ಹೌದು ಸರ್ಕಾರಿ ಟೆಲಿಕಾಂ ಸಂಸ್ಥೆಯಾದ ಭಾರತ ಸಂಚಾರ ನಿಗಮ ಲಿಮಿಟೆಡ್ (ಬಿಎಸ್ಎನ್ಎಲ್) ಸಂಪರ್ಕ ವ್ಯವಸ್ಥೆಯಲ್ಲಿ ಮೊದಲಿನಿಂದಲೂ ಕೇಳಿ ಬರುತ್ತಿರುವ ಪ್ರಚಲಿತ ಹೆಸರು. ಸದ್ಯ ಇದೀಗ ಬಿಎಸ್ಎನ್ಎಲ್ ಬಳಕೆದಾರರಿಗೆ ಪ್ರಿಪೇಯ್ಡ್ ಸೇವೆ ನೀಡುವ 398 ರೂ. ಗಳ ಸ್ಪೆಷಲ್ ತಾರೀಫ್ ವೋಚರ್ ಪ್ರಿಪೇಯ್ಡ್ ಪ್ಲಾನ್ ಅನ್ನು ಮತ್ತೆ ಪರಿಚಯಿಸಿದೆ. ಇದರ ಜೊತೆಗೆ 397 ರೂ. ಪ್ಲಾನ್ ಕೂಡ ಇದೆ. ಹಾಗಾದ್ರೆ ಈ ಎರಡು ಪ್ಲಾನ್ ನಲ್ಲಿ ಯಾವುದು ಬೆಸ್ಟ್ ಎಂಬುದನ್ನು ನೋಡೋಣ.
BSNL 398 ರೂ. ಗಳ ಪ್ಲಾನ್:
ಬಿಎಸ್ಎನ್ಎಲ್ ನ ಈ 398 ರೂ. ಪ್ರಿಪೇಯ್ಡ್ ಯೋಜನೆಯ ವಿಸ್ತರಣೆ ಏಪ್ರಿಲ್ 10 ರಿಂದ ಪ್ರಾರಂಭವಾಗಿದ್ದು ಜುಲೈ 8 ಕ್ಕೆ ಕೊನೆಗೊಳ್ಳುತ್ತದೆ. 90 ದಿನಗಳವರೆಗೆ ಇದು ಇರಲಿದೆ. ಎಸ್ ಟಿವಿ 398 ರೂ. ಪ್ಲಾನ್ ನ ಪ್ರಯೋಜನಗಳು ಒಂದೇ ಆಗಿರುತ್ತವೆ. ಇದು ಯಾವುದೇ ಎಫ್ಯುಪಿ ಕ್ಯಾಪ್ ಇಲ್ಲದೆ ಅನಿಯಮಿತ ಹೈ-ಸ್ಪೀಡ್ ಡೇಟಾವನ್ನು ನೀಡುತ್ತದೆ, ಹೋಮ್, ಎಲ್ಎಸ್ಎ, ಮತ್ತು ದೆಹಲಿ ಮತ್ತು ಮುಂಬೈನ ಎಂಟಿಎನ್ಎಲ್ ನೆಟ್ವರ್ಕ್ ಸೇರಿದಂತೆ ರಾಷ್ಟ್ರೀಯ ನೆಟ್ವವರ್ಕ್ ಗಳಲ್ಲಿ ಅನಿಯಮಿತ ವಾಯ್ಸ್ ಕರೆಗಳನ್ನು ನೀಡುತ್ತದೆ. ಇದು ದಿನಕ್ಕೆ 100 ಎಸ್ಎಂಎಸ್ ಸಂದೇಶಗಳನ್ನು ಸಹ ನೀಡುತ್ತದೆ ಮತ್ತು 30 ದಿನಗಳ ಮಾನ್ಯತೆಯೊಂದಿಗೆ ಬರುತ್ತದೆ. ಈ ವೋಚರ್ ನಡಿಯಲ್ಲಿ ಎಸ್ಎಂಎಸ್ ಮತ್ತು ಧ್ವನಿ ಪ್ರಯೋಜನಗಳನ್ನು ಹೊರಹೋಗುವ ಎಸ್ಎಂಎಸ್ ಮತ್ತು ಪ್ರೀಮಿಯಂ ಸಂಖ್ಯೆಗಳು, ಐಎನ್ ಸಂಖ್ಯೆಗಳಿಗೆ ಲಭ್ಯವಾಗುವುದಿಲ್ಲ. ಜೊತೆಗೆ ಅಂತರರಾಷ್ಟ್ರೀಯ ಸಂಖ್ಯೆಗಳು ಮತ್ತು ಇತರ ಚಾರ್ಜ್ ಮಾಡಬಹುದಾದ ಕಿರು ಸಂಕೇತಗಳಿಗೆ ಧ್ವನಿ ಕರೆಗಳಿಗೆ ಬಳಸಲಾಗುವುದಿಲ್ಲ.
