ಡಿಸೆಂಬರ್ 31 ರ ವರೆಗೂ ಉಚಿತ 4G ಸಿಮ್ ಆಫರ್ ಘೋಷಿಸಿದ BSNL!

ಸರ್ಕಾರಿ ಸ್ವಾಮ್ಯದ ಟೆಲಿಕಾಂ ಸಂಸ್ಥೆ ಭಾರತ್ ಸಂಚಾರ್ ನಿಗಮ್ ಲಿಮಿಟೆಡ್ (BSNL) ತನ್ನ ಉಚಿತ 4G ಸಿಮ್ ಆಫರ್ ಅನ್ನು ಮುಂದಿನ 31 ಡಿಸೆಂಬರ್ 2021 ರವರೆಗೆ ವಿಸ್ತರಿಸಿದೆ. ಈ ಆಫರ್ ಗ್ರಾಹಕರಿಗೆ ಹೊಸ ಸಿಮ್ ಕಾರ್ಡ್ ಅನ್ನು ಸಂಪೂರ್ಣವಾಗಿ ಉಚಿತವಾಗಿ ಪಡೆಯಲು ಅನುವು ಮಾಡಿಕೊಟ್ಟಿದ್ದು, ಈ ವರ್ಷದ ಕೊನೆಯ ದಿನ -ಡಿಸೆಂಬರ್ 31 ರವರೆಗೆ ಈ ಯೋಜನೆ ಸಕ್ರಿಯವಾಗಿರುತ್ತದೆ. ಈ ಇತ್ತೀಚಿನ ಸ್ಕೀಮ್ ಮೇಲೆ 100 ರೂಪಾಯಿ ಅಥವಾ ಅದಕ್ಕಿಂತ ಹೆಚ್ಚಿನ ಮೊತ್ತಕ್ಕೆ ಮೊದಲ ರೀಚಾರ್ಜ್ ಮಾಡಲು ಬಯಸುವ ಗ್ರಾಹಕರಿಗೆ ಈ ಆಫರ್ ಲಭ್ಯವಿದೆ.

ಈ ಮೊದಲು 4ಜಿ ಸಿಮ್ ಕಾರ್ಡ್ ಮೊದಲು ರೂ 20 ಕ್ಕೆ ಲಭ್ಯವಿತ್ತು, ಆದರೆ ಈ ಯೋಜನೆಯಲ್ಲಿ, 100 ರೂ.ಗಿಂತ ಹೆಚ್ಚಿನ ರೀಚಾರ್ಜ್ ಪಡೆಯುವ ಮೂಲಕ ಬಳಕೆದಾರರು ಯಾವುದೇ ಹೆಚ್ಚುವರಿ ವೆಚ್ಚವಿಲ್ಲದೆ ಬಿಎಸ್‌ಎನ್‌ಎಲ್‌ಗೆ ಹೋಗಬಹುದಾಗಿದೆ. ಇದಷ್ಟೇ ಅಲ್ಲ, ಇತರ ಸೇವೆ ಒದಗಿಸುವ ನೆಟ್‌ವರ್ಕ್‌ಗಳಿಂದ BSNL ನಲ್ಲಿ ಪೋರ್ಟ್ ಮಾಡಲು ಬಯಸುವವರಿಗೆ ಉಚಿತ 4G ಸಿಮ್ ಕಾರ್ಡ್ ಅನ್ನು ಸಹ BSNL ನೀಡುತ್ತಿದೆ. ಉಚಿತ ಸಿಮ್ ಆಫರ್ ಅನ್ನು ಕೇರಳ ವಲಯದಲ್ಲಿ ಲಭ್ಯವಿದ್ದು, ಇತರ ಟೆಲಿಕಾಂ ವಲಯಗಳಿಗೂ ಆಫರ್ ಅನ್ನು ವಿಸ್ತರಿಸುವ ಸಾಧ್ಯತೆಯಿದೆ.

