Paytm App: ಗೂಗಲ್ ಪ್ಲೇಸ್ಟೋರ್‌ಗೆ ಮರಳಿ ಬಂದ ಪೇಟಿಎಂ ಆ್ಯಪ್‌

ಆನ್‌ಲೈನ್ ಬೆಟ್ಟಿಂಗ್ ಮತ್ತು ಜೂಜು ಸ್ಪರ್ಧೆಗೆ ಉತ್ತೇಜನ ನೀಡಲಾಗುತ್ತಿದೆ ಎಂಬ ಕಾರಣದಿಂದ ಗೂಗಲ್ ಪ್ಲೇ ಸ್ಟೋರ್‌ನಿಂದ ತೆಗೆಯಲಾಗಿದ್ದ ಡಿಜಿಟಲ್ ಪೇಮೆಂಟ್ ಮತ್ತು ವ್ಯಾಲೆಟ್ ಅಪ್ಲಿಕೇಶನ್ ಪೇಟಿಎಂ, ಮತ್ತೆ ಪ್ಲೇ ಸ್ಟೋರ್‌ಗೆ ಮರಳಿದೆ.

ದೇಶದಲ್ಲಿ ಗೂಗಲ್‌ ಪ್ಲೇ ಸ್ಟೋರ್‌ನಿಂದ ಪೇಟಿಎಂ ಆ್ಯಪ್‌ ಅನ್ನು ಶುಕ್ರವಾರ ತೆಗೆದು ಹಾಕಿತ್ತು. ಜತೆಗೆ ಪ್ಲೇ ಸ್ಟೋರ್ ನಿಯಮಗಳ ಕುರಿತು ಬ್ಲಾಗ್‌ನಲ್ಲಿ ಪೋಸ್ಟ್ ಮಾಡಿದ್ದು, ಯಾವುದೇ ರೀತಿಯ ಬೆಟ್ಟಿಂಗ್, ಜೂಜು ಮತ್ತು ಆನ್‌ಲೈನ್ ಲಾಟರಿಯಂತಹ ಆ್ಯಪ್‌ಗಳನ್ನು ಉತ್ತೇಜಿಸುವುದಿಲ್ಲ ಎಂದು ಹೇಳಿತ್ತು.

ಪ್ಲೇ ಸ್ಟೋರ್‌ನಿಂದ ಆ್ಯಪ್‌ ತೆಗೆದಿದ್ದ ಗೂಗಲ್, ಬಳಿಕ ಕೆಲ ಗಂಟೆಗಳಲ್ಲೇ ಮತ್ತೆ ವಾಪಸ್‌ ಆ್ಯಪ್‌ ಅಳವಡಿಸಿದೆ. ಗ್ಯಾಂಬ್ಲಿಂಗ್‌, ಜೂಜು, ಆನ್‌ಲೈನ್‌ ಕ್ಯಾಸಿನೊ, ಬೆಟ್ಟಿಂಗ್‌ ಆ್ಯಪ್‌ಗಳನ್ನು ಪ್ಲೇಸ್ಟೋರ್‌ನಿಂದ ಹೊರಗಿಡಲಾಗಿದೆ. ಈ ಕುರಿತ ನಿಯಮಗಳನ್ನು ಉಲ್ಲಂಘಿಸುವ ಕಂಪನಿಗಳನ್ನು ಪ್ಲೇ ಸ್ಟೋರ್‌ನಿಂದ ದೂರವಿಡಲಾಗುವುದು ಎಂದು ಪೇಟಿಎಂನ ಹೆಸರನ್ನು ಉಲ್ಲೇಖಿಸದೆ ಗೂಗಲ್‌ ಹೇಳಿಕೆ ನೀಡಿತ್ತು.

Reliance Jio: ಜಿಯೋ ಧನ್ ಧನಾ ಧನ್ ಐಪಿಎಲ್‌ ವಿಶೇಷ ಆಫರ್

ಹೀಗಿದ್ದರೂ, ಕೆಲಗಂಟೆಗಳ ನಂತರ ಪ್ಲೇಸ್ಟೋರ್‌ಗೆ ಮರಳಿರುವುದಾಗಿ ಪೇಟಿಎಂ ಸ್ಪಷ್ಟಪಡಿಸಿತು. ಗ್ರಾಹಕರ ಹಣ ಪೇಟಿಎಂನಲ್ಲಿ ಸಂಪೂರ್ಣ ಸುರಕ್ಷಿತವಾಗಿ ಇರಲಿದೆ. ಯಾವುದೇ ಆತಂಕಕ್ಕೆ ಕಾರಣವಿಲ್ಲ ಎಂದು ಪೇಟಿಎಂ ತನ್ನ ಬಳಕೆದಾರರಿಗೆ ತಿಳಿಸಿದೆ. ಜತೆಗೆ ಆಂಡ್ರಾಯ್ಡ್ ಮತ್ತು ಐಫೋನ್‌ನಲ್ಲಿ ಪೇಟಿಎಂ ಆ್ಯಪ್‌ ಸುಸೂತ್ರವಾಗಿ ಕಾರ್ಯನಿರ್ವಹಿಸುತ್ತಿದೆ.

Apple Watch SE: ಬಜೆಟ್ ದರದ ಸ್ಮಾರ್ಟ್‌ವಾಚ್ ಪರಿಚಯಿಸಿದ ಆ್ಯಪಲ್