Payment Apps: ಪೇಮೆಂಟ್‌ ಆ್ಯಪ್‌ಗಳೇ ಕಾಲೇಜುಗಳಲ್ಲಿ ಫೇಮಸ್‌

ಸದ್ಯ ಎಲ್ಲ ಕಡೆಯೂ ಕ್ಯಾಶ್‌ಲೆಸ್‌ ವ್ಯವಹಾರದ್ದೇ ಮಾತು. ಅದರಲ್ಲೂ ಪೇಮೆಂಟ್‌ ಆ್ಯಪ್‌ಗಳ ಮೂಲಕ ವ್ಯವಹಾರ ಮಾಡುವವರು ಹೆಚ್ಚಾಗಿದ್ದಾರೆ. ಕಾಲೇಜು ಕ್ಯಾಂಪಸ್‌ನಲ್ಲಿಈ ಆನ್‌ಲೈನ್‌ ವ್ಯವಹಾರ ಮತ್ತು ಪೇಮೆಂಟ್‌ ಆ್ಯಪ್‌ಗಳ ಬಳಕೆ ಹೇಗಿದೆ ಎಂಬುದನ್ನು ವಿದ್ಯಾರ್ಥಿಗಳು ಇಲ್ಲಿ ಹಂಚಿಕೊಂಡಿದ್ದಾರೆ.

ಕಾಲೇಜುಗಳಿಗೂ ಆವರಿಸಿಕೊಂಡಿದೆ
ಈಗ ಎಲ್ಲೆಡೆ ಆನ್‌ಲೈನ್ ವಹಿವಾಟು ದೇಶದ ಮೂಲೆ ಮೂಲೆಗೆ ತಲುಪಿದೆ. ಸಣ್ಣ ವರ್ಗದ ಜನರಿಂದ ಹಿಡಿದು ದೊಡ್ಡ ವರ್ಗದ ಜನರವರೆಗೆ ಆವರಿಸಿಕೊಂಡಿದೆ. ಅದು ಕಾಲೆಜು ವಿದ್ಯಾರ್ಥಿಗಳವರೆಗೂ ಬಂದಿದ್ದು, ನಮ್ಮ ಕಾಲೇಜಿನಲ್ಲಿ ಹೆಚ್ಚಿನ ಜನ ಆನ್‌ಲೈನ್‌ ಬ್ಯಾಂಕಿಂಗ್‌ನ್ನು ಬಳಸುತ್ತಾರೆ. ಇನ್ನು ಮೊಬೈಲ್‌ ಪೇಮೆಂಟ್‌ ಆ್ಯಪ್‌ಗಳನ್ನು ಸಹ ನಮ್ಮ ಕಾಲೇಜಿನಲ್ಲಿಅತಿ ಹೆಚ್ಚು ಬಳಸುತ್ತಾರೆ.
ಬಿಪಿನ್, ಟಿ ಜಾನ್ ಕಾಲೇಜ್

ವಿದ್ಯಾರ್ಥಿಗಳಿಗೆ ಉಪಯುಕ್ತ
ಆನ್‌ಲೈನ್‌ ಬ್ಯಾಂಕಿಂಗ್‌ ಕಾಲೇಜಿನ ಫೀಸ್‌ ಕಟ್ಟಲು ಬಹಳ ಉಪಯುಕ್ತವಾಗಿದೆ. ದೂರದ ಊರಿನಿಂದ ಬಂದು ಬೆಂಗಳೂರಿನಲ್ಲಿ ವಿದ್ಯಾಭ್ಯಾಸ ಮಾಡುವ ಎಷ್ಟೋ ಮಂದಿ ವಿದ್ಯಾರ್ಥಿಗಳಿಗೆ ಹಣವನ್ನು ಮನೆಯಿಂದ ತರಲು ಆಗುವುದಿಲ್ಲ, ಹಾಗಾಗಿ ಊರಿನಿಂದ ಅಪ್ಪ ಅಥವಾ ಅಣ್ಣ ನೆಟ್‌ ಬ್ಯಾಂಕಿಂಗ್‌ನಿಂದ ಟ್ರಾನ್ಸ್‌ಫರ್‌ ಮಾಡುತ್ತಾರೆ. ಇದನ್ನು ಎಷ್ಟೋ ಮಂದಿ ಗೂಗಲ್‌ ಪೇ ಮೂಲಕವೇ ಕಾಲೇಜಿನ ಶುಲ್ಕ ಕಟ್ಟುತ್ತಾರೆ.
ಸೂರಜ್‌ ನಾಯರ್‌, ಸುರಾನ ಕಾಲೇಜು

