Micromax IN: ಹೊಸ ಸಬ್ ಬ್ರ್ಯಾಂಡ್‌ನೊಂದಿಗೆ ಬರುತ್ತಿದೆ ಮೈಕ್ರೋಮ್ಯಾಕ್ಸ್ ಇನ್

ದೇಶದಲ್ಲಿ ಒಂದು ಕಾಲದಲ್ಲಿ ಆಂಡ್ರಾಯ್ಡ್ ಸ್ಮಾರ್ಟ್‌ಫೋನ್ ಮಾರುಕಟ್ಟೆಯಲ್ಲಿ ಸದ್ದು ಮಾಡಿ ನಂತರ ತೆರೆಮರೆಗೆ ಸರಿದಿದ್ದ ಮೈಕ್ರೋಮ್ಯಾಕ್ಸ್ ಈಗ ಹೊಸ ಬ್ರ್ಯಾಂಡಿಂಗ್‌ನೊಂದಿಗೆ ಮರಳಿ ಬರಲು ಸಜ್ಜಾಗಿದೆ. ಮೈಕ್ರೋಮ್ಯಾಕ್ಸ್ ಸಬ್‌ ಬ್ರ್ಯಾಂಡ್ ರೂಪದಲ್ಲಿ ಇನ್ ಹೆಸರಿನಲ್ಲಿ ಹೊಸ ಸ್ಮಾರ್ಟ್‌ಫೋನ್ ಮಾದರಿಗಳು ದೇಶದಲ್ಲಿ ಬಿಡುಗಡೆಯಾಗುತ್ತಿದೆ.

ಚೀನಾ ಫೋನ್‌ಗೆ ಹೊಡೆತ
ದೇಶದಲ್ಲಿ ಚೀನಾ ಮೂಲದ ಅಪ್ಲಿಕೇಶನ್‌ಗಳ ನಿಷೇಧ ಮತ್ತು ಚೀನಾ ಜತೆಗಿನ ಗಡಿತಂಟೆಯ ಬಳಿಕ ಸ್ವದೇಶಿ ಆಂದೋಲನ ಹೆಚ್ಚಾಗಿದೆ. ಜತೆಗೆ ಉತ್ತಮ ಬೆಂಬಲವೂ ಕಂಡುಬರುತ್ತಿದೆ. ಹೀಗಾಗಿ ಮೈಕ್ರೋಮ್ಯಾಕ್ಸ್, ಆತ್ಮನಿರ್ಭರ್ ಭಾರತ್‌ ಯೋಜನೆಗೆ ಪೂರಕವಾಗಿ ನೂತನ ಸ್ಮಾರ್ಟ್‌ಫೋನ್ ಬ್ರ್ಯಾಂಡ್ ಪರಿಚಯಿಸಲು ಮುಂದಾಗಿದೆ.

ಸರಕಾರದ ಅನುಮತಿ ಪಡೆದುಕೊಂಡ ಮೈಕ್ರೋಮ್ಯಾಕ್ಸ್
ನೂತನ ಬ್ರ್ಯಾಂಡ್ ಮತ್ತು ಉತ್ಪಾದನಾ ಘಟಕ ಸ್ಥಾಪನೆಗೆ ಮೈಕ್ರೋಮ್ಯಾಕ್ಸ್ ಈಗಾಗಲೇ ಸರಕಾರದ ಪೂರಕ ಅನುಮತಿ ಪಡೆದುಕೊಂಡಿದೆ.

Diwali with Mi: ಶವೋಮಿ ರೆಡ್ಮಿ ವಿಶೇಷ ಹಬ್ಬದ ಮಾರಾಟ ಆರಂಭ

ಮರಳಿ ಬರುತ್ತಿದೆ ಮೈಕ್ರೋಮ್ಯಾಕ್ಸ್
ಅಲ್ಲದೆ, ಇನ್ ಬ್ರ್ಯಾಂಡ್‌ನಲ್ಲಿ ಹೊಸ ಫೋನ್ ಪರಿಚಯಿಸುತ್ತಿರುವ ಕುರಿತು ಮೈಕ್ರೋಮ್ಯಾಕ್ಸ್ ಸಹಸಂಸ್ಥಾಪಕ ರಾಹುಲ್ ಶರ್ಮಾ ಹೇಳಿಕೆ ನೀಡಿದ್ದಾರೆ. ಜಾಗತಿಕ ಸ್ಮಾರ್ಟ್‌ಫೋನ್ ಮಾರುಕಟ್ಟೆಯಲ್ಲಿ ಭಾರತದ ಬ್ರ್ಯಾಂಡ್ ಅನ್ನು ಪ್ರಸ್ತುತಪಡಿಸುವುದು ನಮ್ಮ ಗುರಿ ಎಂದು ರಾಹುಲ್ ಹೇಳಿದ್ದಾರೆ. ಜತೆಗೆ ಹೊಸ ಯೋಜನೆಯಲ್ಲಿ 500 ಕೋಟಿ ರೂ. ಹೂಡಿಕೆ ಮಾಡಲು ಮೈಕ್ರೋಮ್ಯಾಕ್ಸ್ ಮುಂದಾಗಿದೆ.

Infinix Note 8: ನಾಲ್ಕು ಕ್ಯಾಮರಾ ಸಹಿತ ಫೋನ್ ಪರಿಚಯಿಸಿದ ಇನ್ಫಿನಿಕ್ಸ್