BSNL 2399 Pack: ಪ್ರಿಪೇಯ್ಡ್ ಬಳಕೆದಾರರಿಗೆ 600 ದಿನ ವ್ಯಾಲಿಡಿಟಿಯ ಬಿಎಸ್‌ಎನ್‌ಎಲ್ ಪ್ಲ್ಯಾನ್!

ಸರಕಾರಿ ಸ್ವಾಮ್ಯದ ಟೆಲಿಕಾಂ ಸೇವಾದಾರ ಕಂಪನಿ ಬಿಎಸ್‌ಎನ್‌ಎಲ್, ಹೊಸ ಪ್ರಿಪೇಯ್ಡ್ ರಿಚಾರ್ಜ್ ಕೊಡುಗೆ ಪ್ರಕಟಿಸಿದೆ. ನೂತನ ರಿಚಾರ್ಜ್ ಪ್ಲ್ಯಾನ್, ಅಂಡಮಾನ್ ಮತ್ತು ನಿಕೋಬಾರ್ ಹಾಗೂ ಜಮ್ಮು ಮತ್ತು ಕಾಶ್ಮೀರ ಹೊರತುಪಡಿಸಿ, ಇತರ ಎಲ್ಲ ಟೆಲಿಕಾಂ ಸರ್ಕಲ್‌ಗಳಲ್ಲಿ ಲಭ್ಯವಿದೆ.

ಏನಿದು ಹೊಸ ಪ್ಲ್ಯಾನ್?
ಬಿಎಸ್‌ಎನ್‌ಎಲ್ 2,399 ರೂ. ಪ್ರಿಪೇಯ್ಡ್ ಪ್ಲ್ಯಾನ್ ರಿಚಾರ್ಜ್ ಮಾಡಿಸಿಕೊಂಡರೆ, 600 ದಿನಗಳ ವ್ಯಾಲಿಡಿಟಿ ದೊರೆಯುತ್ತದೆ. ಈ ಪ್ಲ್ಯಾನ್‌ನಡಿ, ಪ್ರತಿದಿನ ಎಸ್‌ಟಿಡಿ ಅಥವಾ ಲೋಕಲ್ ಸೇರಿ, 250 ನಿಮಿಷಗಳ ಕರೆ ಸೌಲಭ್ಯ ದೊರೆಯುತ್ತದೆ.

ಜತೆಗೆ, ದಿನಕ್ಕೆ 10 ಎಸ್‌ಎಂಎಸ್ ಕೂಡ ಉಚಿತವಾಗಿರುತ್ತದೆ. ಮತ್ತು ಮೊದಲ 60 ದಿನಕ್ಕೆ ಉಚಿತ ಕಾಲರ್ ಟ್ಯೂನ್ ಕೂಡ ದೊರೆಯುತ್ತದೆ. ಆದರೆ ಯಾವುದೇ ಡೇಟಾ ಪ್ರಯೋಜನ ದೊರೆಯುವುದಿಲ್ಲ.

ಹೀಗಾಗಿ ಕರೆ ಮಾತ್ರ ಸಾಕು, ಅಧಿಕ ವ್ಯಾಲಿಡಿಟಿ ಬೇಕು ಮತ್ತು ಡೇಟಾ ಇಲ್ಲದಿದ್ದರೂ ಪರವಾಗಿಲ್ಲ ಎನ್ನುವವರಿಗೆ ಈ ಪ್ಲ್ಯಾನ್ ಹೆಚ್ಚು ಸೂಕ್ತವಾಗಿದ್ದು, 600 ದಿನ ವ್ಯಾಲಿಡಿಟಿಯೂ ಇರುತ್ತದೆ.

Jio Meet HD: ವಿಡಿಯೋ ಕಾನ್ಫರೆನ್ಸ್‌ಗೆ ಹೊಸ ಆ್ಯಪ್ ಪರಿಚಯಿಸಿದ ರಿಲಯನ್ಸ್ ಜಿಯೋ