Xiaomi Browser Ban: ದೇಶದಲ್ಲಿ ಚೀನಾದ ಶವೋಮಿ ಬ್ರೌಸರ್‌ಗೆ ನಿಷೇಧ

ದೇಶದಲ್ಲಿ ಚೀನಾ ಮೂಲದ ಹಲವು ಆ್ಯಪ್‌ಗಳಿಗೆ ನಿಷೇಧ ಹೇರಿದ ಬೆನ್ನಲ್ಲೇ ಮತ್ತಷ್ಟು ಚೀನಾ ಆ್ಯಪ್‌ಗಳನ್ನು ಪರಿಶೀಲಿಸಲಾಗುತ್ತಿದ್ದು, ಅವುಗಳ ಮೇಲೆ ನಿರ್ಬಂಧ ಹೇರಲು ಕೇಂದ್ರ ಸರಕಾರ ಮುಂದಾಗಿದೆ. ಅದರ ಜತೆಗೇ ಚೀನಾದ ಎಂಐ ಬ್ರೌಸರ್ ಪ್ರೋಗೆ ಸರಕಾರ ನಿಷೇಧ ಹೇರಿದೆ. ಈ ಮೊದಲು ಕೇಂದ್ರ, ಚೀನಾದ ಶವೋಮಿ ಎಂಐ ಕಮ್ಯುನಿಟಿ ಆ್ಯಪ್‌ ಮೇಲೂ ನಿರ್ಬಂಧ ಹೇರಿತ್ತು.

ಅದರ ಬೆನ್ನಲ್ಲೇ Mi Browser Pro - Video Download, Free Fast & Secure ಮೇಲೆ ನಿಷೇಧ ಹೇರಲಾಗಿದೆ. ಚೀನಾದ ಈ ಬ್ರೌಸರ್ ಬಳಕೆದಾರರ ಖಾಸಗಿ ಮಾಹಿತಿ, ಬ್ರೌಸಿಂಗ್ ವಿವರ ಮತ್ತು ಫೋನ್‌ನಲ್ಲಿರುವ ಮಾಹಿತಿ ಕದಿಯುತ್ತಿದೆ ಎಂದು ಫೋರ್ಬ್ಸ್ ಕೂಡ ವರದಿ ಮಾಡಿತ್ತು. ಹೀಗಾಗಿ ಚೀನಾದ ಎಂಐ ಬ್ರೌಸರ್‌ಗೆ ನಿಷೇಧ ಹೇರಲಾಗಿದೆ.

ಚೀನಾದ ಶವೋಮಿ ರೆಡ್ಮಿ ಮತ್ತು ಎಂಐ ಫೋನ್‌ಗಳಲ್ಲಿ ಎಂಐ ಬ್ರೌಸರ್ ಮೊದಲೇ ಇನ್‌ಸ್ಟಾಲ್ ಆಗಿರುತ್ತದೆ. ಬ್ರೌಸರ್ ಬ್ಯಾನ್ ಮಾಡಿದರೆ, ಅವು ಕೆಲಸ ಮಾಡುವುದಿಲ್ಲ. ಅದಕ್ಕೆ ಬದಲಾಗಿ ಗೂಗಲ್ ಕ್ರೋಮ್, ಮೈಕ್ರೋಸಾಫ್ಟ್ ಎಡ್ಜ್ ಮತ್ತು ಮೊಝಿಲ್ಲ ಫೈರ್‌ಫಾಕ್ಸ್‌ನಂತಹ ಆಯ್ಕೆಗಳನ್ನು ಬಳಸಬಹುದಾಗಿದೆ.

ಈ ಮಧ್ಯೆ ಡಿಫಾಲ್ಟ್ ಬ್ರೌಸರ್‌ಗೆ ನಿಷೇಧ ಹೇರಿರುವುದರಿಂದ ನೇರ ಪರಿಣಾಮವಾಗದಿದ್ದರೂ, ಮುಂದೆ ಗ್ರಾಹಕರ ವೈಯಕ್ತಿಕ ಮಾಹಿತಿ ಸುರಕ್ಷತೆ ಮತ್ತು ಡಾಟಾ ಭದ್ರತೆ ಬಗ್ಗೆ ಸಮಸ್ಯೆ ಎದುರಾದರೆ ಶವೋಮಿಗೆ ತೊಂದರೆಯಾಗಬಹುದು ಎಂದು ಹೇಳಲಾಗಿದೆ. ಹೀಗಾಗಿ ಸರಕಾರದ ಜತೆ ಮಾತುಕತೆ ನಡೆಸುವುದು ಉತ್ತಮ ಎಂಬ ಸಲಹೆಯನ್ನು ಉದ್ಯಮದ ಪ್ರಮುಖರು ಶವೋಮಿಗೆ ನೀಡಿದ್ದಾರೆ.

Xiaomi Redmi 9 Prime vs Samsung Galaxy M11: ನಿಮ್ಮ ಆಯ್ಕೆ ರೆಡ್ಮಿ ಅಥವಾ ಸ್ಯಾಮ್‌ಸಂಗ್?