Covid 19 Lockdown: ಕ್ವಿಕರ್‌ನಿಂದ ಹೊಸ ವೆಬ್‌ಸೈಟ್‌

ದೇಶದಲ್ಲಿ ಲಾಕ್‌ಡೌನ್ ಜಾರಿಯಲ್ಲಿದ್ದು, ಈ ಸಂದರ್ಭದಲ್ಲಿ ಇ ಕಾಮರ್ಸ್ ಮತ್ತು ಆನ್‌ಲೈನ್ ತಾಣಗಳಲ್ಲಿ ಅಗತ್ಯ ಸರಕು ಸೇವೆಗಳು ಮಾತ್ರ ಲಭ್ಯವಾಗುತ್ತಿದೆ. ಆದರೆ ಮೆಡಿಕಲ್, ವೈದ್ಯಕೀಯ ಮತ್ತು ಇತರ ಅಗತ್ಯ ಸೇವೆಗಳು ಬೇಕಾಗಿರುವುದರಿಂದ, ಜನರಿಗೆ ನೆರವಾಗಲು ಕ್ವಿಕರ್ ಹೊಸ ವೆಬ್‌ಸೈಟ್‌ಗೆ ಚಾಲನೆ ನೀಡಿದೆ.

ವೈದ್ಯಕೀಯ ಸಮೂಹ ಮತ್ತು ವೈದ್ಯಕೀಯ ಸಲಕರಣೆಗಳ ಉತ್ಪಾದಕರು ಮತ್ತು ವಿತರಕರ ಜೊತೆ ಸಂಪರ್ಕ ಬೆಸೆಯಲು, www.helphospitals.in ಜಾಲತಾಣಕ್ಕೆ 'ಕ್ವಿಕರ್‌' ಚಾಲನೆ ನೀಡಿದೆ.

ಕೊರೊನಾ ಬಿಕ್ಕಟ್ಟಿನ ಸಂದರ್ಭದಲ್ಲಿ ವೈದ್ಯಕೀಯ ಸಾಧನಗಳ ಕೊರತೆಯನ್ನು ಎದುರಿಸುತ್ತಿದ್ದೇವೆ. ನೂತನ ಜಾಲತಾಣವು ವೈದ್ಯಕೀಯ ಅಗತ್ಯಗಳನ್ನು ಗಮನಿಸಿ, ಆಸ್ಪತ್ರೆಗಳು ಮತ್ತು ವೈದ್ಯರ ಅಗತ್ಯವನ್ನು ತೀರಿಸಲಿದೆ. ವಿತರಕರ ಜೊತೆ ಸಂಪರ್ಕ ಸಾಧಿಸಲು ನೆರವಾಗಲಿದೆ.

ಕೊರೊನಾ ಸಂದರ್ಭದಲ್ಲಿ ದೈನಂದಿನ ಅಗತ್ಯ ವಸ್ತುಗಳ ಕೊರತೆ ಕಂಡು ಬಂದಿದ್ದು, ಗ್ರಾಹಕರು ಮತ್ತು ವ್ಯಾಪಾರಿಗಳನ್ನು ಒಟ್ಟುಗೂಡಿಸುವ ನಿಟ್ಟಿನಲ್ಲಿ ನೂತನ www.stillopen.in ಜಾಲತಾಣವನ್ನೂ ಕ್ವಿಕರ್‌ ಆರಂಭಿಸಿದೆ. ತಮ್ಮ ಸುತ್ತಲಿನ ದಿನಸಿ ಮಳಿಗೆ, ಮೆಡಿಕಲ್‌ ಸ್ಟೋರ್‌, ಕೋವಿಡ್‌ ಪರೀಕ್ಷಾ ಕೇಂದ್ರ ಮತ್ತು ಇತರೆ ಮಳಿಗೆಗಳನ್ನು ಗುರುತಿಸಲು ಮತ್ತು ಸೇವೆ ಪಡೆಯಲು ಈ ತಾಣ ನೆರವಾಗಲಿದೆ. ಬೆಂಗಳೂರು ಸೇರಿದಂತೆ 22 ನಗರಗಳಲ್ಲಿಲಭ್ಯವಿದೆ.

Tata Sky Binge+: 2,000 ರೂ. ಡಿಸ್ಕೌಂಟ್‌ನಲ್ಲಿ ಈಗ ಲಭ್ಯ!