BrainPOP: ಮಕ್ಕಳಿಗೆ ಆ್ಯಪ್‌ ಗುರು

ಕಲಿಕೆಗೆ ಗುರುವಿರಬೇಕು ಎಂಬುದು ನಿಜ. ಆದರೆ ಮನುಷ್ಯರೂಪಿ ಗುರುವಿನ ಪಾತ್ರ ದಿನೇದಿನೆ ಕುಗ್ಗುತ್ತಿದೆ. ಅವರ ಸ್ಥಾನವನ್ನು ತಂತ್ರಜ್ಞಾನ ಆಕ್ರಮಿಸುತ್ತಿದೆ.

ಬ್ರೈನ್‌ಪಾಪ್‌ ಎಂಬುದು ಶೈಕ್ಷಣಿಕ ಜಾಲ ತಾಣ. ಇದರಲ್ಲಿ ಕೆಜಿಯಿಂದ ಪಿಯುಸಿ ತನಕ ಅಂದರೆ 6-17ವರ್ಷದವರಿಗೆ ಒಂದು ಸಾವಿರಕ್ಕೂ ಹೆಚ್ಚು ಆನಿಮೇಟೆಡ್‌ ಚಲನಚಿತ್ರಗಳಿವೆ. ಜೊತೆಗೆ ರಸಪ್ರಶ್ನೆ ಹಾಗೂ ಬುದ್ಧಿ ಬೆಳಗುವ ಚಟುವಟಿಕೆಗಳಿವೆ.

ಈ ವೆಬ್‌ ಮತ್ತು ಆ್ಯಪ್‌ಗಳನ್ನು ಅಮೆರಿಕದ ಶೇ. 20ರಷ್ಟು ಶಾಲೆಗಳು ಬಳಸುತ್ತವೆ. ಇದಲ್ಲದೆ ಅನೇಕ ಕುಟುಂಬಗಳು ಮತ್ತು ಮಕ್ಕಳು ಪ್ರತಿನಿತ್ಯ ನೋಡಿ ಕಲಿಯುತ್ತಿದ್ದಾರೆ. ಮೆಕ್ಸಿಕೊ, ಫ್ರಾನ್ಸ್‌, ಸ್ಪೇನ್‌, ಇಸ್ರೇಲ್‌ ಹಾಗೂ ಇತರ ದೇಶಗಳಲ್ಲೂ ಬ್ರೇನ್‌ ಪಾಪ್‌ ಪ್ರಸಿದ್ಧವಾಗಿದೆ. ಇದಕ್ಕೆ ದುಡ್ಡುಕೊಡಬೇಕು.

ಆದರೆ ಕೆಲವೊಂದು ಚಲನಚಿತ್ರಗಳೂ ಸೇರಿದಂತೆ ಹತ್ತು ಹಲವು ಶೈಕ್ಷ ಣಿಕ ಪರಿಕರಗಳು, ಲೆಸನ್‌ ಪ್ಲ್ಯಾನ್‌ಗಳು ಉಚಿತವಾಗಿ ಸಿಗುತ್ತವೆ. ಗೇಮ್‌ ಅಪ್‌ ಎನ್ನುವ ಶೈಕ್ಷ ಣಿಕ ಆಟಗಳ ಮಜಾ ವಿಶಿಷ್ಟವಾಗಿದೆ. ಈಗ ಶಿಕ್ಷ ಣವೆಂದರೆ ಇಡೀ ಕುಟುಂಬ ಇಂತಹ ಶೈಕ್ಷ ಣಿಕ ಚಟುವಟಿಕೆಯಲ್ಲಿ ಪಾಳ್ಗೊಳ್ಳುವುದೇ ಆಗಿರುತ್ತದೆ.