Smartphone Production: ಮೇಕ್ ಇನ್‌ ಇಂಡಿಯಾಗೆ ಸರಕಾರ ಆದ್ಯತೆ

ಮೇಕ್ ಇನ್ ಇಂಡಿಯಾ ಮತ್ತು ಡಿಜಿಟಲ್ ಇಂಡಿಯಾ ಕಾರ್ಯಕ್ರಮದ ಅಂಗವಾಗಿ ದೇಶವನ್ನು ಸ್ಮಾರ್ಟ್‌ಫೋನ್ ಉತ್ಪಾದನೆಯ ಪ್ರಮುಖ ತಾಣವನ್ನಾಗಿ ರೂಪಿಸಲು ಸರಕಾರ ಮುಂದಾಗಿದೆ. ಈಗಾಗಲೇ ಶವೋಮಿ, ಸ್ಯಾಮ್‌ಸಂಗ್ ಮತ್ತು ಆ್ಯಪಲ್ ದೇಶದಲ್ಲಿ ಉತ್ಪಾದನಾ ಮತ್ತು ಜೋಡಣಾ ಘಟಕ ಹೊಂದಿದ್ದು, ವಿವಿಧ ಮಾದರಿಗಳನ್ನು ಉತ್ಪಾದಿಸಲಾಗುತ್ತಿದೆ.

ಅಲ್ಲದೆ ದೇಶದಲ್ಲಿ ಉತ್ಪಾದಿಸಲಾದ ಸ್ಮಾರ್ಟ್‌ಫೋನ್ ಮತ್ತು ಜೋಡಿಸಲಾದ ಫೋನ್‌ಗಳನ್ನು ವಿದೇಶಕ್ಕೆ ರಫ್ತು ಮಾಡಲಾಗುತ್ತಿದೆ. ಇದರಿಂದಾಗಿ ದೇಶದ ಬ್ರ್ಯಾಂಡ್‌ ಹೆಸರು ಕೂಡ ಜಾಗತಿಕವಾಗಿ ಪ್ರಸಿದ್ಧಿಯಾಗುತ್ತಿದೆ. ಹೀಗಾಗಿ ಹೊಸ ಘಟಕ ಸ್ಥಾಪನೆಯಿಂದ ಉದ್ಯೋಗಾವಕಾಶ ಕೂಡ ಹೆಚ್ಚಾಗುವ ನಿರೀಕ್ಷೆಯಿದೆ.

ಸ್ಥಳೀಯವಾಗಿ ಮೊಬೈಲ್‌ ಉತ್ಪಾದನೆಯನ್ನು ಹೆಚ್ಚಿಸಲು ಕೇಂದ್ರ ಸರಕಾರ 42,000 ಕೋಟಿ ರೂ.ಗಳ ಯೋಜನೆಯನ್ನು ಜಾರಿಗೊಳಿಸಲು ಸಿದ್ಧತೆ ನಡೆಸಿದೆ. ಕೊರೊನಾ ವೈರಸ್‌ ದಾಳಿಯ ಪರಿಣಾಮ ಚೀನಾದಲ್ಲಿ ಮೊಬೈಲ್‌ ಉತ್ಪಾದನೆ ಕುಂಠಿತವಾಗಿದ್ದು, ಪೂರೈಕೆ ವ್ಯತ್ಯಯವಾಗಿದೆ. ಬಿಡಿಭಾಗ ಪೂರೈಕೆಯಲ್ಲೂ ಸಮಸ್ಯೆಯಾಗಿದ್ದು, ಹೊಸ ಮೊಬೈಲ್ ಬಿಡುಗಡೆಯೂ ತಡವಾಗಿದೆ. ಈ ಅವಕಾಶವನ್ನು ಬಳಸಿಕೊಳ್ಳಲು ಭಾರತ ಕಾರ್ಯಪ್ರವೃತ್ತವಾಗಲಿದೆ.

Corona Virus Effect: ಮೊಬೈಲ್‌ ಫೋನ್‌ ದರ ಹೆಚ್ಚಳ

ಮೊಬೈಲ್‌ ಉತ್ಪಾದನೆ ಮತ್ತು ಪೂರೈಕೆಯ ಜಾಗತಿಕ ಜಾಲದಲ್ಲಿ ಬಲವಾಗಿ ಬೇರೂರಲು ಅವಕಾಶ ಸೃಷ್ಟಿಯಾಗಿದ್ದು, ಇದನ್ನು ಬಳಸಿಕೊಳ್ಳಲು ಭಾರತ ಮುಂದಾಗಲಿದೆ. ಉತ್ಪಾದನೆ ಆಧಾರಿತ ಇನ್ಸೆಂಟಿವ್‌ ಯೋಜನೆಯನ್ನು ಸರಕಾರ ಜಾರಿಗೆ ತರುವ ಸಾಧ್ಯತೆ ಇದೆ. ಇದರ ಪರಿಣಾಮ ಚೀನಾದ ಮೇಲಿನ ಅವಲಂಬನೆ ಇಳಿಕೆಗೆ ಹಾಗೂ ಸ್ಥಳೀಯ ಉತ್ಪಾದನೆ ಹೆಚ್ಚಳಕ್ಕೆ ಅನುಕೂಲವಾಗುವ ನಿರೀಕ್ಷೆ ಇದೆ.

WhatsApp Dark Mode: ಕೊನೆಗೂ ಬಂತು ಡಾರ್ಕ್ ಥೀಮ್!

ಈ ಯೋಜನೆಯಿಂದ ಭಾರತದಲ್ಲಿ ಸ್ಮಾರ್ಟ್‌ಫೋನ್‌ ಉತ್ಪಾದಿಸುವ ಸ್ಯಾಮ್‌ಸಂಗ್‌, ಆ್ಯಪಲ್‌ ಮುಂತಾದ ಕಂಪನಿಗಳಿಗೂ ಪುಷ್ಟಿ ಸಿಗಲಿದೆ. ಭಾರತವನ್ನು ಎಲೆಕ್ಟ್ರಾನಿಕ್ಸ್‌ ಉತ್ಪಾದನೆಯ ಪ್ರಮುಖ ತಾಣವಾಗಿ ರೂಪಿಸುವ ಇಂಗಿತವೂ ಯೋಜನೆಯ ಹಿಂದಿದೆ.

Coronavirus: ದುಬಾರಿಯಾಗಲಿದೆ ಸ್ಮಾರ್ಟ್‌ಫೋನ್?