ಪ್ರೊಸೆಸರ್ ವಿಚಾರದಲ್ಲಿ ಸಾಕಷ್ಟು ಸುದ್ದಿಯಲ್ಲಿದೆ ರೆಡ್ಮಿ ನೋಟ್ 10 ಪ್ರೊ 5G ಸ್ಮಾರ್ಟ್ ಫೋನ್
397 ರೂಪಾಯಿಯ ಪ್ಲಾನ್:
365 ರೂ.ನ ಯೋಜನೆ ದರವನ್ನು 32 ರೂ.ನಷ್ಟು ಹೆಚ್ಚಿಸಲಾಗಿದೆ. ಇದೀಗ 397 ರೂ.ಗೆ ಈ ಯೋಜನೆ ಸಿಗಲಿದೆ. ಈ ಹಿಂದೆ ಇರುವ ಪ್ಲ್ಯಾನ್ ಗಳೇ ಮುಂದುವರೆಯಲಿದ್ದು, ಬಳಕೆದಾರರು ಅನಿಯಮಿತ ಕರೆಗಳು, ಪ್ರತಿದಿನ 100 ಎಸ್ಎಮ್ಎಸ್, ಪ್ರತಿ ದಿನ 2 ಜಿಬಿ ಡೇಟಾ ಸಿಗಲಿದೆ. ಇದು 60 ದಿನಗಳ ವ್ಯಾಲಿಡಿಟಿ ಹೊಂದಿದೆ. ಆದರೆ, ಪ್ರತಿದಿನ 2ಜಿಬಿ ಡೇಟಾ ಅಂತ್ಯವಾದ ಬಳಿಕ ಇಂಟರ್ನೆಟ್ ವೇಗವನ್ನು 80 Kbps ಗೆ ಇಳಿಸಲಾಗುತ್ತದೆ. ಇನ್ನೂ 485 ರೂ.ನ ಹೊಸ ಯೋಜನೆಯನ್ನು ಜಾರಿಗೆ ತಂದಿರುವ ಬಿಎಸ್ಎನ್ಎಲ್ ಅನಿಯಮಿತ ಎಸ್ಟಿಡಿ ಹಾಗೂ ಸ್ಥಳೀಯ ಕರೆಗಳು, 100 ಎಸ್ಎಮ್ಎಸ್ ನೀಡುವ ಬಗ್ಗೆ ಚಿಂತಿಸಿದೆ. ಇನ್ನು ಚಂದಾದಾರರಿಗೆ ಪ್ರತಿದಿನ 1.5 ಜಿಬಿ ಡೇಟಾ, ಜೊತೆಗೆ ಉಚಿತ ಕರೆ ಟ್ಯೂನ್ ಸಹ ಪಡೆಯಬಹುದು. ಇದು 90 ದಿನಗಳ ಕಾಲ ಮಾನ್ಯತೆ ಪಡೆದಿದೆ. ಒಟ್ಟಿನಲ್ಲಿ ಬಿಎಸ್ಎನ್ಎಲ್ ನ ಈ ಎರಡು ಆಫರ್ ಗಳು ಅತ್ಯುತ್ತಮವಾಗಿದ್ದು, ಪ್ರಮುಖವಾಗಿ 398 ರೂ. ನ ಪ್ಲಾನ್ ಬೆಸ್ಟ್ ಎಂದು ಹೇಳಬಹುದು.
ಒಪ್ಪೋ ದಿಂದ K9 ಸರಣಿಯ ಸ್ಮಾರ್ಟ್ ಟಿವಿ ಬಿಡುಗಡೆ: ಬೆಲೆ?, ಏನು ವಿಶೇಷತೆ?