BSNL ತನ್ನ ಪ್ರಚಾರ ಯೋಜನೆಯ ಭಾಗವಾಗಿ ಹೊರ ತಂದಿದ್ದ, ರೂ .999 ಯೋಜನೆಯನ್ನು 90 ದಿನಗಳ ಕಾಲ ಹೆಚ್ಚುವರಿ ವಿಸ್ತರಿಸಿದೆ. ಈ ಪ್ರಿಪೇಯ್ಡ್ ಪ್ಲಾನ್ ನೊಂದಿಗೆ ಇದೀಗ 180 ದಿನಗಳ ವ್ಯಾಲಿಡಿಟಿಯನ್ನು ನೀಡುತ್ತಿದೆ. ಈ ಯೋಜನೆಯಲ್ಲಿ 0.5GB ದೈನಂದಿನ ಡೇಟಾ, ಅನಿಯಮಿತ ಕರೆಗಳು ಮತ್ತು ದಿನಕ್ಕೆ 100 SMSನೀಡಲಾಗುತ್ತಿದೆ. ಈ ಯೋಜನೆಯನ್ನು ಈಗ ಮೂರು ತಿಂಗಳವರೆಗೆ ವಿಸ್ತರಿಸಿರುವುದರಿಂದ ಈ ಆಫರ್ ಇದು ಜನವರಿವರೆಗೆ ಲಭ್ಯವಿರುತ್ತದೆ. ಬಳಕೆದಾರರು ಈ ಪ್ರಿಪೇಯ್ಡ್ ಯೋಜನೆಯನ್ನು ಚಿಲ್ಲರೆ ಅಂಗಡಿಗಳ ಮೂಲಕ ಪಡೆಯಬಹುದು.
ಯಾರಾದರೂ ನಿಮ್ಮ 'ಆಧಾರ್ ಕಾರ್ಡ್' ದುರುಪಯೋಗ ಮಾಡುತ್ತಿದ್ದಾರಾ?..ನಿಮಿಷದಲ್ಲಿ ಚೆಕ್ ಮಾಡಿ!
ಹಾಗೂ, BSNL ರೂ 699 ಪ್ರಿಪೇಯ್ಡ್ ಪ್ಲಾನ್ ಎಲ್ಲಾ ಅಸ್ತಿತ್ವದಲ್ಲಿರುವ ಮತ್ತು ಹೊಸ ಪ್ರಿಪೇಯ್ಡ್ ಮೊಬೈಲ್ ಗ್ರಾಹಕರಿಗೆ ಲಭ್ಯವಿದೆ. BSNL ಗ್ರಾಹಕರು ಪ್ಲಾನ್ BSNL699 ಫಾರ್ಮ್ಯಾಟ್‌ನಲ್ಲಿ 123 ಗೆ SMS ಕಳುಹಿಸುವ ಮೂಲಕ ಯೋಜನೆಯನ್ನು ಸಕ್ರಿಯಗೊಳಿಸಬಹುದು. ಗ್ರಾಹಕರು ಅದನ್ನು ಸಕ್ರಿಯಗೊಳಿಸಲು USSD ಕಿರು ಕೋಡ್ *444 *699# ಅನ್ನು ಡಯಲ್ ಮಾಡಬಹುದು. ಅಸ್ತಿತ್ವದಲ್ಲಿರುವ ಗ್ರಾಹಕರು ಎಸ್‌ಎಂಎಸ್ ಕಳುಹಿಸುವ ಅಥವಾ ಕೋಡ್‌ಗೆ ಕರೆ ಮಾಡುವ ಮೊದಲು ತಮ್ಮ ಪ್ರಿಪೇಯ್ಡ್ ಖಾತೆಯ ಬ್ಯಾಲೆನ್ಸ್ ರೂ 699 ಕ್ಕಿಂತ ಹೆಚ್ಚಿದೆಯೇ ಎಂಬುದನ್ನು ಖಾತ್ರಿಪಡಿಸಿಕೊಳ್ಳಬೇಕು.