Flipkart: ಫ್ಲಿಪ್‍ಕಾರ್ಟ್-ಏಗೊನ್ ಲೈಫ್ ಇನ್ಷೂರೆನ್ಸ್ ಒಡಂಬಡಿಕೆ

ಸ್ವದೇಶಿ ಇ-ಕಾಮರ್ಸ್ ಮಾರ್ಕೆಟ್‍ಪ್ಲೇಸ್ ಆಗಿರುವ ಫ್ಲಿಪ್‍ಕಾರ್ಟ್ ತನ್ನ ಗ್ರಾಹಕರಿಗೆ ಸಮಗ್ರ ಇನ್ಷೂರೆನ್ಸ್ ಪರಿಹಾರಗಳನ್ನು ನೀಡುವ ನಿಟ್ಟಿನಲ್ಲಿ ಭಾರತದ ಪ್ರಮುಖ ಡಿಜಿಟಲ್ ಇನ್ಷೂರೆನ್ಸ್ ಕಂಪನಿ ಏಗೊನ್ ಲೈಫ್ ಇನ್ಷೂರೆನ್ಸ್ ಜತೆಗೆ ಸಹಯೋಗ ಮಾಡಿಕೊಂಡಿದೆ. ಇದು ಒಂದು ಇನ್‍ಸ್ಟಂಟ್ ಡಿಜಿಟಲ್ ಪಾಲಿಸಿಯಾಗಿದ್ದು, 10 ಲಕ್ಷ ರೂ.ವರೆಗೆ ವಿಮೆ ನೀಡಲಾಗುತ್ತಿದೆ. ಈ ವಿಮೆಯು ಮಾರ್ಚ್ 2020ರಿಂದ ಗ್ರಾಹಕರಿಗೆ ಲಭ್ಯವಾಗುತ್ತಿದೆ. ಈ ಇನ್‍ಸ್ಟಂಟ್ ಲೈಫ್ ಇನ್ಷೂರೆನ್ಸ್ ಪಾಲಿಸಿಯು ಕೋರ್ ವ್ಯಾಲ್ಯೂ ಪ್ರಪೋಸಿಶನ್ ಅನ್ನು ಒಳಗೊಂಡಿದ್ದು, ಇದಕ್ಕೆ ಯಾವುದೇ ವೈದ್ಯಕೀಯ ಪರೀಕ್ಷೆಗಳು ಅಥವಾ ದಾಖಲಾತಿಗಳ ಅಗತ್ಯವಿರುವುದಿಲ್ಲ.

ದೇಶದಲ್ಲಿ ಲಭ್ಯವಿರುವ ಎಲ್ಲಾ ಮಾದರಿಯ ವಿಮೆಗಳ ಪೈಕಿ ಜೀವವಿಮೆ ಎರಡನೇ ಅತಿದೊಡ್ಡ ವಿಮೆಯಾಗಿದೆ. ಆದರೆ, ಈ ಜೀವವಿಮೆಗಳು ದುಬಾರಿಯಾಗಿರುತ್ತವೆ ಎಂಬ ಕಾರಣದಿಂದ ಗ್ರಾಹಕರು ಖರೀದಿ ಮಾಡಲು ಹಿಂದೇಟು ಹಾಕುತ್ತಾರೆ. ಇದು ವಿಮಾ ಕಂಪನಿಗಳು ಎದುರಿಸುತ್ತಿರುವ ಬಹು ದೊಡ್ಡ ಸವಾಲಾಗಿದೆ. ಫ್ಲಿಪ್‍ಕಾರ್ಟ್ ಮತ್ತು ಏಗೊನ್ ಲೈಫ್ ನೀಡುತ್ತಿರುವ ಈ ವಿಮೆಯ ಮೂಲಕ ಇಂತಹ ಸವಾಲಿಗೆ ಪರಿಹಾರ ಕಂಡುಕೊಂಡಿರುವುದಲ್ಲದೇ ಗ್ರಾಹಕರಿಗೆ ವಿಮೆಯನ್ನು ಒಂದು ಬಟನ್ ಕ್ಲಿಕ್ ಮಾಡುವ ಮೂಲಕ ಅನುಕೂಲಕರ ಮತ್ತು ಪಾರದರ್ಶಕ ರೀತಿಯಲ್ಲಿ ನೀಡುತ್ತಿವೆ.

ಫ್ಲಿಪ್‍ಕಾರ್ಟ್ ನೀಡುತ್ತಿರುವ ಈ ಲೈಫ್ ಇನ್ಷೂರೆನ್ಸ್ ಪಾಲಿಸಿಗಳು 1 ಲಕ್ಷ ರೂಪಾಯಿಗಳಿಂದ 10 ಲಕ್ಷ ರೂಪಾಯಿವರೆಗೆ ಇರುತ್ತವೆ. ಇವುಗಳ ಪ್ರೀಮಿಯಂ 1 ಲಕ್ಷ ರೂಪಾಯಿಗೆ 129 ರೂಪಾಯಿಯಿಂದ ಆರಂಭವಾಗುತ್ತದೆ. 18 ರಿಂದ 65 ವರ್ಷದವರೆಗಿನ ಫ್ಲಿಪ್‍ಕಾರ್ಟ್‍ನ ಹಾಲಿ ಗ್ರಾಹಕರಿಗೆ ಪಾಲಿಸಿಗಳು ಲಭ್ಯವಾಗಲಿವೆ.

ಈ ಯೋಜನೆ ಮೂಲಕ ಫ್ಲಿಪ್‍ಕಾರ್ಟ್ ಮೆಟ್ರೋ ಮತ್ತು ಮೆಟ್ರೋಯೇತರ ನಗರಗಳ ಭಾರತೀಯರಿಗೆ ಲೈಫ್ ಇನ್ಷೂರೆನ್ಸ್ ನೀಡುವ ಉದ್ದೇಶವನ್ನು ಹೊಂದಿದೆ. ತನ್ನ ತಂತ್ರಜ್ಞಾನ ಮತ್ತು ಪಾಲುದಾರಿಕೆಯು ಗ್ರಾಹಕರಿಗೆ ಕಡಿಮೆ ದರದ ಪ್ರೀಮಿಯಂನ ವಿಮೆಯನ್ನು ನೀಡುತ್ತದೆ. ಈ ಉತ್ಪನ್ನದೊಂದಿಗೆ ಫ್ಲಿಪ್‍ಕಾರ್ಟ್ ವಿಮೆಯ ವಿಚಾರದಲ್ಲಿ ವಂಚಿತರಾಗಿದ್ದ ಗ್ರಾಹಕರಿಗೆ ಬದ್ಧತೆ, ಪಾರದರ್ಶಕ ಮತ್ತು ವಿಶ್ವಾಸಾರ್ಹತೆಯ ಪರಿಹಾರವನ್ನು ನೀಡುತ್ತಿದೆ.

EPF Account: SMS ಮೂಲಕ ಖಾತೆಯ ವಿವರ ಪಡೆಯುವುದು ಹೇಗೆ?