Jack Dorsey: 28% ಸಂಪತ್ತನ್ನೇ ಕೊಟ್ಟ ಟ್ವಿಟರ್‌ ಸಿಇಒ

ವೈರಸ್ ಹಾವಳಿ ವಿರುದ್ಧದ ಹೋರಾಟಕ್ಕೆ ಜಾಗತಿಕವಾಗಿ ವಿವಿಧ ರಾಷ್ಟ್ರಗಳು ಒಟ್ಟಾಗುತ್ತಿರುವ ಸಂದರ್ಭದಲ್ಲಿ ವಿವಿಧ ಉದ್ಯಮಿಗಳು ಕೂಡ ಅಧಿಕ ಪ್ರಮಾಣದಲ್ಲಿ ದೇಣಿಗೆ ನೀಡುವ ಮೂಲಮ ಸಹೃದಯತೆ ಮೆರೆದಿದ್ದಾರೆ.

ಕೋವಿಡ್‌-19 ವಿರುದ್ಧದ ಜಾಗತಿಕ ಸಮರಕ್ಕೆ ಕೈ ಜೋಡಿಸಿರುವ ಟ್ವಿಟರ್‌ ಸಿಇಒ ಜಾಕ್‌ ಡೋರ್ಸಿ ಅವರು, 100 ಕೋಟಿ ಡಾಲರ್‌ (ಅವರ ಸಂಪತ್ತಿನ ಶೇ.28ರಷ್ಟು ಭಾಗ) ದೇಣಿಗೆಯಾಗಿ ನೀಡಿದ್ದಾರೆ.

ಕೋವಿಡ್‌ ಪರಿಹಾರ ಕಾರ್ಯಕ್ಕಾಗಿ ತಮ್ಮ ಚಾರಿಟಿ ನಿಧಿಯಾದ ಸ್ಟಾರ್ಟ್‌ ಸ್ಮಾಲ್‌ ಎಲ್‌ಎಲ್‌ಸಿಗೆ ಜಾಕ್‌ ದೇಣಿಗೆ ನೀಡಿದ್ದು, ಈ ಸಂಗತಿಯನ್ನು ಟ್ವೀಟ್‌ ಮೂಲಕ ತಿಳಿಸಿದ್ದಾರೆ. ಮಾರಕ ಸೋಂಕಿನ ಹಿನ್ನೆಲೆಯಲ್ಲಿಹೆಣ್ಣು ಮಕ್ಕಳ ಆರೋಗ್ಯ, ಶಿಕ್ಷಣ ಮತ್ತು ಸಾಮಾನ್ಯ ಆದಾಯ ಯೋಜನೆಗೆ ಒತ್ತು ನೀಡಬೇಕಿದೆ. ತಮ್ಮ ಚಾರಿಟಿಯಲ್ಲಿನ ಎಲ್ಲದೇಣಿಗೆಯನ್ನೂ ಸಾರ್ವಜನಿಕರು ಗಮನಿಸಬಹುದಾಗಿದೆ ಎಂದಿದ್ದಾರೆ.

ಅಷ್ಟೇ ಅಲ್ಲದೆ, ವೈರಸ್ ಹಾವಳಿ ಕುರಿತ ಜನಜಾಗೃತಿ ಮೂಡಿಸಲು ಮತ್ತು ವಿಶ್ವ ಆರೋಗ್ಯ ಸಂಸ್ಥೆ ಜತೆಗೂ ಅಗತ್ಯ ಸಹಕಾರ ನೀಡಲು ಜಾಕ್ ಡೋರ್ಸಿ ಮುಂದಾಗಿದ್ದಾರೆ. ಮನೆಯಲ್ಲೇ ಇರಿ, ಸುರಕ್ಷಿತವಾಗಿರಿ ಎನ್ನುವ ಸಂದೇಶಗಳು ಮತ್ತು ಹ್ಯಾಶ್‌ಟ್ಯಾಗ್ ಮೂಲಕ ಟ್ವಿಟರ್ ಜನರಲ್ಲಿ ಜಾಗೃತಿ ಮೂಡಿಸಲಾಗುತ್ತಿದೆ.

DTH Offer: ಟಾಟಾ ಸ್ಕೈ, ಡಿಶ್ ಟಿವಿ ಮತ್ತು ಏರ್‌ಟೆಲ್ ಡಿಜಿಟಲ್ ಟಿವಿ ಆಫರ್

ಅಮೆಜಾನ್‌ ಫೌಂಡರ್ ಜೆಫ್ ಬೆಜೊಸ್, ಫೇಸ್‌ಬುಕ್‌ನ ಮಾರ್ಕ್‌ ಜುಕರ್‌ಬರ್ಗ್ ಮತ್ತು ಮೈಕ್ರೋಸಾಫ್ಟ್‌ನ ಬಿಲ್‌ ಗೇಟ್ಸ್ ಸಹಿತ ವಿವಿಧ ಟೆಕ್ ದಿಗ್ಗಜ ಕಂಪನಿಗಳು ಕೋವಿಡ್ 19 ಹೋರಾಟಕ್ಕೆ ಸಾಥ್ ನೀಡಿವೆ.

WhatsApp Red Tick: ನಿಮ್ಮ ವಾಟ್ಸಪ್ ಚಾಟ್‌ನಲ್ಲಿ ಕೆಂಪು ಟಿಕ್ ಬರುತ್ತಿದೆಯೇ?