Redmi AirDots: ಶಿಯೋಮಿ ವೈರ್‌ಲೆಸ್ ಹೆಡ್‌ಸೆಟ್ಸ್‌

ಚೀನಾದಲ್ಲಿ ಎಂಐ ಏರ್‌ಡಾಟ್ಸ್ ವೈರ್‌ಲೆಸ್‌ ಬ್ಲೂಟೂತ್ ಪರಿಚಯಿಸಿದ ಬಳಿಕ ಶಿಯೋಮಿ ಭಾರತದಲ್ಲಿ ರೆಡ್ಮಿ ಏರ್‌ಡಾಟ್ಸ್ ಬಿಡುಗಡೆ ಮಾಡಿದೆ.

ಕೇವಲ 4.1 ಗ್ರಾಂ ತೂಕ ಹೊಂದಿರುವ ರೆಡ್ಮಿ ಏರ್‌ಡಾಟ್ಸ್‌ ಸ್ಪಷ್ಟ ಮತ್ತು ಗದ್ದಲ ರಹಿತ ಧ್ವನಿ ಕೇಳಿಸುವ ಸಾಮರ್ಥ್ಯ ಹೊಂದಿದೆ.

ವೈರ್‌ಲೆಸ್‌ ಬ್ಲೂಟೂತ್ ಹೆಡ್‌ಸೆಟ್ ಮತ್ತು ಇಯರ್‌ಪಾಡ್‌ಗಳಿಗೆ ಬೇಡಿಕೆ ಕಂಡುಬರುತ್ತಿದ್ದು, ಆ್ಯಪಲ್ ಏರ್‌ಪಾಡ್‌ ಹೊರತಂದ ಬಳಿಕ ಶಿಯೋಮಿ ಕೂಡ ವೈರ್‌ಲೆಸ್ ಏರ್‌ಡಾಟ್ಸ್‌ ಹೆಸರಿನ ಬ್ಲೂಟೂತ್ ಹೆಡ್‌ಸೆಟ್ ಪರಿಚಯಿಸುತ್ತಿದೆ.

ರೆಡ್ಮಿ ಏರ್‌ಡಾಟ್ಸ್ ಒಂದು ಬಾರಿ ಚಾರ್ಜ್‌ ಮಾಡಿದರೆ 12 ಗಂಟೆ ಕಾಲ ಬಳಸಬಹುದಾಗಿದೆ. ಮ್ಯೂಸಿಕ್ ಕೇಳುವಿರಾದರೆ, ಸತತ ನಾಲ್ಕು ಗಂಟೆ ಬಳಸಬಹುದು.

ಬ್ಲೂಟೂತ್ 5.0 ತಂತ್ರಜ್ಞಾನ ಸಹಿತ ಏರ್‌ಡಾಟ್ಸ್‌, Realtek 8763 ಚಿಪ್‌ ಹೊಂದಿದೆ. ಏಪ್ರಿಲ್‌ 9ರಿಂದ ದೇಶದಲ್ಲಿ ರೆಡ್ಮಿ ಏರ್‌ಡಾಟ್ಸ್ ಲಭ್ಯವಾಗಲಿದೆ.