Kaspersky: ಸೈಬರ್‌ ಕ್ರೈಂ ಟ್ರೆಂಡ್‌ ಮುನ್ನೋಟ

ಸೈಬರ್‌ ಸೆಕ್ಯುರಿಟಿ ಸೇವೆಯನ್ನು ಹಾಗೂ ಉತ್ಪನ್ನಗಳನ್ನು ಒದಗಿಸುವ ಕಾಸ್ಪರ್‌ಸ್ಕೈ 2020 ರಲ್ಲಿ ಸೈಬರ್‌ ದಾಳಿಗೆ ಗುರಿಯಾಗಬಲ್ಲ ಟಾರ್ಗೆಟ್‌ಗಳು ಮತ್ತು ಅಪಾಯಗಳ ಮುನ್ನೋಟವನ್ನು ನೀಡಿದೆ.

ಫೇಸ್‌ಬುಕ್‌ನ ಖಾಸಗಿ ಕ್ರಿಪ್ಟೊಕರೆನ್ಸಿ ಪ್ರಾಜೆಕ್ಟ್ 'ಲಿಬ್ರಾ' ಯೋಜನೆಯು ಸೈಬರ್‌ ದಾಳಿಗೆ ಗುರಿಯಾಗುವ ಅಪಾಯ ಇದೆ ಎಂದು ಕಾಸ್ಪರಸ್ಕಿಯ ಸಂಶೋಧನಾ ತಂಡದ ನಿರ್ದೇಶಕ ಯುರಿ ನೇಮ್‌ಸ್ಟಿನಿಕೋವ್‌ ತಿಳಿಸಿದ್ದಾರೆ.

2018ರಲ್ಲಿ ಬಿಟ್‌ ಕಾಯಿನ್‌ ಮತ್ತು ಆಲ್ಟ್‌ಕಾಯಿನ್‌ಗಳ ವ್ಯಾಪಕ ಬೆಳವಣಿಗೆಯ ಸಂದರ್ಭ ಸೈಬರ್‌ ಕ್ರಿಮಿನಲ್‌ಗಳ ಚಟುವಟಿಕೆಯೂ ಜೋರಾಗಿತ್ತು. ಫೇಸ್‌ಬುಕ್‌ನ ಲಿಬ್ರಾ ಕ್ರಿಪ್ಟೊ ಕರೆನ್ಸಿ ಕೂಡ ಇದೇ ರೀತಿ ಸೈಬರ್‌ ಪಾತಕಿಗಳ ಟಾರ್ಗೆಟ್‌ ಆಗುವ ಸಾಧ್ಯತೆ ಇದೆ ಎಂದು ಅವರು ತಿಳಿಸಿದ್ದಾರೆ.

2020ರಲ್ಲಿಆಫ್ರಿಕ ಮತ್ತು ಏಷ್ಯಾ ವ್ಯಾಪ್ತಿಯಲ್ಲಿ ಬ್ಯಾಂಕ್‌ ಹಾಗೂ ಇತರ ಹಣಕಾಸು ಸಂಸ್ಥೆಗಳ ಮೇಲೆ ಸೈಬರ್‌ ದಾಳಿ ಆಗುವ ಸಂಭವ ಇದೆ. ಸಣ್ಣ ಬ್ಯಾಂಕ್‌ಗಳು ಹಾಗೂ ದೊಡ್ಡ ಬ್ಯಾಂಕ್‌ ಗಳು ಇತ್ತೀಚೆಗೆ ಖರೀದಿಸಿರುವ ಸಣ್ಣ ಬ್ಯಾಂಕ್‌ಗಳು ಸೈಬರ್‌ ಕ್ರಿಮಿನಲ್‌ಗಳ ಗುರಿಯಾಗುವ ಸಂಭವ ಇದೆ.

Air Condition: ಸರಕಾರದ ಹೊಸ ನಿಯಮಾವಳಿ ಏನು?

ಇನ್ವೆಸ್ಟ್‌ಮೆಂಟ್‌ ಆ್ಯಪ್‌ಗಳು ಕೂಡ ಸೈಬರ್‌ ದಾಳಿಯ ಪ್ರಮುಖ ಗುರಿಯಾಗುವ ನಿರೀಕ್ಷೆ ಇದೆ. ಕೆಲ ಫಿನ್‌ಟೆಕ್‌ ಕಂಪನಿಗಳು ಮತ್ತು ಎಕ್ಸ್‌ಚೇಂಜ್‌ಗಳು ಪಾತಕಿಗಳಿಗೆ ಸುಲಭದ ತುತ್ತಾಗಬಹುದು. ಇ-ಕಾಮರ್ಸ್‌ ವೆಬ್‌ಸೈಟ್‌ಗಳೂ ಇತ್ತೀಚೆಗೆ ಅಪಾಯಕ್ಕೀಡಾಗುತ್ತವೆ ಎಂದು ವರದಿ ತಿಳಿಸಿದೆ.

Flipkart: ಬೆಂಗಳೂರಿನಲ್ಲಿ ಫ್ಲಿಪ್‌ಕಾರ್ಟ್‌ ಹೊಸ ಕ್ಯಾಂಪಸ್‌?