iPhone 12 Pro Max: 18 ಲಕ್ಷದ ಐಫೋನ್ ಸಹಿತ ಪರಾರಿಯಾದ ಡೆಲಿವರಿ ಬಾಯ್!

ಆ್ಯಪಲ್ ಇತ್ತೀಚೆಗಷ್ಟೇ ಐಫೋನ್ 12 ಸಿರೀಸ್ ಅನ್ನು ಜಾಗತಿಕ ಮಾರುಕಟ್ಟೆಗೆ ಪರಿಚಯಿಸಿದೆ. ಆ್ಯಪಲ್ ಹೊಸ ಐಫೋನ್ ಸಿರೀಸ್‌ನಲ್ಲಿ ನಾಲ್ಕು ಮಾದರಿಗಳು ಮಾರುಕಟ್ಟೆಗೆ ಬಿಡುಗಡೆಯಾಗಿವೆ. ಈ ಪೈಕಿ ಐಫೋನ್ 12 Pro Max ದೇಶದಲ್ಲಿ 1,29,900 ರೂ. ದರ ಇದೆ. ಅಲ್ಲದೆ, ಹೊಸ ಐಫೋನ್ ಮಾರುಕಟ್ಟೆಗೆ ಬಿಡುಗಡೆಯಾಗುತ್ತಿದೆ ಎಂದರೆ, ಅಲ್ಲಿ ಸಂಚಲನ ಸೃಷ್ಟಿಯಾಗುತ್ತದೆ.

ಐಫೋನ್ 12 ಪ್ರೊ ಮ್ಯಾಕ್ಸ್!
ಚೀನಾದಲ್ಲಿ ಒಂದೇ ಆರ್ಡರ್‌ನಲ್ಲಿ 14 ಐಫೋನ್‌ 12 Pro Max ಆರ್ಡರ್ ಮಾಡಲಾಗಿತ್ತು. ದೇಶದಲ್ಲಿ ಅದರ ಮಾರುಕಟ್ಟೆ ಮೌಲ್ಯ 18 ಲಕ್ಷ ರೂ.! ಈ ಆರ್ಡರ್ ನೀಡಲು ಹೋಗಿದ್ದ ಡೆಲಿವರಿ ಬಾಯ್, ಆರ್ಡರ್ ಡೆಲಿವರಿ ಮಾಡದೆಯೇ ಅದರ ಸಹಿತ ಪರಾರಿಯಾಗಿದ್ದಾನೆ.

ಪತ್ತೆಯೇ ಇಲ್ಲ...
14 ಆ್ಯಪಲ್ ಐಫೋನ್ 12 ಪ್ರೊ ಮ್ಯಾಕ್ಸ್ ಸಹಿತ ಪರಾರಿಯಾದ ಡೆಲಿವರಿ ಬಾಯ್ ಅನ್ನು ಪತ್ತೆ ಮಾಡಲು ಅಧಿಕಾರಿಗಳು ಯತ್ನಿಸಿದರೂ ಫಲ ಕೊಡಲಿಲ್ಲ.

iPhone 12 Pro: ಹೊಸ ಸರಣಿಯ ಆ್ಯಪಲ್ ಐಫೋನ್ ದೇಶದಲ್ಲಿ ಮಾರಾಟ ಆರಂಭ

ಸಿಕ್ಕಿಬಿದ್ದಿದ್ದು ಹೇಗೆ?
14 ಐಫೋನ್ 12 Pro Max ಪೈಕಿ, ನಾಲ್ಕನ್ನು ಡೆಲಿವರಿ ಬಾಯ್ ಓಪನ್ ಮಾಡಿದ್ದಾನೆ. ಒಂದನ್ನು ಸ್ವಂತ ಬಳಕೆಗೆ ಇಟ್ಟುಕೊಂಡಿದ್ದಾನೆ, ಮತ್ತೊಂದನ್ನು ಗೆಳೆಯನಿಗೆ ಕೊಟ್ಟು ಸಾಲದ ಬಾಕಿ ಎಂದು ತೀರಿಸಿದ್ದಾನೆ. ಮೂರನೆಯದನ್ನು ಗಿರವಿ ಅಂಗಡಿಗೆ ಕೊಟ್ಟರೆ, ನಾಲ್ಕನೆಯದನ್ನು ಮೊಬೈಲ್ ಡೀಲರ್‌ಗೆ ಮಾರಾಟ ಮಾಡಿದ್ದಾನೆ. ಹೀಗೆ ಆಕ್ಟಿವೇಟ್ ಆದ ಐಫೋನ್‌ಗಳ ಲೊಕೇಶನ್ ಆಧರಿಸಿ ತನಿಖೆ ನಡೆಸಿದಾಗ ಸುಲಭದಲ್ಲಿ ಡೆಲಿವರಿ ಬಾಯ್ ಸಿಕ್ಕಿಬಿದ್ದಿದ್ದಾನೆ. ಆತನ ವಿರುದ್ಧ ತನಿಖೆ ನಡೆಸಲಾಗುತ್ತಿದೆ.

Apple MacBook Air: ದೇಶದಲ್ಲಿ ಹೊಸ ಆ್ಯಪಲ್ ಮ್ಯಾಕ್ ಸಿರೀಸ್ ಬೆಲೆ ಎಷ್ಟಿದೆ?