ಇ-ಡೆಲಿವರಿಗೆ ಡ್ರೋನ್ ಬಳಕೆ

ಈಗಾಗಲೇ ವಿವಿಧ ಕ್ಷೇತ್ರಗಳಲ್ಲಿ ಡ್ರೋನ್‌ಗಳನ್ನು ಯಶಸ್ವಿಯಾಗಿ ಬಳಸಿಕೊಳ್ಳಲಾಗುತ್ತಿದೆ. ದೇಶದಲ್ಲೂ ಡ್ರೋನ್ ಟ್ಯಾಕ್ಸಿ, ಇ ಕಾಮರ್ಸ್ ಡೆಲಿವರಿಗೆ ಡ್ರೋನ್ ಬಳಕೆ ಕುರಿತು ಮಾತುಕತೆ ನಡೆಯುತ್ತಿದೆ.

ಡ್ರೋನ್ಗಳನ್ನು ಏರ್‌ ಟ್ಯಾಕ್ಸಿ, ಇ-ಡೆಲಿವರಿ ಇತ್ಯಾದಿ ವಾಣಿಜ್ಯ ವಹಿವಾಟುಗಳಲ್ಲಿ ಬಳಸಿಕೊಳ್ಳಲು ಅನುಮತಿ ನೀಡುವ ಬಗ್ಗೆ ವಿಮಾನಯಾನ ನಿರ್ದೇಶನಾಲಯವು (ಡಿಜಿಸಿಎ) ನಿರ್ದೇಶಿಸಿದೆ. ಈ ಸಂಬಂಧ ತಜ್ಞರಿಂದ ಸಲಹೆಗಳನ್ನು ಆಹ್ವಾನಿಸಿದೆ.

ಸದ್ಯಕ್ಕೆ ಮಿಲಿಟರಿ ಕಾರ್ಯಾಚರಣೆ, ಫೋಟೊಗ್ರಫಿ, ಮ್ಯಾಪಿಂಗ್‌, ಸರ್ವೇಕ್ಷಣೆ, ಸಾರ್ವಜನಿಕ ಸುರಕ್ಷತೆ, ಕೃಷಿ ತಂತ್ರಜ್ಞಾನ ಇತ್ಯಾದಿ ಚಟುವಟಿಕೆಗಳಲ್ಲಿ ಬಳಸಲಾಗುತ್ತಿದೆ. ಇದಕ್ಕಿಂತಲೂ ಮುಂದಿನ ಹಂತದ ಬಳಕೆಗೆ ಚಿಂತನೆ ನಡೆಸಲಾಗುತ್ತಿದೆ.

ಭಾರತದಲ್ಲಿ ಡ್ರೋನ್ ಬಳಸಿಕೊಂಡು ಏರ್‌ ಟ್ಯಾಕ್ಸಿ ಸೇವೆ ಒದಗಿಸಲು ಉಬರ್‌ ಎಲಿವೇಟ್‌ (ಉಬರ್‌ನ ಅಧೀನ ಸಂಸ್ಥೆ) ನಿರೀಕ್ಷಿಸುತ್ತಿದೆ. ಈ ರೀತಿಯ ಪ್ಯಾಸೆಂಜರ್‌ ಡ್ರೋನ್‌ಗಳು ಸಂಚಾರ ದಟ್ಟಣೆಯ ನಗರಗಳಲ್ಲಿ ಸಾರಿಗೆ ವ್ಯವಸ್ಥೆಯನ್ನು ಸುಗಮಗೊಳಿಸುವ ನಿರೀಕ್ಷೆ ಇದೆ.