Apple: ಚೀನಾದಲ್ಲಿ ಆ್ಯಪಲ್ ಬಹಿಷ್ಕರಿಸಿ ಅಭಿಯಾನ

ಬೀಜಿಂಗ್: ಅಮೆರಿಕದಲ್ಲಿ ಹುವೈ ಸ್ಮಾರ್ಟ್‌ಫೋನ್ ಮತ್ತು ಹುವೈ ಉತ್ಪನ್ನಗಳಿಗೆ ಮಾನ್ಯತೆ ನೀಡದಿರುವುದನ್ನು ಖಂಡಿಸಿ ಚೀನಾದಲ್ಲಿ ಬಾಯ್ಕಟ್ ಆ್ಯಪಲ್ ಅಭಿಯಾನ ಆರಂಭಿಸಲಾಗಿದೆ.

ಚೀನಾದ ಸಾಮಾಜಿಕ ತಾಣದಲ್ಲಿ ಆ್ಯಪಲ್ ಬಹಿಷ್ಕರಿಸಿ, ಚೀನಾ ಉತ್ಪನ್ನ, ಸ್ಮಾರ್ಟ್‌ಫೋನ್, ಗ್ಯಾಜೆಟ್‌ಗಳನ್ನೇ ಬಳಸಿ ಎಂಬ ಅಭಿಯಾನ ಆರಂಭಗೊಂಡಿದ್ದು, ಆ್ಯಪಲ್‌ಗೆ ಹೊಡೆತ ನೀಡಲು ಚೀನಾದ ಬಳಕೆದಾರರು ನಿರ್ಧರಿಸಿದ್ದಾರೆ.

ಅಮೆರಿಕದಲ್ಲಿ ಚೀನಾದ ಉತ್ಪನ್ನಗಳಿಗೆ ಅಧಿಕ ತೆರಿಗೆ, ವಿವಿಧ ರೀತಿಯ ನಿರ್ಬಂಧ, ಹೆಚ್ಚುವರಿ ನಿಯಂತ್ರಣ ಹೇರಲಾಗುತ್ತಿದೆ. ಜತೆಗೆ ಸುರಕ್ಷತಾ ಮತ್ತು ಭದ್ರತಾ ನಿಯಮ ಪಾಲಿಸುತ್ತಿಲ್ಲ ಎಂದು ಚೀನಾದ ಸ್ಮಾರ್ಟ್‌ಫೋನ್‌ಗಳಿಗೆ ನಿರ್ಬಂಧ ವಿಧಿಸಲಾಗುತ್ತಿದೆ.

ಈ ಕುರಿತು ಚೀನಾ ಈ ಹಿಂದೆಯೆ ಅಮೆರಿಕಾಗೆ ಎಚ್ಚರಿಕೆ ನೀಡಿತ್ತು. ಇದೀಗ ಚೀನಾದಲ್ಲಿಯೇ ಆ್ಯಪಲ್‌ಗೆ ಶಾಕ್ ನೀಡಲು ಮುಂದಾಗಿದೆ.