Elyments App: ಫೇಸ್‌ಬುಕ್, ವಾಟ್ಸಪ್‌ಗೆ ಸ್ಪರ್ಧೆ ನೀಡಲು ಬಂತು ದೇಸಿ ಸೋಶಿಯಲ್ ಮೀಡಿಯಾ

ದೇಶದಲ್ಲಿ ಚೀನಾ ಮೂಲದ 59 ಆ್ಯಪ್‌ಗಳಿಗೆ ಸರಕಾರ ನಿಷೇಧ ಮಾಡಿದ ಬೆನ್ನಲ್ಲೇ, ಸ್ವದೇಶಿ ಆ್ಯಪ್‌ಗಳಿಗೆ ಬೇಡಿಕೆ ಹೆಚ್ಚಾಗಿದೆ. ಡೌನ್‌ಲೋಡ್ ಮತ್ತು ಬಳಕೆಯ ಪ್ರಮಾಣವೂ ಏರಿಕೆಯಾಗಿದೆ. ಈ ಮಧ್ಯೆ ಪ್ರಧಾನಿ ನರೇಂದ್ರ ಮೋದಿ ಕೂಡ ಆತ್ಮನಿರ್ಭರ್ ಭಾರತ್ ಆ್ಯಪ್‌ ಇನೋವೇಶನ್ ಚಾಲೆಂಜ್ ಕೂಡ ಆರಂಭಿಸಿದ್ದಾರೆ. ಈ ಮಧ್ಯೆ, ಎಲಿಮೆಂಟ್ಸ್ ಎಂಬ ನೂತನ ಆ್ಯಪ್‌ ದೇಶದಲ್ಲಿ ಬಿಡುಗಡೆಯಾಗಿದೆ.

ಆರ್ಟ್ ಆಫ್ ಲಿವಿಂಗ್‌ನ ಆ್ಯಪ್‌ ಮತ್ತು ಸ್ಮಾರ್ಟ್ ಟೆಕ್ನಾಲಜಿ ವಿಭಾಗ ಎಲಿಮೆಂಟ್ಸ್ ಅನ್ನು ಅಭಿವೃದ್ಧಿಪಡಿಸಿದೆ. ಸುಮೇರು ಸಾಫ್ಟ್‌ವೇರ್ ಸೊಲ್ಯೂಶನ್ಸ್ ಮೂಲಕ ಎಲಿಮೆಂಟ್ಸ್ ಗೂಗಲ್ ಪ್ಲೇ ಸ್ಟೋರ್ ಮತ್ತು ಆ್ಯಪಲ್ ಆ್ಯಪ್‌ ಸ್ಟೋರ್‌ನಲ್ಲೂ ಲಭ್ಯವಿದೆ.

ಏನಿದು ಎಲಿಮೆಂಟ್ಸ್?
ಸಾಮಾಜಿಕ ತಾಣ ಮಾತ್ರವಲ್ಲದೆ, ಎಲಿಮೆಂಟ್ಸ್ ನಿಮಗೆ ನಗದು ವರ್ಗಾವಣೆ ಮತ್ತು ಸರಕು ಮಾರಾಟಕ್ಕೂ ಅವಕಾಶ ಕಲ್ಪಿಸುತ್ತದೆ. ಪೋಸ್ಟ್ ಮಾಡುವುದು, ವಿಡಿಯೋ, ಫ್ರೆಂಡ್ ಲಿಸ್ಟ್ ಹೀಗೆ ಹತ್ತು ಹಲವು ಆಯ್ಕೆಗಳನ್ನು ಒಂದೇ ಆ್ಯಪ್‌ ನಿಮಗೆ ನೀಡುತ್ತದೆ. ಜತೆಗೆ ದೇಸಿ ಆ್ಯಪ್‌ ಬಳಕೆಗೆ ಉತ್ತೇಜನ ನೀಡುವುದರೊಂದಿಗೆ, ವಿವಿಧ ವಸ್ತು ಮಾರಾಟಕ್ಕೂ ಅವಕಾಶ ಕಲ್ಪಿಸಿದೆ.

Facebook Login: ನಿಮ್ಮ ಫೇಸ್‌ಬುಕ್ ಡಾಟಾ ಕದಿಯುವ ಆ್ಯಪ್‌ಗಳಿವು.. ತಕ್ಷಣ ಡಿಲೀಟ್ ಮಾಡಿ!

2 ಲಕ್ಷಕ್ಕೂ ಅಧಿಕ ಡೌನ್‌ಲೋಡ್
ಬಿಡುಗಡೆಯಾದ ಕೆಲವೇ ಗಂಟೆಗಳಲ್ಲಿ ಗೂಗಲ್ ಪ್ಲೇ ಸ್ಟೋರ್ ಮತ್ತು ಆ್ಯಪಲ್ ಆ್ಯಪ್‌ ಸ್ಟೋರ್‌ನಲ್ಲಿ ಎಲಿಮೆಂಟ್ಸ್ ಆ್ಯಪ್‌ 2 ಲಕ್ಷಕ್ಕೂ ಅಧಿಕ ಡೌನ್‌ಲೋಡ್, ಉತ್ತಮ ರೇಟಿಂಗ್ ಪಡೆದುಕೊಂಡಿದೆ.

ದೇಶದ 8 ಭಾಷೆಗಳಲ್ಲಿ ಎಲಿಮೆಂಟ್ಸ್ ಲಭ್ಯವಿದ್ದು, ಚೀನಾ ಆ್ಯಪ್‌ ವಿರೋಧ ಅಭಿಯಾನ ಮತ್ತು ಸ್ವದೇಶಿ ಸರಕು ಬಳಕೆಗೆ ಉತ್ತೇಜನ ನೀಡಲು ಪೂರಕವಾಗಿದೆ.


Aatmanirbhar Bharat: ಆ್ಯಪ್ ಇನೋವೇಶನ್ ಚಾಲೆಂಜ್‌ಗೆ ಪ್ರಧಾನಿ ಮೋದಿ ಚಾಲನೆ