ಕ್ಯಾಶ್‌ ಬ್ಯಾಕ್‌ ಸಿಗುತ್ತದೆ
ಪೇಮೆಂಟ್‌ ಆ್ಯಪ್‌ಗಳಿಂದ ಹೆಚ್ಚೆಚ್ಚು ಕ್ಯಾಶ್‌ ಬ್ಯಾಕ್‌ ಆಫರ್‌ ಸಿಗುವುದರಿಂದ ಸ್ಟೂಡೆಂಟ್ಸ್‌ ಅವುಗಳನ್ನು ಬಳಸುತ್ತಾರೆ. ಇದರ ಜತೆಗೆ ಅದನ್ನು ಬೇರೆಯವರಿಗೆ ರೆಫರ್‌ ಕೂಡಾ ಮಾಡುತ್ತಾರೆ. ಇತ್ತೀಚಿನ ದಿನಗಳಲ್ಲಿಒಂದು ಟ್ರೆಂಡ್‌ ಆಗಿ ಪರಿಣಮಿಸುತ್ತಿದೆ. ಒಮ್ಮೊಮ್ಮೆ ಸುಖಾ ಸುಮ್ಮನೆ ಅಮೌಂಟ್‌ ಟ್ರಾನ್ಸಫರ್‌ ಮಾಡಿ ಕ್ಯಾಶ್‌ ಬ್ಯಾಕ್‌ ಪಡೆಯುತ್ತಿದ್ದಾರೆ. ಹಾಗಾಗಿ ಪೇಮೆಂಟ್‌ ಆ್ಯಪ್‌ಗಳು ವಿದ್ಯಾರ್ಥಿಗಳ ವಲಯದಲ್ಲಿ ಸಿಕ್ಕಾಪಟ್ಟೆ ಫೇಮಸ್‌.
ಲಕ್ಷ್ಮಿ, ಬಿಎಂಎಸ್‌ಐಟಿ

ಕ್ಯಾಶ್‌ ಇಲ್ಲದ ಸಮಯದಲ್ಲಿಉಪಯೋಗ
ಒಮ್ಮೊಮ್ಮೆ ಜೇಬಲ್ಲಿರುವ ಹಣ ಖಾಲಿಯಾಗಿರುತ್ತದೆ, ಆದರೆ ಕೆಲವು ವಸ್ತುಗಳನ್ನು ಕೊಂಡುಕೊಳ್ಳಲೇಬೇಕಾಗಿರುತ್ತದೆ. ಆಗ ಈ ಪೇಮೆಂಟ್‌ ಆ್ಯಪ್‌ಗಳು ಅಥವಾ ಆನ್‌ಲೈನ್‌ ಬ್ಯಾಂಕಿಂಗ್‌ ಉಪಯೋಗವಾಗುತ್ತದೆ. ಸಾಕಷ್ಟು ಬಾರಿ ವಿದ್ಯಾರ್ಥಿಗಳು ಈ ರೀತಿ ಪೇಮೆಂಟ್‌ ಮಾಡುತ್ತಾರೆ ಹಾಗಾಗಿ ವಿದ್ಯಾರ್ಥಿ ವಲಯದಲ್ಲಿಇದು ಫೇಮಸ್‌ ಆಗಿದೆ.
ತನುಜ್‌, ವಿಜಯನಗರ ಕಾಲೇಜು

