Delivery Robot: ಅಮೆಜಾನ್ ಡೆಲಿವರಿ ಆರಂಭ

ಇ ಕಾಮರ್ಸ್ ದೈತ್ಯ ಅಮೆಜಾನ್‌ ಪುಟ್ಟ ಆರು ಕಾಲುಗಳ ರೋಬಾಟ್ ಅಡೋರಾ ಬಾಟ್ಸ್ ಅನ್ನು ಪ್ರಯೋಗಿಕವಾಗಿ ಯಶಸ್ವಿಯಾಗಿ ಬಳಸಿದ ನಂತರ ವಾಣಿಜ್ಯ ಬಳಕೆಗೆ ಮುಂದಾಗಿದೆ.

ಅಮೆರಿಕದ ಕ್ಯಾಲಿಫೋರ್ನಿಯಾ ಪ್ರದೇಶದಲ್ಲಿ ಮೊದಲಿಗೆ ಪ್ರಾಯೋಗಿಕ ಬಳಕೆ ನಡೆಸಲಾಗಿತ್ತು. ಅದರ ಯಶಸ್ಸಿನ ಬೆನ್ನಲ್ಲೇ ಎಲೆಕ್ಟ್ರಿಕ್ ರೋಬಾಟ್, ವಾಣಿಜ್ಯ ಬಳಕೆಗೆ ಲಭ್ಯವಾಗುತ್ತಿದೆ.

ಡೆಲಿವರಿ ರೋಬಾಟ್‌ ಸ್ವತಃ ಕೆಲಸ ನಿರ್ವಹಿಸುವ ಕಾರ್ಯಕ್ಷಮತೆ ಹೊಂದಿದ್ದರೂ, ಅದರ ಜತೆ ಪ್ರಸ್ತುತ ಅಮೆಜಾನ್ ಸ್ಕಾಟ್ ಅಂಬಾಸಿಡರ್ ಹೆಸರಿನಲ್ಲಿ ಅಮೆಜಾನ್ ಪ್ರತಿನಿಧಿ ಕೂಡ ತೆರಳುತ್ತಾರೆ. ರೋಬಾಟ್ ಮೇಲೆ ಕಣ್ಣಿರಿಸುವುದು ಮತ್ತು ಗ್ರಾಹಕರ ಪ್ರಶ್ನೆಗಳಿಗೆ ಉತ್ತರಿಸಿ, ಸಂದೇಹ ಪರಿಹರಿಸುವುದು ಅವರ ಕೆಲಸವಾಗಿದೆ.

ಕಳೆದ ಜನವರಿಯಿಂದ ಅಡೋರಾ ಬಾಟ್ಸ್ ಪರೀಕ್ಷಾರ್ಥ ಬಳಕೆಯಲ್ಲಿತ್ತು. ಅಮೆಜಾನ್‌ನಲ್ಲಿ ಲಭ್ಯವಿರುವ ವೈವಿಧ್ಯಮಯ ಉತ್ಪನ್ನಗಳನ್ನು ಅಡೋರಾ ಬಾಟ್ಸ್ ಡೆಲಿವರಿ ಮಾಡಲಿದೆ.