Sarin: ಫೇಸ್‌ಬುಕ್ ಕಚೇರಿಯಲ್ಲಿ ಅಪಾಯಕಾರಿ ರಾಸಾಯನಿಕ ಪತ್ತೆ

ಅಮೆರಿಕದ ಸ್ಯಾನ್‌ ಫ್ರಾನ್ಸಿಸ್ಕೋದ ಫೇಸ್‌ಬುಕ್‌ನ ಕಚೇರಿಯೊಂದರಲ್ಲಿ ಸೋಮವಾರ ಅಪಾಯಕಾರಿ ರಾಸಾಯನಿಕ ಪತ್ತೆಯಾಗಿದ್ದು, ಕ್ಷಣಕಾಲ ಆತಂಕ ಸೃಷ್ಟಿಸಿದೆ.

ಮೆನ್ಲೋ ಪಾರ್ಕ್‌ನ ಫೇಸ್‌ಬುಕ್‌ ಕಚೇರಿಯ ಪಾರ್ಸೆಲ್ ಮತ್ತು ಮೇಲ್ ಫೆಸಿಲಿಟಿಗೆ ಬಂದಿದ್ದ ಪ್ಯಾಕ್ ಒಂದು ಯಂತ್ರದ ಮೂಲಕ ಸ್ಕ್ಯಾನ್ ಆಗುವಾಗ ಅದರಲ್ಲಿ ಅತ್ಯಂತ ಅಪಾಯಕಾರಿ ರಾಸಾಯನಿಕ ಸರಿನ್ ಪತ್ತೆಯಾಗಿದೆ.

ತಕ್ಷಣ ಎಚ್ಚೆತ್ತುಕೊಂಡ ಭದ್ರತಾ ಸಿಬ್ಬಂದಿ, ಕ್ಯಾಂಪಸ್‌ನ ನಾಲ್ಕು ಕಟ್ಟಡದಲ್ಲಿದ್ದ ಫೇಸ್‌ಬುಕ್ ಸಿಬ್ಬಂದಿ ಮತ್ತು ಉದ್ಯೋಗಿಗಳನ್ನು ಹೊರಗೆ ಕಳುಹಿಸಿದ್ದಾರೆ. ಇದರಿಂದ ಸಂಭಾವ್ಯ ದುರಂತವೊಂದು ತಪ್ಪಿದೆ ಎನ್ನಲಾಗಿದ್ದು, ಇಬ್ಬರು ತೊಂದರೆಗೊಳಗಾಗಿದ್ದಾರೆ ಎನ್ನಲಾಗಿದೆ.

ಸರಿನ್ ಎನ್ನುವುದು ಬಣ್ಣರಹಿತ, ವಾಸನೆಯಿಲ್ಲದ ವಿಷಕಾರಿ ದ್ರವವಾಗಿದ್ದು, ರಾಸಾಯನಿಕ ಅಸ್ತ್ರವಾಗಿ ಬಳಸಲಾಗುತ್ತದೆ.