ಮಹಿಳೆಯರ ಫೋನ್‌ನಲ್ಲಿ ಇರಲೇಬೇಕಾದ ಆ್ಯಪ್ಸ್

ಕ್ಯಾಂಟೀನ್‌ನಲ್ಲೂ ಪೇಮೆಂಟ್ ಆ್ಯಪ್‌
ಕೈಯಲ್ಲಿ ನಗದು ಇಲ್ಲಅಂದರೂ, ಯಾವುದೇ ಭಯವಿಲ್ಲದೆ ಏನನ್ನು ಬೇಕಾದರೂ ನಮ್ಮ ಕಾಲೇಜು ಕ್ಯಾಂಟೀನ್‌ನಲ್ಲಿ ತಿನ್ನುತ್ತೇವೆ. ಅದಕ್ಕೆ ಕಾರಣ ಯಪಿಐ ಪೇಮೆಂಟ್‌ ಆ್ಯಪ್‌ಗಳು, ಫೋನ್‌ ಪೇ, ಗೂಗಲ್‌ ಪೇ, ಪೇಟಿಯಂಗಳು. ಹೋಟೆಲ್‌ ಬಿಲ್‌, ಪೆಟ್ರೋಲ್‌ ಬಿಲ್‌, ರೀಚಾರ್ಜ್, ವಿದ್ಯುತ್‌ ಬಿಲ್‌ ಸಹಿತ ಪರೀಕ್ಷಾ ಶುಲ್ಕಗಳನ್ನು ಎಲ್ಲವನ್ನು ಆನ್‌ಲೈನ್‌ನಲ್ಲಿ ಪಾವತಿ ಮಾಡುತ್ತೇನೆ. ಸ್ನೇಹಿತರ ಬಳಿ ನಗದು ಇಲ್ಲಅಂದಾಗ, ನಗದು ಇರುವವರಿಗೆ ಫೋನ್‌ ಪೇ ಅಥವಾ ಗೂಗಲ್‌ ಪೇ ಮಾಡಿ ಅವರಿಂದ ಕ್ಯಾಶ್‌ ಪಡೆಯುತ್ತೇವೆ. ಕಾಲೇಜಿನ ಹೊರಗಡೆ ಇರುವ ಹೋಟೆಲ್‌ಗಳಲ್ಲಿಊಟ ಮಾಡಿ, ಹಣ ಪಾವತಿಸಲು ಫೋನ್‌ ಪೇ, ಗೂಗಲ್‌ ಪೇ ಮಾಡಲು ಹೋದಾಗ ಹೋಟೆಲ್‌ನವರು ಫೋನ್‌ ಪೇ, ಗೂಗಲ್‌ ಪೇ ನಂತಹ ಯಾವ ತರಹದ ಪೇನೂ ನಮ್ಮ ಬಳಿ ಇಲ್ಲ. ಕ್ಯಾಶ್‌ ಕೊಟ್ಟು ಹೋಗಿ ಎಂದು ಹೇಳಿದಾಗ ಕ್ಯಾಶ್‌ ಗೆ ಪರದಾಡಿದ್ದು ಉಂಟು.
ಶಿವಶಂಕರ ಎಸ್, ಆಚಾರ್ಯ ಕಾಲೇಜ್

ಚಾಟ್ಸ್‌ ಅಂಗಡಿಗಳಲ್ಲಿಯೂ ಇದೆ ಪೇಟಿಎಂ
ನನ್ನ ಪ್ರಕಾರ ಸ್ಟೂಡೆಂಟ್ಸ್‌ ಆನ್‌ಲೈನ್‌ ಬ್ಯಾಂಕಿಂಗ್‌ಗಿಂತಲೂ, ಪೇಮೆಂಟ್‌ ಆ್ಯಪ್‌ಗಳನ್ನು ಹೆಚ್ಚೆಚ್ಚು ಬಳಸುತ್ತಾರೆ. ಏಕೆಂದರೆ ಸ್ಟೂಡೆಂಟ್ಸ್‌ ಹೆಚ್ಚೆಚ್ಚು ಚಾಟ್ಸ್‌ ಅಂಗಡಿಗಳಲ್ಲಿ, ಟೀ ಅಂಗಡಿಗಳಲ್ಲಿ ಖರೀದಿ ಮಾಡುತ್ತಾರೆ. ಅಲ್ಲಿಪೇಟಿಂ, ಗೂಗಲ್‌ ಪೇ ಮೂಲಕ ಹಣ ನೀಡುತ್ತಾರೆ. 10 ರೂಪಾಯಿಯನ್ನು ಸಹ ಈ ಪೇಮೆಂಟ್‌ ಆ್ಯಪ್‌ಗಳ ಮೂಲಕ ಮಾಡಬಹುದು, ಹಾಗಾಗಿ ಸ್ಟೂಡೆಂಟ್ಸ್‌ ಹೆಚ್ಚು ಈ ಆ್ಯಪ್‌ಗಳನ್ನು ಬಳಸುತ್ತಾರೆ.
ವರ್ಷಾ, ಬಿಎಂಎಸ್‌ಐಟಿ.

ಆನ್‌ಲೈನ್ ಪೇಮೆಂಟ್ ವಂಚನೆಗಳನ್ನು ಎದುರಿಸಲು ನೀವೇನು ಮಾಡಬೇಕು?