Mi CC9: ಶಿಯೋಮಿ ಲೇಟೆಸ್ಟ್ ಸ್ಮಾರ್ಟ್‌ಫೋನ್

ಚೀನಾದ ಶಿಯೋಮಿ ಸಂಸ್ಥೆ, ಎಂಐ ಸ್ಮಾರ್ಟ್‌ಫೋನ್ ಸರಣಿಯಲ್ಲಿ ಎಂಐ ಸಿಸಿ ಮಾದರಿಗಳನ್ನು ಪರಿಚಯಿಸಲು ಸಿದ್ಧತೆ ನಡೆಸಿದೆ.

ಯುವಜನತೆಯನ್ನು ಗಮನದಲ್ಲಿರಿಸಿಕೊಂಡು, ಶಿಯೋಮಿ ಆಕರ್ಷಕ ವಿನ್ಯಾಸ ಎಂಐ ಸಿಸಿ9 ಮತ್ತು ಎಂಐ ಸಿಸಿ9e ಫೋನ್ ಪರಿಚಯಿಸಲು ನಿರ್ಧರಿಸಿದೆ.

ಎಂಐ ಸಿಸಿ ಸ್ಮಾರ್ಟ್‌ಫೋನ್ ಜುಲೈ 2ರಂದು ಬಿಡುಗಡೆಯಾಗಲಿದ್ದು, ಶಿಯೋಮಿ ಸಿಸಿ9 ಸ್ಮಾರ್ಟ್‌ಫೋನ್ ಕೂಡ ಇದೇ ಸಂದರ್ಭದಲ್ಲಿ ಮಾರುಕಟ್ಟೆಗೆ ಪರಿಚಯಿಸಲ್ಪಡುವ ನಿರೀಕ್ಷೆಯಿದೆ.

ಎಂಐ ಸಿಸಿ ಸರಣಿಯ ಬಿಡುಗಡೆ ಕುರಿತು ಚೀನಾದ ಸಾಮಾಜಿಕ ತಾಣ ವೇಬೋದಲ್ಲಿ ಈಗಾಗಲೇ ಶಿಯೋಮಿ ಸುಳಿವು ನೀಡಿದೆ.

ಎಂಐ ಸಿಸಿ9 ಸ್ಮಾರ್ಟ್‌ಫೋನ್, 6 GB ಮತ್ತು 128 GB ಮಾದರಿಗೆ ಅಂದಾಜು 26,200 ರೂ. ಇರಲಿದೆ. ಮತ್ತು 8GB + 128 GB ಮಾದರಿಗೆ ಸುಮಾರು 28,200 ರೂ. ದರವಿರಲಿದೆ ಎಂದು ಅಂದಾಜಿಸಲಾಗಿದೆ.