Alibaba Group: ಇ ಕಾಮರ್ಸ್ ದೈತ್ಯ ಕಂಪನಿಯ ಜಾಕ್‌ ಮಾ ಸಂಪತ್ತು ಶೇ. 45 ಏರಿಕೆ

ಜಾಗತಿಕವಾಗಿ ವಿವಿಧ ರಾಷ್ಟ್ರಗಳಲ್ಲಿ ಉದ್ಯಮ ಹೊಂದಿರುವ ಚೀನಾ ಮೂಲದ ಅಲಿಬಾಬಾ ಗ್ರೂಪ್‌ನ ಸ್ಥಾಪಕ ಜಾಕ್ ಮಾ ಈಗ ಮತ್ತೆ ಸುದ್ದಿಯಲ್ಲಿದ್ದಾರೆ.

ಇ-ಕಾಮರ್ಸ್‌ ದೈತ್ಯ ಸಂಸ್ಥೆ ಅಲಿಬಾಬಾ ಸಂಸ್ಥಾಪಕ, ಚೀನಾದ ನಂ.1 ಶ್ರೀಮಂತ ಜಾಕ್‌ ಮಾ ಅವರ ಸಂಪತ್ತು ಕೋವಿಡ್‌ ಬಿಕ್ಕಟ್ಟಿನ ನಡುವೆಯೂ ವೃದ್ಧಿಯಾಗಿದೆ. ಕಳೆದ ವರ್ಷಕ್ಕೆ ಹೋಲಿಸಿದರೆ ಅವರ ಸಂಪತ್ತು 45% ವೃದ್ಧಿಯಾಗಿದೆ.

ಹುರುನ್‌ ರೀಸರ್ಚ್ ಇನ್‌ಸ್ಟಿಟ್ಯೂಟ್‌ನ ಸಮೀಕ್ಷೆ ಪ್ರಕಾರ, ಕೋವಿಡ್‌ ಬಿಕ್ಕಟ್ಟಿನ ಸಂದರ್ಭದಲ್ಲಿ ಆನ್‌ಲೈನ್‌ ಶಾಪಿಂಗ್‌ ಮತ್ತು ಸೇವೆಗಳಿಗೆ ಹೆಚ್ಚಿನ ಬೇಡಿಕೆ ಕಂಡು ಬಂದಿತ್ತು. ಹೀಗಾಗಿ ಜಾಕ್‌ ಮಾ ಸಂಪತ್ತು 58.8 ಶತಕೋಟಿ ಡಾಲರ್‌ಗೆ ವೃದ್ಧಿಯಾಗಿದೆ. ಚೀನಾದ ನಂ. 2 ಶ್ರೀಮಂತರಾಗಿ ಟೆನ್ಸೆಂಟ್‌ ಸಂಸ್ಥಾಪಕ ಮಾ ಹುಟೆಂಗ್‌ ಇದ್ದಾರೆ. ವೀಚಾಟ್‌ ಮೆಸೇಜಿಂಗ್‌ ಸೇವೆಯು ಇವರ ಒಡೆತನದಲ್ಲಿದೆ.

ಕಳೆದ ಒಂದು ವರ್ಷದಲ್ಲಿ ಚೀನಾದಲ್ಲಿ ಸರಾಸರಿ ಐವರು ಹೊಸ ಉದ್ಯಮಿಗಳ ಸಂಪತ್ತು, ಪ್ರತಿ ವಾರವೂ ಕನಿಷ್ಠ 100 ಕೋಟಿ ಡಾಲರ್‌ ವೃದ್ಧಿಯಾಗಿದೆ ಎಂದು ಹುರುನ್‌ ಹೇಳಿದೆ. ಕೇವಲ ಒಂದು ವರ್ಷದಲ್ಲಿಯೇ ಇಷ್ಟೊಂದು ಸಂಪತ್ತು ವೃದ್ಧಿಯಾಗಿರುವುದನ್ನು ಜಗತ್ತು ಎಲ್ಲೂ ಕಂಡದ್ದೇ ಇಲ್ಲ.

Xiaomi Redmi: ದೇಶದಲ್ಲಿ ಅತ್ಯಧಿಕ ಫೋನ್ ಮಾರಾಟ ಮಾಡಿದ ಶವೋಮಿ

ಮತ್ತೊಂದೆಡೆ ಚೀನಾ ಮೂಲದ ವಿವಿಧ ಮೊಬೈಲ್ ಅಪ್ಲಿಕೇಶನ್ ಮತ್ತು ಗೇಮ್‌ಗಳನ್ನು ದೇಶದಲ್ಲಿ ನಿಷೇಧಿಸಿರುವುದರಿಂದ, ಅವುಗಳ ಕಂಪನಿಗಳಿಗೆ ಅತಿದೊಡ್ಡ ಮಾರುಕಟ್ಟೆಯಾಗಿದ್ದ ಭಾರತದಲ್ಲಿ ನಷ್ಟ ಉಂಟಾಗಿದೆ.

Big Diwali Sale: ಫ್ಲಿಪ್‌ಕಾರ್ಟ್ ದೀಪಾವಳಿ ಸೇಲ್ ಅಕ್ಟೋಬರ್ 29ರಿಂದ ಆರಂಭ