PUBG Mobile Lite: ಡೌನ್‌ಲೋಡ್ ಮಾಡಿ ಆಡುವುದು ಹೇಗೆ?

ತೆನ್ಸೆಂಟ್ ಗೇಮ್ಸ್‌ನ ಜನಪ್ರಿಯ ಆನ್‌ಲೈನ್ ಗೇಮ್ ಪಬ್‌ಜಿ ಮೊಬೈಲ್ ಗೇಮಿಂಗ್ ಲೋಕದಲ್ಲಿ ಹವಾ ಎಬ್ಬಿಸಿದೆ. ಯುವಜನತೆಯಂತೂ ಪಬ್‌ಜಿಯದ್ದೇ ಗುಂಗಿನಲ್ಲಿ ಇರುತ್ತಾರೆ. ಆದರೆ ಪಬ್‌ಜಿ ಆಡಬೇಕಾದರೆ ಮೊಬೈಲ್ ಇಂಟರ್‌ನೆಟ್ ಸಂಪರ್ಕ ಹೊಂದಿರಬೇಕು ಮತ್ತು ಅಧಿಕ ಸಾಮರ್ಥ್ಯದ ರ‍್ಯಾಮ್ ಜತೆಗೆ ಪ್ರೊಸೆಸರ್ ಅಗತ್ಯ.

ಆದರೆ ಕಡಿಮೆ ರ‍್ಯಾಮ್ ಮತ್ತು ಆರಂಭಿಕ ಹಂತದ ಸ್ಮಾರ್ಟ್‌ಫೋನ್‌ನಲ್ಲೂ ಸುಲಲಿತವಾಗಿ ಆಡಲು ಸಾಧ್ಯವಾಗುವ ಪಬ್‌ಜಿ ಮೊಬೈಲ್ ಲೈಟ್ ಅನ್ನು ತೆನ್ಸೆಂಟ್‌ ಗೇಮಿಂಗ್ ಹೊರತಂದಿದೆ.

ಪಬ್‌ಜಿ ಮೊಬೈಲ್ ಲೈಟ್ ಆವೃತ್ತಿ ಫಿಲಿಪ್ಪೀನ್ಸ್‌ನಲ್ಲಿ ಬಿಡುಗಡೆಯಾಗಿದೆ. ನಮ್ಮ ದೇಶದಲ್ಲಿ ಇದು ಲಭ್ಯವಿಲ್ಲ. ಆದರೆ ಆಸಕ್ತರು ಎಪಿಕೆ ಫೈಲ್ ಡೌನ್‌ಲೋಡ್ ಮಾಡಿಕೊಂಡು ಬಳಸಬಹುದು. ಅದಕ್ಕಾಗಿ ನಂಬಿಕಸ್ಥ ವಿಪಿನ್‌ ಕ್ಲೈಂಟ್ ಅಗತ್ಯ.

ಪಬ್‌ಜಿಗೆ ದಾಳಿ ಇಡಲಿವೆ ಝೊಂಬಿಗಳು

ಗೂಗಲ್‌ಗೆ ಹೋಗಿ, PUBG Mobile Lite APK ಫೈಲ್ ಅನ್ನು ಯಾವುದಾದರೂ ನಂಬಲರ್ಹ ವೆಬ್‌ಸೈಟ್‌ನಿಂದ ಡೌನ್‌ಲೋಡ್ ಮಾಡಿ.
ಡೌನ್‌ಲೋಡ್ ಆದ ಎಪಿಕೆ ಫೈಲ್ ಅನ್ನು ಸ್ಮಾರ್ಟ್‌ಫೋನ್‌ನಲ್ಲಿ ಇನ್‌ಸ್ಟಾಲ್ ಮಾಡಿಕೊಳ್ಳಿ.

ಇನ್‌ಸ್ಟಾಲ್ ಮಾಡಿಕೊಳ್ಳಲು ಸ್ಮಾರ್ಟ್‌ಫೋನ್ ಸೆಟ್ಟಿಂಗ್‌ನಲ್ಲಿ ಇನ್‌ಸ್ಟಾಲ್ ಆ್ಯಪ್ from unknown sources ಎಂಬ ಆಯ್ಕೆಯನ್ನು ಆನ್ ಮಾಡಿಕೊಂಡಿರಿ.

ಫಿಲಿಪ್ಪೀನ್ಸ್‌ನಲ್ಲಿ ಮಾತ್ರ ಅಧಿಕೃತವಾಗಿ ಪಬ್‌ಜಿ ಮೊಬೈಲ್ ಲೈಟ್ ಆವೃತ್ತಿ ಲಭ್ಯವಿರುವುದರಿಂದ ಭಾರತದಲ್ಲಿ ಬಳಸಬೇಕಾದರೆ ವಿಪಿಎನ್ ಅಗತ್ಯವಾಗಿದ್ದು, ಫಿಲಿಪ್ಪೀನ್ಸ್‌ನ ನೆಟ್‌ವರ್ಕ್ ಸರ್ವರ್‌ ಬೆಂಬಲ ಬೇಕಾಗುತ್ತದೆ. ಹೀಗಾಗಿ ಫಿಲಿಪ್ಪೀನ್ಸ್‌ ಸರ್ವರ್‌ಗೆ ವಿಪಿಎನ್ ಸಂಪರ್ಕ ಮಾಡಿಕೊಳ್ಳಿ. ಬಳಿಕ ಗೇಮ್ ಆಡಬಹುದು.

ವಿಪಿಎನ್‌ ಸಮಸ್ಯೆಯಿದ್ದರೆ ಪಬ್‌ಜಿ ಮೊಬೈಲ್ ಲೈಟ್ ಗೇಮ್ ಆಟವಾಡಲು ಸಾಧ್ಯವಾಗದೇ ಇರಬಹುದು, ಇಲ್ಲವೆ ಎರರ್ ಸಂದೇಶ ಬರಬಹುದು. ಹೀಗಾಗಿ ಗೇಮ್ ಆಡಲಾಗದಿದ್ದರೆ, ಬಳಕೆದಾರರು ಭಾರತದಲ್ಲಿ ಗೇಮ್ ಲಭ್ಯವಾಗುವವರೆಗೆ ಕಾಯಬೇಕಷ್ಟೆ.