Mi India: ದೇಶದಲ್ಲಿ ಮತ್ತಷ್ಟು ಗ್ರಾಹಕರನ್ನು ಸೆಳೆಯಲು ಶಿಯೋಮಿ ಪ್ಲ್ಯಾನ್

ಚೀನಾ ಮೂಲದ ಶಿಯೋಮಿ ದೇಶದಲ್ಲಿ ಅತ್ಯಧಿಕ ಸಂಖ್ಯೆಯ ಸ್ಮಾರ್ಟ್‌ಫೋನ್‌ಗಳನ್ನು ಮಾರಾಟ ಮಾಡುತ್ತಿದ್ದು, ಎಂಐ ಡಾಟ್ ಕಾಮ್ ಅಧಿಕೃತ ವೆಬ್‌ಸೈಟ್ ಮೂಲಕ ಮತ್ತಷ್ಟು ಸ್ಮಾರ್ಟ್‌ಫೋನ್ ಮತ್ತು ಗ್ಯಾಜೆಟ್, ಅಕ್ಸೆಸ್ಸರಿ ಮಾರಾಟ ಮಾಡುವ ಉದ್ದೇಶ ಹೊಂದಿದೆ.

ಶಿಯೋಮಿ ಸ್ಟೋರ್ ಅಲ್ಲದೆ, ಪ್ರಮುಖ ಆನ್‌ಲೈನ್ ಶಾಪಿಂಗ್ ತಾಣಗಳಾದ ಫ್ಲಿಪ್‌ಕಾರ್ಟ್, ಅಮೆಜಾನ್ ಮೂಲಕ ಶಿಯೋಮಿ ರೆಡ್ಮಿ ಸ್ಮಾರ್ಟ್‌ಫೋನ್ ಮತ್ತು ಅಕ್ಸೆಸ್ಸರಿ ಮಾರಾಟ ಮಾಡುತ್ತಿದೆ.

ಅಲ್ಲದೆ ಪ್ರಮುಖ ರಿಟೇಲ್ ತಾಣಗಳ ಮೂಲಕವೂ ಶಿಯೋಮಿ ಸ್ಮಾರ್ಟ್‌ಫೋನ್‌ಗಳು ದೊರೆಯುತ್ತಿವೆ.

ಆದರೆ ಶಿಯೋಮಿ ಎಂಐ ವೆಬ್‌ತಾಣ ಮೂಲಕವೇ ಮತ್ತಷ್ಟು ಮಾರುಕಟ್ಟೆ ವಿಸ್ತರಣೆಗೆ ಮುಂದಾಗಿದ್ದು, ಹೆಚ್ಚಿನ ಸರಕನ್ನು ಮಾರಾಟ ಮಾಡಲು ನಿರ್ಧರಿಸಿದೆ. ಜತೆಗೆ ಸ್ಮಾರ್ಟ್‌ಫೋನ್ ಕ್ಷೇತ್ರದ ಸ್ಪರ್ಧೆಯೂ ಇದಕ್ಕೆ ಕಾರಣವಾಗಿದೆ.