Paytm: ನಿಯಮಿತ ಪಾವತಿ ಸೌಲಭ್ಯ ಪರಿಚಯಿಸಿದ ಪೇಟಿಎಂ

ಬೆಂಗಳೂರು: ದೇಶದ ಪ್ರಸಿದ್ಧ ಡಿಜಿಟಲ್ ಪಾವತಿ ಸಂಸ್ಥೆ ಪೇಟಿಎಂ, ವರ್ತಕರಿಗಾಗಿ ನಿಯಮಿತ ಪಾವತಿ (ರಿಕರಿಂಗ್ ಪೇಮೆಂಟ್ಸ್) ಸೌಲಭ್ಯ ಪರಿಚಯಿಸಿದೆ. ಈ ಸೌಲಭ್ಯದಿಂದಾಗಿ ವರ್ತಕರು ಗ್ರಾಹಕರಿಂದ ಚಂದಾ-ಆಧಾರಿತ ಸೇವೆಯ ಬಿಲ್ ಅನ್ನು ಸುಲಭವಾಗಿ ಪಡೆಯಬಹುದು.

ಗ್ರಾಹಕರು ಕ್ರೇಡಿಟ್ ಕಾರ್ಡ್, ಡೆಬಿಟ್ ಕಾರ್ಡ್, ನೆಟ್ ಬ್ಯಾಂಕಿಂಗ್, ಪೇಟಿಎಂನಲ್ಲಿ ಸೇವ್ ಮಾಡಲಾದ ಕಾರ್ಡ್‍ಗಳ ಮಾಹಿತಿಗಳ ಮೂಲಕ ಬಿಲ್ ಪಾವತಿಯನ್ನು ಆಟೋಮೇಟ್ ಮಾಡಬಹುದು. ಪೇಟಿಎಂನ ಈ ನೂತನ ಸೌಲಭ್ಯವು ಬಿಲ್ ಪಾವತಿಯನ್ನು ಇನ್ನಷ್ಟೂ ಸುಲಭವಾಗಿಸುತ್ತದೆ.

ಪೇಟಿಎಂ ದೇಶದಲ್ಲಿ ತಿಂಗಳಿಗೆ 400 ದಶಲಕ್ಷಕ್ಕೂ ಹೆಚ್ಚು ವಹಿವಾಟನ್ನು ತನ್ನ ವೇದಿಕೆ ಮೂಲಕ ನಡೆಸುತ್ತದೆ. ಪಾವತಿಗೆ ಸಂಬಂಧಿಸಿದ ವಿವಿಧ ಸೇವೆಗಳನ್ನು ಪರಿಚಯಿಸುವುದರ ಮೂಲಕ ಪೇಟಿಎಂ ಪೇಮೆಂಟ್ಸ್ ಗೇಟ್‌ವೇ ತನ್ನ ವರ್ತಕ ಜಾಲವನ್ನು ವಿಸ್ತರಿಸಿಕೊಳ್ಳುತ್ತಿದೆ. ವಿವಿಧ ಸೌಲಭ್ಯಗಳನ್ನು ವರ್ತಕರಿಗೆ ಒದಗಿಸುವುದರ ಮೂಲಕ ಅವರ ವ್ಯವಹಾರಗಳನ್ನು ಸಹ ವೃದ್ಧಿಸಲು ಸಹಕಾರಿಯಾಗಿದೆ.

ಬಿಲ್ ಪಾವತಿಗೆ ಬಹು ಆಯ್ಕೆಯನ್ನು ಒದಗಿಸಲಾಗಿದ್ದು ಸುಲಭವಾಗಿ ವಿವಿಧ ವಿಧಾನದಿಂದ ಅಂದರೆ ಇ ಮೇಲ್, ಎಸ್‍ಎಂಎಸ್ ಚಾಟಿಂಗ್ ಮೂಲಕ ಪಾವತಿ ಬಗೆಗಿನ ಮಾಹಿತಿ ಪಡೆಯಬಹುದಾಗಿದೆ.