Smartphone Sales: ಶವೋಮಿ ಫಸ್ಟ್‌, ವಿವೊ ಸೆಕೆಂಡ್‌!

ದೇಶದ ಸ್ಮಾರ್ಟ್‌ಫೋನ್‌ ಮಾರುಕಟ್ಟೆಯಲ್ಲಿ 2019ರಲ್ಲಿ ಚೀನಾದ ಶವೋಮಿ ನಂ.1 ಸ್ಥಾನವನ್ನು ಕಾಯ್ದುಗೊಂಡಿದ್ದು, ಶೇ. 27ರಷ್ಟು ಮಾರುಕಟ್ಟೆ ಪಾಲನ್ನು ಹೊಂದಿದೆ. ವಿವೋ ಶೇ. 21ರಷ್ಟು ಮಾರುಕಟ್ಟೆ ಪಾಲನ್ನು ಹೊಂದಿದ್ದು ಎರಡನೇ ಸ್ಥಾನದಲ್ಲಿದ್ದರೆ, ಸ್ಯಾಮ್‌ಸಂಗ್‌ ಮೂರನೇ ಸ್ಥಾನಕ್ಕೆ ತಳ್ಳಲ್ಪಟ್ಟಿದೆ. ಅದರ ಮಾರುಕಟ್ಟೆ ಪಾಲು ಶೇ. 19ರಷ್ಟಿದೆ.

ಕೌಂಟರ್‌ಪಾಯಿಂಟ್‌ ರೀಸರ್ಚ್ ವರದಿ ಪ್ರಕಾರ, ದೇಶದ ಸ್ಮಾರ್ಟ್‌ಫೋನ್‌ ಮಾರುಕಟ್ಟೆಯಲ್ಲಿ ಚೀನಾ ಕಂಪನಿಗಳ ಪ್ರಾಬಲ್ಯ ಹೆಚ್ಚಿನ ಮಟ್ಟದಲ್ಲಿದೆ. ಇನ್ನು ಮಾರುಕಟ್ಟೆಯಲ್ಲಿ ಒಪ್ಪೊ ಮತ್ತು ರಿಯಲ್‌ಮಿ ನಾಲ್ಕು ಮತ್ತು ಐದನೇ ಸ್ಥಾನದಲ್ಲಿವೆ. ಅವು ಕ್ರಮವಾಗಿ ಶೇ. 12 ಮತ್ತು 8ರಷ್ಟು ಮಾರುಕಟ್ಟೆ ಪಾಲನ್ನು ಹಂಚಿಕೊಂಡಿವೆ.

ಸೆಲ್ಫಿ ಫೋನ್‌ಗಳ ಮೂಲಕ ಜನಪ್ರಿಯವಾಗಿರುವ ವಿವೊ, ಇದೇ ಮೊದಲ ಬಾರಿಗೆ ಭಾರತದ ಸ್ಮಾರ್ಟ್‌ಫೋನ್‌ ಮಾರುಕಟ್ಟೆಯಲ್ಲಿ ನಂ. 2 ಪಟ್ಟಕ್ಕೆ ಬಂದಿದೆ. 2018ಕ್ಕೆ ಹೋಲಿಸಿದರೆ ಅದರ ಬೆಳವಣಿಗೆಯು 2019ರಲ್ಲಿ ಶೇ. 76ರಷ್ಟು ಏರಿಕೆಯಾಗಿದೆ. ಶಿಯೋಮಿ ಮತ್ತು ಸ್ಯಾಮ್‌ಸಂಗ್‌ನ ಪ್ರಬಲ ಸ್ಪರ್ಧೆಯ ಮಧ್ಯೆ ವಿವೊ ತನ್ನ ಸ್ಥಾನ ಉಳಿಸಿಕೊಳ್ಳಲು ಪ್ರಯತ್ನ ನಡೆಸಿದೆ.

ಆ್ಯಪಲ್‌ನ ಮಾರುಕಟ್ಟೆ ಪಾಲು ಶೇ. 2ರಷ್ಟಿದೆ. ಐಫೋನ್‌ ಎಕ್ಸ್‌ಆರ್‌ ಮತ್ತು ಐಫೋನ್‌ 11 ಉತ್ತಮ ಮಾರಾಟದಿಂದಾಗಿ ಇದರ ಬೆಳವಣಿಗೆಯು ವೇಗ ಶೇ. 41ರಷ್ಟು ಏರಿಕೆಯಾಗಿದೆ ಎಂದು ಕೌಂಟರ್‌ಪಾಯಿಂಟ್‌ ರೀಸರ್ಚ್ ವರದಿಯಲ್ಲಿ ಹೇಳಲಾಗಿದೆ.

