Creative Stage V2 Soundbar: ಸಬ್‌ವೂಫರ್ ಸಹಿತ ಕ್ರಿಯೇಟಿವ್ ಸೌಂಡ್‌ಬಾರ್ ಬಿಡುಗಡೆ

ಆಡಿಯೋ ಮತ್ತು ಸ್ಪೀಕರ್ ಮಾರುಕಟ್ಟೆಯಲ್ಲಿ ಹೆಸರು ಗಳಿಸಿರುವ ಕ್ರಿಯೇಟಿವ್, ಆಕರ್ಷಕ ಸೌಂಡ್‌ಬಾರ್ ಸಹಿತ ಸಬ್‌ವೂಫರ್ ಅನ್ನು ದೇಶದಲ್ಲಿ ಬಿಡುಗಡೆ ಮಾಡಿದೆ. ಕ್ರಿಯೇಟಿವ್ Stage V2 ಹೆಸರಿನ ಸಬ್‌ವೂಫರ್ ಸಹಿತ ಸೌಂಡ್‌ಬಾರ್ ಪ್ರಸ್ತುತ ಮಾರುಕಟ್ಟೆಗೆ ಲಗ್ಗೆ ಇರಿಸಿದೆ.

ಬಹೂಪಯೋಗಿ ಸೌಂಡ್‌ಬಾರ್
ಕ್ರಿಯೇಟಿವ್ Stage V2 ಸೌಂಡ್‌ಬಾರ್ ಬಹೂಪಯೋಗಿಯಾಗಿದ್ದು, ಮನೆ ಮತ್ತು ಕಚೇರಿಯಲ್ಲಿ ಬಳಸಲು ಸೂಕ್ತವಾಗಿದೆ. ಟಿವಿ, ಕಂಪ್ಯೂಟರ್ ಮತ್ತು ಗೇಮಿಂಗ್ ಉದ್ದೇಶಕ್ಕೆ ಇದನ್ನು ಬಳಸಿಕೊಳ್ಳಬಹುದು. ಕ್ರಿಯೇಟಿವ್ ಸ್ಟೇಜ್ ಸೌಂಡ್‌ಬಾರ್ ಬಳಿಕ ಹೊಸ ರೂಪದಲ್ಲಿ Stage V2 ಸೌಂಡ್‌ಬಾರ್ ಮಾರುಕಟ್ಟೆಗೆ ಬಿಡುಗಡೆಯಾಗಿದೆ. ಅಧಿಕ ಸ್ಪಷ್ಟತೆ ಮತ್ತು ಹೆಚ್ಚು ವಿಸ್ತಾರದ ಸೌಂಡ್ ಔಟ್‌ಪುಟ್ ಇದರ ವಿಶೇಷತೆಯಾಗಿದೆ.

ಬೆಲೆ ಮತ್ತು ಲಭ್ಯತೆ
ಕ್ರಿಯೇಟಿವ್ Stage V2 ಸೌಂಡ್‌ಬಾರ್‌ ಡಿಸೆಂಬರ್ ಮೂರನೇ ವಾರದಲ್ಲಿ ಮಾರುಕಟ್ಟೆಯಲ್ಲಿ ದೊರೆಯಲಿದೆ. ಅಮೆಜಾನ್ ಮತ್ತು ಫ್ಲಿಪ್‌ಕಾರ್ಟ್ ಮೂಲಕ ಹೊಸ ಕ್ರಿಯೇಟಿವ್ Stage V2 ಸೌಂಡ್‌ಬಾರ್ ಲಭ್ಯವಾಗಲಿದೆ. ಆರಂಭಿಕ ಕೊಡುಗೆಯಾಗಿ ಸೀಮಿತ ಅವಧಿಗೆ ಇದರ ದರ 9,999 ರೂ. ಇರಲಿದೆ. ಅದಾದ ಬಳಿಕ ಸೌಂಡ್‌ಬಾರ್‌ ದರ 17,999 ರೂ. ಇರಲಿದೆ.

Samsung Smartphone: ಮುಂದಿನ ವರ್ಷ 3 ಹೊಸ ಫೋಲ್ಡಿಂಗ್ ಫೋನ್ ಬಿಡುಗಡೆ

ಕ್ರಿಯೇಟಿವ್ Stage V2
ಹೆಚ್ಚು ಸ್ಪಷ್ಟ ಮತ್ತು ಆಕರ್ಷಕ ಧ್ವನಿ ಕೇಳುವಂತಾಗಲು, ಬಳಕೆದಾರರಿಗೆ ಕ್ಲೀಯರ್ ಡೈಲಾಗ್ ಆಡಿಯೋ ಆಯ್ಕೆಯನ್ನು ಕ್ರಿಯೇಟಿವ್ ಒದಗಿಸುತ್ತಿದೆ. 55Hz ರಿಂದ 20,000Hz ವರೆಗೆ ಫ್ರಿಕ್ವೆನ್ಸಿ ರೆಸ್ಪಾನ್ಸ್ ರೇಂಜ್ ಹೊಂದಿದೆ. AUX, Bluetooth v5.0 ಮತ್ತು ಆಡಿಯೋ ಸ್ಟ್ರೀಮಿಂಗ್ ಆಯ್ಕೆ ಹೊಂದಿದೆ. ಅಲ್ಲದೆ, ಪ್ಲೇಸ್ಟೇಶನ್ ಮತ್ತು ನಿಂಟೆಂಡೊ ಗೇಮಿಂಗ್ ಬೆಂಬಲ ಹೊಂದಿದೆ.

AirPods Max: 59,900 ರೂ. ದರದ ಅತ್ಯಾಧುನಿಕ ಹೆಡ್‌ಫೋನ್ ಪರಿಚಯಿಸಿದ ಆ್ಯಪಲ್!