Boycott China: ಸ್ಯಾಮ್‌ಸಂಗ್ ಫೋನ್ ಮಾರಾಟ ಏರಿಕೆ, ಚೀನಾ ಫೋನ್ ಬೇಡಿಕೆ ಕುಸಿತ!

ಗಡಿಸಂಘರ್ಷ ಮತ್ತು ಚೀನಾ ಜತೆಗಿನ ವಾಣಿಜ್ಯ ಸಮರದಿಂದಾಗಿ ದೇಶದಲ್ಲಿ ಚೀನಾ ಗ್ಯಾಜೆಟ್ ಮತ್ತು ಸ್ಮಾರ್ಟ್‌ಫೋನ್ ಬೇಡಿಕೆ ಕಡಿಮೆಯಾಗುತ್ತಿದೆ. ಎರಡನೇ ತ್ರೈಮಾಸಿಕದಲ್ಲಿ ಈ ಮೊದಲಿನ ಪ್ರಮಾಣ ಗಮನಿಸಿದರೆ, ಚೀನಾ ಫೋನ್ ಬೇಡಿಕೆ ಮತ್ತು ಮಾರಾಟ ಗತಿ ಶೇ. 10ರಷ್ಟು ಇಳಿಕೆಯಾಗಿದೆ.

ಇದೇ ಅವಧಿಯಲ್ಲಿ ಸ್ಯಾಮ್‌ಸಂಗ್ ಮತ್ತು ಚೀನಾ ಹೊರತಾದ ಬ್ರ್ಯಾಂಡ್‌ ಫೋನ್‌ಗಳ ಮಾರಾಟ ಏರಿಕೆಯಾಗಿದೆ. ಪ್ರಮುಖವಾಗಿ ಸ್ಯಾಮ್‌ಸಂಗ್ ಫೋನ್ ಮಾರಾಟ ಹೆಚ್ಚಿದ್ದು, ಚೀನಾ ಫೋನ್‌ಗಳನ್ನು ಜನರು ಹಂತಹಂತವಾಗಿ ತ್ಯಜಿಸಲು ನಿರ್ಧರಿಸಿರುವುದು, ಸ್ಯಾಮ್‌ಸಂಗ್‌ಗೆ ವರವಾಗಲಿದೆ.

2020ರ ಮೊದಲ ತ್ರೈಮಾಸಿಕದಲ್ಲಿ ಚೀನಾ ಫೋನ್‌ಗಳ ಮಾರುಕಟ್ಟೆ ಪಾಲು ಶೇ. 81 ಇತ್ತು. ಆದರೆ ಎರಡನೇ ತ್ರೈಮಾಸಿಕ ವರದಿ ಗಮನಿಸಿದರೆ, ಚೀನಾ ಬ್ರ್ಯಾಂಡ್‌ಗಳ ಫೋನ್ ಮಾರಾಟ ಕುಸಿತವಾಗಿದ್ದು, ಶೇ. 72 ಇದೆ. ಸುಮಾರು ಶೇ. 10ರಷ್ಟು ಚೀನಾ ಫೋನ್ ಮಾರಾಟ ಕುಸಿತ ಕಂಡಿದೆ.

ಒಪ್ಪೋ, ವಿವೋ, ರೆಡ್ಮಿ ಮತ್ತು ರಿಯಲ್‌ಮಿ ಮೊದಲಾದ ಚೀನಾದ ಬ್ರ್ಯಾಂಡ್‌ಗಳನ್ನು ಜನರು ತೊರೆಯುತ್ತಿದ್ದು, ಚೀನಾ ಕಂಪನಿ ಹೊರತಾದ ಫೋನ್ ಮತ್ತು ಗ್ಯಾಜೆಟ್‌ಗಳ ಬಳಕೆಗೆ ಒಲವು ಹೊಂದಿದ್ದಾರೆ. ಇದರಿಂದಾಗಿ ಮಾರುಕಟ್ಟೆಯಲ್ಲಿ ಸ್ಯಾಮ್‌ಸಂಗ್, ಮೈಕ್ರೋಮ್ಯಾಕ್ಸ್ ಮತ್ತು ಲಾವಾ ಫೋನ್‌ ಬೇಡಿಕೆ ಪಡೆದುಕೊಂಡಿದೆ ಎಂದು ಕೌಂಟರ್‌ಪಾಯಿಂಟ್‌ ರಿಸರ್ಚ್‌ನ ಶಿಲ್ಪಿ ಜೈನ್ ತಿಳಿಸಿದ್ದಾರೆ.

Best Samsung Mobile: 10 ಸಾವಿರ ಬಜೆಟ್‌ಗೆ ಸ್ಯಾಮ್‌ಸಂಗ್ ಸ್ಮಾರ್ಟ್‌ಫೋನ್ ಯಾವುದು ಲಭ್ಯ?

ಜತೆಗೆ ಲಾಕ್‌ಡೌನ್‌ನಿಂದಾಗಿ ಚೀನಾ ಸರಕುಗಳ ಪೂರೈಕೆ ವ್ಯತ್ಯಯ, ಚೀನಾ ಆಮದಿನ ಮೇಲೆ ಬಿಗಿಯಾದ ಕ್ರಮಗಳು ಕೂಡ ಚೀನಾ ಫೋನ್ ಮಾರಾಟ ಕುಸಿತಕ್ಕೆ ಕಾರಣವಾಗಿದೆ. ಮತ್ತೊಂದೆಡೆ ಚೀನಾ ಸರಕು ಬಹಿಷ್ಕಾರ ಅಭಿಯಾನಕ್ಕೂ ಜನರು ಕೈಜೋಡಿಸಿರುವುದು ಸ್ಯಾಮ್‌ಸಂಗ್ ಮಾರುಕಟ್ಟೆಯಲ್ಲಿ ಹೆಚ್ಚು ಗಳಿಸಲು ಕಾರಣವಾಗಿದೆ.

China Brand Phone: ಚೀನಾ ಫೋನ್ ಬೇಡವೆಂದಾದರೆ, ಬೇರೆ ಯಾವ ಫೋನ್ ಖರೀದಿಸಬಹುದು?