್ ಗ್ರಾಹಕರನ್ನು 107 ರೂ.ಗಳ ಪ್ರೀಮಿಯಂ ಪರ್ ಮಿನಿಟ್ ಪ್ಲಾನ್‌ಗೆ ಸ್ಥಳಾಂತರಿಸಲಾಗುವುದಾಗಿ ಹೇಳಿದೆ.!

ಹೌದು, ಡಿಸೆಂಬರ್ 1 ರಿಂದ BSNL ಲೈಫ್‌ಟೈಂ ಪ್ರಿಪೇಯ್ಡ್‌ ಪ್ಲಾನ್‌ಗಳನ್ನು ಸ್ಥಗಿತಗೊಳ್ಳುತ್ತಿದ್ದು, ಈ ಸೇವೆಯನ್ನು ಪಡೆಯುತ್ತಿರುವ ಗ್ರಾಹಕರನ್ನು 107 ರೂ.ಗಳ ಪ್ರೀಮಿಯಂ ಪರ್‌ ಮಿನಿಟ್ ಪ್ಲಾನ್‌ಗೆ ಸ್ಥಳಾಂತರಿಸುತ್ತಿದೆ. ಹೀಗೆ ಲೈಫ್ ಟೈಂ ನಿಂದ ಪ್ರಿಮಿಯಂ ಪ್ಲಾನ್‌ಗೆ ಬದಲಾದ ಚಂದಾದಾರರು ಯಾವುದೇ ಉಚಿತಗಳಿಗೆ ಪ್ರವೇಶವನ್ನು ಹೊಂದಿರುವುದಿಲ್ಲ ಎಂದು ಸಂಸ್ಥೆಯು ತಿಳಿಸಿದೆ. ಹಾಗಾಗಿ, BSNL ಗ್ರಾಹಕರಿನ್ನು ಕನಿಷ್ಠ 107 ರೂ. ಪ್ರೀಮಿಯಂ ಯೋಜನೆಯೊಂದಿಗೆ ನೀವು ಸೇವೆಗಳನ್ನು ಹೊಂದಬಹುದು. ನೀವು ಕೂಡ BSNL ಸಂಸ್ಥೆಯ ಜೀವಿತಾವಧಿಯ ಪ್ರಿಪೇಯ್ಡ್ ಪ್ಲಾನ್ ಗ್ರಾಹಕರಾಗಿದ್ದರೆ, ಪ್ರೀಮಿಯಂ ಪರ್ ಮಿನಿಟ್ ಪ್ಲಾನ್ 107 ರೂ. ಪ್ರೀಮಿಯಂ ಯೋಜನೆಯ ಬಗ್ಗೆ ಹೆಚ್ಚು ತಿಳಿಯಬೇಕಿದೆ.

BSNL ಪ್ರೀಮಿಯಂ 107 ರೂ. ಯೋಜನೆಯು ಒಟ್ಟು 90 ದಿನಗಳ ಮಾನ್ಯತೆಯನ್ನು ನೀಡುತ್ತದೆ ಮತ್ತು ಚಂದಾದಾರರು ಅನಿಯಮಿತ ಒಳಬರುವ ಕರೆಗಳನ್ನು ಪಡೆಯುತ್ತಾರೆ. 10GB ಡೇಟಾ ಹೊಂದಿದ್ದರೂ, ಅದನ್ನು 30 ದಿನಗಳವರೆಗೆ ಮಾತ್ರ ಬಳಸಬಹುದಾಗಿದೆ.ಈ ಯೋಜನೆಯಲ್ಲಿ BSNL ಒಟ್ಟು 100 ನಿಮಿಷಗಳ ಹೊರಹೋಗುವ ಕರೆಗಳನ್ನು ನೀಡುತ್ತಿದೆ. ಕರೆಗಳನ್ನು 24 ದಿನಗಳವರೆಗೆ ಮಾತ್ರ ಪ್ರವೇಶಿಸಬಹುದಾಗಿದೆ. ಅಂದರೆ, ಇದರ ಅರ್ಥ, ಇನ್ಮುಂದೆ 107 ರೂ. ಯೋಜನೆಯು BSNL ಸಂಸ್ಥೆಯ ಕನಿಷ್ಠ ರೀಚಾರ್ಜ್ ಯೋಜನೆಯಾಗಬಹುದು. ಪ್ರತಿ ತಿಂಗಳು ಗ್ರಾಹಕರಿಂದ ಸರಾಸರಿ ಆದಾಯವನ್ನು ಪಡೆಯಲು BSNL ಯೋಜನೆ ರೂಪಿಸಿರುವಂತೆ ಕಾಣುತ್ತಿದೆ ಎಂದು ಹೇಳಲಾಗುತ್ತಿದೆ.
ನಿಮ್ಮ ಫೋನ್ ನಂಬರ್ ಡೆಡ್ ಆಗದಂತೆ ರಿಚಾರ್ಜ್ ಮಾಡಲು ತಜ್ಞರಿಂದ ಎಚ್ಚರಿಕೆ!
BSNL ತನ್ನ ಲೈಫ್ ಟೈಂ ಪ್ರಿಪೇಯ್ಡ್ ಪ್ಲಾನ್‌ಗಳನ್ನು ಸ್ಥಗಿತಗೊಳಿಸಿರುವುದು ಖಾತ್ರಿಯಾಗಿದೆ. ಒಂದು ವೇಳೆ BSNL ಗ್ರಾಹಕರು ಧೀರ್ಘ ಸಮಯದ ಕಾಲ ರೀಚಾರ್ಜ್ ಮಾಡಿಸದೇ ಹೋದರೆ, ಇನ್‌ಕಮಿಂಗ್ ಸೇವೆಗಳು ಸ್ಥಗಿತವಾಗಬಹುದು ಎನ್ನಲಾಗಿದೆ. ಆದರೆ ಈ ಬಗ್ಗೆ ನಿಖರವಾದ ಮಾಹಿತಿಯನ್ನು ಸಂಸ್ಥೆ ನೀಡಿಲ್ಲ. BSNL ಪ್ರಿಪೇಯ್ಡ್ ಯೋಜನೆಗಳಲ್ಲಿನ ಈ ಬದಲಾವಣೆಯು ಇತರ ಟೆಲಿಕಾಂ ಆಪರೇಟರ್‌ಗಳು ತಮ್ಮ ಪ್ರಿಪೇಯ್ಡ್ ಯೋಜನೆಗಳ ಬೆಲೆಗಳನ್ನು ಹೆಚ್ಚಿಸುತ್ತಿರುವ ಸಮಯದಲ್ಲಿ ಬರುತ್ತದೆ. ವೊಡಾಫೋನ್ ಐಡಿಯಾ ಮತ್ತು ಏರ್‌ಟೆಲ್ ಪ್ರತಿ ಬಳಕೆದಾರರ ಆದಾಯವನ್ನು ಹೆಚ್ಚಿಸುವ ಪ್ರಯತ್ನದಲ್ಲಿ ತಮ್ಮ ಪ್ರಿಪೇಯ್ಡ್ ಯೋಜನೆಗಳ ಬೆಲೆಗಳನ್ನು ಗಣನೀಯ ಪ್ರಮಾಣದಲ್ಲಿ ಹೆಚ್ಚಿಸಿರುವುದನ್ನು ನಾವು ನೋಡಬಹುದು.