ಮಾರಾಟ ವಹಿವಾಟು ಒಂದಂಕಿಗೆ ಇಳಿಕೆ
ಸ್ಮಾರ್ಟ್‌ಫೋನ್‌ಗಳ ಮಾರಾಟದ ಬೆಳವಣಿಗೆಯು 2019ರಲ್ಲಿ ಶೇ. 7ರಷ್ಟು ವೃದ್ಧಿಯಾಗಿದೆ. ಆದರೆ, 2018ರಲ್ಲಿ ಶೇ. 10ರ ಬೆಳವಣಿಗೆ ಕಂಡು ಬಂದಿತ್ತು ಎಂದು ಕೌಂಟರ್‌ಪಾಯಿಂಟ್‌ ಮಾರ್ಕೆಟ್‌ ರೀಸರ್ಚ್ ವರದಿಯಲ್ಲಿಹೇಳಲಾಗಿದೆ.

ದೇಶದ ಸ್ಮಾರ್ಟ್‌ಫೋನ್‌ ಮಾರುಕಟ್ಟೆಯು ಬೆಳವಣಿಗೆಯಲ್ಲಿಒಂದು ಹಂತಕ್ಕೆ ಮುಟ್ಟಿದೆ. ಉತ್ತಮ ಕಾರ್ಯಕ್ಷಮತೆಯ ಮೊಬೈಲ್‌ಗಳು ಜನರಿಗೆ ಸಿಗುತ್ತಿವೆ. ಹೀಗಾಗಿ, ಜನರು ದೀರ್ಘಾವಧಿಗೆ ತಮ್ಮ ಮೊಬೈಲ್‌ಗಳನ್ನು ಬಳಸುತ್ತಿದ್ದಾರೆ. ಮಾರಾಟ ವಹಿವಾಟು ಕುಸಿತಕ್ಕೆ ಇದು ಪ್ರಮುಖ ಕಾರಣ ಎಂದು ಕೌಂಟರ್‌ಪಾಯಿಂಟ್‌ ಮಾರ್ಕೆಟ್‌ ರೀಸರ್ಚ್ ವಿಶ್ಲೇಷಕ ಕರಣ್‌ ಚವಾಣ್‌ ಅಭಿಪ್ರಾಯಪಟ್ಟಿದ್ದಾರೆ.

Windows Safety: ಕಂಪ್ಯೂಟರ್‌ನಲ್ಲಿ ಡಾಟಾ ಸುರಕ್ಷಿತವಾಗಿಡುವುದು ಹೇಗೆ?

ಈ ವರ್ಷ ಶೇ. 10ರ ಬೆಳವಣಿಗೆ
2020ರಲ್ಲಿಸ್ಮಾರ್ಟ್‌ಫೋನ್‌ ಮಾರುಕಟ್ಟೆಯ ಬೆಳವಣಿಗೆ ಶೇ.10ಕ್ಕಿಂತ ಹೆಚ್ಚಿನ ಮಟ್ಟಕ್ಕೆ ಏರಬಹುದು ಎಂದು ಕೌಂಟರ್‌ಪಾಯಿಂಟ್‌ ಅಂದಾಜು ಮಾಡಿದೆ. ಶವೋಮಿ, ಒಪ್ಪೊ, ವಿವೊ, ರಿಯಲ್‌ಮಿ, ಒನ್‌ಪ್ಲಸ್‌ - ಚೀನಾದ ಟಾಪ್‌ 5 ಹ್ಯಾಂಡ್‌ಸೆಟ್‌ ಬ್ರ್ಯಾಂಡ್‌ಗಳು 2019ರಲ್ಲಿಒಟ್ಟು ಮಾರುಕಟ್ಟೆಯಲ್ಲಿ ಶೇ. 72ರಷ್ಟು ಭಾಗವನ್ನು ತಮ್ಮದಾಗಿ ಮಾಡಿಕೊಂಡಿವೆ. ಕಳೆದ ವರ್ಷದ ಮಾರುಕಟ್ಟೆ ಪಾಲು ಶೇ. 60ರಷ್ಟಿತ್ತು.

AC Control: ಅಮೆಜಾನ್ ಅಲೆಕ್ಸಾ ಮೂಲಕ ನಿಯಂತ್ರಿಸಿ!