Paytm Payment Gateway: ವರ್ತಕರಿಗಾಗಿ ಬಲ್ಕ್ ಪೇಮೆಂಟ್ಸ್ ಸೌಲಭ್ಯ

ದೇಶಿಯ ವರ್ತಕರು ಮತ್ತು ಉದ್ಯಮಗಳ ಅನುಕೂಲಕ್ಕಾಗಿ ಪೇಟಿಎಂ ಈಗಾಗಲೇ ಹಲವು ಆಯ್ಕೆಗಳನ್ನು ಪರಿಚಯಿಸಿದ್ದು, ಇದರಿಂದ ಬಳಕೆದಾರರಿಗೆ ಪ್ರಯೋಜನವಾಗಲಿದೆ.

ವರ್ತಕರ ಅನುಕೂಲಕ್ಕಾಗಿ 'ಬಲ್ಕ್ ಪೇಮೆಂಟ್ಸ್' ಸೌಲಭ್ಯಕ್ಕೆ ಪೇಟಿಎಂ ಪೇಮೆಂಟ್ ಗೇಟ್‌ವೇ ಚಾಲನೆ ನೀಡಿದೆ. ಇದರ ಪರಿಣಾಮ ಸಣ್ಣ ಹಾಗು ದೊಡ್ಡ ಉದ್ಯಮಗಳು ವಿವಿಧ ಬ್ಯಾಂಕ್‍ಗಳ ಬಹು ಖಾತೆಗಳಿಗೆ ಒಂದೆ ಸಲಕ್ಕೆ ತಕ್ಷಣವೇ ಹಣ ವರ್ಗವಣೆ ಮಾಡಬಹುದು.

ಇದನ್ನು ಪರಿಚಯಿಸುವುದರ ಮೂಲಕ ಬಿ2ಬಿ ಅಥವಾ ಬಿ2ಸಿ ಕಂಪನಿಗಳ ಪಾವತಿಯನ್ನು ಡಿಜಿಟೈಸ್ ಮಾಡುವುದರ ಜತೆಗೆ ಪಾವತಿ ಪ್ರಕ್ರಿಯೆನ್ನು ಸರಳ ಮಾಡುವ ಉದ್ದೇಶ ಹೊಂದಿದೆ. ಸಂಸ್ಥೆಗಳು ತಮ್ಮ ವೆಂಡರ್ಸ್‍ಗಳಿಗೆ, ನೌಕರರಿಗೆ, ಗ್ರಾಹಕರಿಗೆ ಮತ್ತು ಪಾಲುದಾರರಿಗೆ ಬಲ್ಕ್ ಪೇಮೆಂಟ್ಸ್ ಮಾಡುವುದು ಇನ್ನಷ್ಟು ಸರಳವಾಗಿದೆ.

ವಿವಿಧ ವ್ಯಾಪಾರ ಮತ್ತು ಅವರ ಅಗತ್ಯಗಳನ್ನು ಗಣನೆಗೆ ತೆಗೆದುಕೊಂಡು ಈ ಸುರಕ್ಷಿತ ಪರಿಹಾರವನ್ನು ಅಭಿವೃದ್ಧಿಪಡಿಸಲಾಗಿದೆ. ಇದನ್ನು ಬಹಳ ಸುಲಭವಾಗಿ ಬಳಸಬಹುದಾಗಿದೆ ಮತ್ತು ವರ್ತಕರ ಪ್ರಸಕ್ತ ವ್ಯವಸ್ಥೆ ಜತೆ ಇದನ್ನು ಇಂಟಿಗ್ರೆಟ್ ಮಾಡಿಕೊಳ್ಳಬಹುದಾಗಿದೆ. ಬ್ಯಾಂಕ್ ಖಾತೆ, ಯುಪಿಐ ಮತ್ತು ವ್ಯಾಲೆಟ್ ಯಾವುದಾದರು ಆಯ್ಕೆ ಮಾಡಿ ಹಣ ವರ್ಗವಣೆ ಮಾಡಬಹುದು.