ಹೊಸ 197 ರೂ. ಪ್ಲಾನ್:
ಇನ್ನೂ ಇವುಗಳ ಜೊತೆಗೆ 197 ರೂ. ನ ಹೊಸ ಪ್ಲಾನ್ ಕೂಡ ಇದೆ. ಇದರಲ್ಲಿ ಪ್ರತಿದಿನ 2 ಜಿಬಿ ಡೇಟಾ, 18 ದಿನಗಳ ಕಾಲ ಅನಿಯಮಿತ ಕರೆಗಳನ್ನು ನೀಡಿದೆ. ಒಂದು ವೇಳೆ ಬಳಕೆದಾರರು ದೈನಂದಿನ ಡೇಟಾ ಮಿತಿಯನ್ನು ಖಾಲಿ ಮಾಡಿದರೆ ವೇಗವನ್ನು 80 ಕೆಬಿಪಿಎಸ್ ಗೆ ಇಳಿಸಲಾಗುತ್ತದೆ. ಜೊತೆಗೆ ಉಚಿತ ವಾಯ್ಸ್ ಕರೆಗಳು, ಪ್ರತಿದಿನ 100 ಎಸ್ಎಮ್ಎಸ್ನ್ನು ನೀಡಿದೆ. ಈ ಮೂಲಕ ಜಿಂಗ್ ಮ್ಯೂಸಿಕ್ ಆ್ಯಪ್ ಗೂ ಕೂಡ ಉಚಿತ ಅವಕಾಶ ಪಡೆಯಬಹುದು. ಈ ಯೋಜನೆಯು 180 ದಿನಗಳ ಕಾಲ ಮಾನ್ಯತೆ ಹೊಂದಿದೆ.
ಒಂದು ದಿನಕ್ಕೆ ಎಷ್ಟು ಬಾರಿ ಮೊಬೈಲ್ ಚಾರ್ಜ್ ಮಾಡಬಹುದು ಗೊತ್ತಾ?
129 ರೂಪಾಯಿ ಪ್ಲಾನ್:
ಬಿಎಸ್ಎನ್ಎಲ್ ತನ್ನ ಇಂಟರ್ ನೆಟ್ ಬಳಕೆದಾರರಿಗೆ ಒಟಿಟಿ ಅಡಿಯಲ್ಲಿ ನೀಡುತ್ತಿರುವ ಹೊಸದಾದ ಉತ್ತಮ ಯೋಜನೆ ಇದಾಗಿದೆ. ಕಂಪನಿಯು YUPP TV ಅಡಿಯಲ್ಲಿ ಈ ಕೊಡುಗೆಗಳನ್ನು ನೀಡುತ್ತಿದ್ದು,ಇದು ಮನರಂಜನೆಯ ದೃಷ್ಟಿಯಿಂದ ಭಾರೀ ಅಗ್ಗದ ದರದಲ್ಲಿ ಗ್ರಾಹಕರಿಗೆ ದೊರಕುತ್ತಿದೆ. ಕಂಪನಿಯ ಅಧಿಕೃತ ವೆಬ್ಸೈಟ್, ಪ್ರಕಾರ BSNL ಒಟಿಟಿ ಪ್ಲಾಟ್ ಫಾರ್ಮ್ ನಲ್ಲಿZEE5 Premium, SonyLIV, Voot Select ಸೇರಿ ಮುನ್ನೂರು ಚಾನೆಲ್ ಗಳ ಪ್ಯಾಕ್ ಸಿಗಲಿದೆ. ಈ ಪ್ಯಾಕ್ಗಳನ್ನು ಪ್ರತ್ಯೇಕವಾಗಿ ಖರೀದಿಸುವುದಾದರೇ ಭಾರೀ ಬೆಲೆ ಪಾವತಿಸಬೇಕಾಗುತ್ತದೆ. ಆದರೇ, BSNL ಗ್ರಾಹಕರನ್ನು ತನ್ನತ್ತ ಸೆಳೆದುಕೊಳ್ಳುವ ಉದ್ದೇಶದಿಂದ ಈ ನೂತನ ಯೋಜನೆಯೊಂದನ್ನು ಬಿಡುಗಡೆ ಮಾಡಿದೆ. ತನ್ನ ಗ್ರಾಹಕರಿಗೆ ವಿಶ್ವದ ಅತಿದೊಡ್ಡ ಇಂಟರ್ ನೆಟ್ ಟಿವಿ YUPP TV ಆ್ಯಪ್ ಅಡಿಯಲ್ಲಿ ಈ ಬೊಂಬಾಟ್ ಕೊಡುಗೆಗಳನ್ನು ನೀಡಲಾಗುತ್ತಿದೆ ಎಂದು BSNL ಹೇಳಿಕೊಂಡಿದೆ. ಈ ಆಫರ್ ಮೂರು ತಿಂಗಳ ವ್ಯಾಲಿಡಿಟಿ ಹೊಂದಿದೆ.
ಅತಿ ವೇಗವಾಗಿ ಚಾರ್ಜ್ ಆಗುವ ಸ್ಮಾರ್ಟ್ ಫೋನ್ ಲಾಂಚ್ ಮಾಡಿದ ಒಪ್ಪೋ: ಬೆಲೆ..?