Dating App: ಅಸಹಜ ತೂಕ ಇಳಿಸಲು ಕಾರಣ

ಡೇಟಿಂಗ್ ಆ್ಯಪ್ ಬಳಸುತ್ತಿರುವ ಬಹುತೇಕರು ಅಸಹಜ ವಿಧಾನದ ಮೂಲಕ ತೂಕ ಇಳಿಕೆ ಮಾಡಿಕೊಳ್ಳುತ್ತಿದ್ದಾರೆ ಎಂದು ಸಂಶೋಧನೆಯೊಂದು ಹೇಳಿದೆ.

ಜರ್ನಲ್ ಆಫ್ ಈಟಿಂಗ್ ಡಿಸಾರ್ಡರ್ಸ್ ಪ್ರಕಟಿಸಿರುವ ಅಧ್ಯಯನ ವರದಿಯಲ್ಲಿ ಅನಾರೋಗ್ಯಕರ ವಿಧಾನದ ಮೂಲಕ ತೂಕ ನಿಯಂತ್ರಣಕ್ಕೆ ಬಹುತೇಕರು ಮುಂದಾಗುತ್ತಿದ್ದು, ಅದಕ್ಕೆ ಡೇಟಿಂಗ್ ಆ್ಯಪ್ ಪರೋಕ್ಷ ಕಾರಣ ಎಂದಿದೆ.

1,700ಕ್ಕೂ ಅಧಿಕ ವಯಸ್ಕರನ್ನು ಸಂದರ್ಶಿಸಿ ವರದಿ ಪ್ರಕಟಿಸಲಾಗಿದ್ದು, ಡೇಟಿಂಗ್‌ ಸಂದರ್ಭದಲ್ಲಿ ಅನುಕೂಲವಾಗಲಿ ಎಂದು ಅವರು ತೂಕ ಕಳೆದುಕೊಳ್ಳಲು ಅನೈಸರ್ಗಿಕ ವಿಧಾನದ ಮೊರೆ ಹೋಗುತ್ತಾರೆ ಎಂದು ತಿಳಿದುಬಂದಿದೆ.

ತಿಂದ ಆಹಾರ ವಾಂತಿ ಮಾಡಿಕೊಳ್ಳುವುದು, ಉಪವಾಸ, ಡಯೆಟ್ ಮಾತ್ರೆ ಸೇವನೆ, ಸ್ಟಿರಾಯಿಡ್ ಸೇವನೆ ಕೂಡ ಇದರಲ್ಲಿ ಸೇರಿದೆ ಎಂದು ಹಾರ್ವಡ್ ವಿವಿಯ ಅಲ್ವಿನ್ ತ್ರಾನ್ ಹೇಳಿದ್ದಾರೆ.