Xiaomi: 108 ಮೆಗಾಪಿಕ್ಸೆಲ್ ಕ್ಯಾಮರಾ ಸಹಿತ ಸ್ಮಾರ್ಟ್‌ಫೋನ್

ಚೀನಾದ ಶವೋಮಿ ಸಂಸ್ಥೆ ಸ್ಮಾರ್ಟ್‌ಫೋನ್ ಕ್ಷೇತ್ರದಲ್ಲಿ ಹೊಸ ಹೆಜ್ಜೆಯಿರಿಸಲು ಮುಂದಾಗಿದೆ. ಸ್ಯಾಮ್‌ಸಂಗ್‌ನ ನೂತನ 108 ಮೆಗಾಪಿಕ್ಸೆಲ್ ಐಸೋಸೆಲ್ ಸೆನ್ಸರ್ ಬಳಸಿರುವ ಹೊಸ ಸ್ಮಾರ್ಟ್‌ಫೋನ್ ಬಿಡುಗಡೆ ಮಾಡಲು ಸಿದ್ಧತೆ ನಡೆಸಿದೆ.

ಈ ಫೋನ್‌ನಲ್ಲಿ ಬಳಸಿ ತೆಗೆದ ಚಿತ್ರ ಗರಿಷ್ಠ 12,032 x 9,024 ಪಿಕ್ಸೆಲ್ ರೆಸೊಲ್ಯೂಶನ್ ಇರಲಿದೆ.

ಐಸ್ ಯುನಿವರ್ಸ್ ಕೂಡ ಈ ಸುದ್ದಿಯನ್ನು ದೃಢಪಡಿಸಿದ್ದು, ಸ್ಯಾಮ್‌ಸಂಗ್ 108 ಮೆಗಾಪಿಕ್ಸೆಲ್ ಐಸೋಸೆಲ್ ಬಳಸಿ ನೂತನ ಫೋನ್ ತಯಾರಿಸಲಾಗುತ್ತದೆ ಎಂದು ಹೇಳಿದೆ. ಅದರ ಹೊರತಾಗಿ ಯಾವುದೇ ಮಾಹಿತಿಯನ್ನು ಶವೋಮಿ ಬಿಡುಗಡೆ ಮಾಡಿಲ್ಲ.

ಪ್ರಸ್ತುತ ಮಾರುಕಟ್ಟೆಯಲ್ಲಿ 64 MP ಕ್ಯಾಮರಾ ಇರುವ ಸ್ಮಾರ್ಟ್‌ಫೋನ್‌ಗಳು ಸದ್ದು ಮಾಡುತ್ತಿದ್ದು, ಈಗಾಗಲೇ ಹಲವು ಮಾದರಿಗಳು 64 ಮೆಗಾಪಿಕ್ಸೆಲ್ ಕ್ಯಾಮರಾ ಸಹಿತ ಮಾರುಕಟ್ಟೆ ಪ್ರವೇಶಿಸಿವೆ. ಆದರೆ ಶವೋಮಿ ಹೊಸ ಸಾಹಸಕ್ಕೆ ಮುಂದಾಗಿದೆ.