Vivo Y90: ಕಡಿಮೆ ಬಜೆಟ್‌ಗೆ ಉತ್ತಮ ಫೋನ್

ದೇಶದಲ್ಲಿ ಆರಂಭಿಕ ಹಂತದ, ಕಡಿಮೆ ಬಜೆಟ್‌ನಲ್ಲಿ ಉತ್ತಮ ಫೋನ್ ಬೇಕೆನ್ನುವವರಿಗೆ ವಿವೋ ಹೊಸ ಫೋನ್ ಅನ್ನು ಶೀಘ್ರದಲ್ಲೇ ಪರಿಚಯಿಸುತ್ತಿದೆ.

ವಿವೋದ Y90 ಸ್ಮಾರ್ಟ್‌ಫೋನ್ ವಿನ್ಯಾಸ ಮತ್ತು ವೈಶಿಷ್ಟ್ಯತೆ ಕುರಿತು ಈಗಾಗಲೇ ಸೋರಿಕೆಯಾಗಿರುವ ಚಿತ್ರಗಳನ್ನು ಗಮನಿಸಿದರೆ, ವಾಟರ್‌ಡ್ರಾಪ್ ನಾಚ್ ಡಿಸ್‌ಪ್ಲೇ ಹೊಂದಿದೆ.

ವಿವೋದ ಹೊಸ ಫೋನ್ Y90, 2 GB RAM ಮತ್ತು 16 GB ಸ್ಟೋರೇಜ್ ಸಹಿತ ಮಾರುಕಟ್ಟೆ ಪ್ರವೇಶಿಸಲಿದ್ದು, 6,990 ರೂ. ಬೆಲೆ ಹೊಂದಿರುತ್ತದೆ ಎನ್ನಲಾಗಿದೆ. ಇದು ಆರಂಭಿಕ ಆವೃತ್ತಿಯಾಗಿದ್ದು, 2 GB RAM ಮತ್ತು 32 GB ಸ್ಟೋರೇಜ್‌ನಲ್ಲೂ ದೊರೆಯಲಿದೆ.

ಈಗಾಗಲೇ ಆರಂಭಿಕ ಹಂತದ ಬಜೆಟ್ ಸ್ಮಾರ್ಟ್‌ಫೋನ್‌ಗಳಾದ ರಿಯಲ್‌ಮಿ C2, ಶವೋಮಿ ರೆಡ್ಮಿ 7 ಮತ್ತು ರಿಯಲ್‌ಮಿ 3i ಜತೆ ವಿವೋ Y90 ಸ್ಪರ್ಧೆ ನಡೆಸಲಿದೆ.

6.22 ಇಂಚಿನ ಡಿಸ್‌ಪ್ಲೇ, ಕ್ವಾಡ್‌ ಕೋರ್ ಮೀಡಿಯಾಟೆಕ್ ಹೀಲಿಯೋ ಪ್ರೊಸೆಸರ್, ಹಿಂಬದಿಯಲ್ಲಿ 8 ಮೆಗಾಪಿಕ್ಸೆಲ್ ಕ್ಯಾಮರಾ, 5 ಮೆಗಾಪಿಕ್ಸೆಲ್ ಸೆಲ್ಫಿ ಇದರ ವಿಶೇಷತೆಯಾಗಿರಲಿದೆ.