Elon Musk: 30 ಸಾವಿರ ಸ್ಯಾಟಲೈಟ್‌ಗೆ ಬೇಡಿಕೆ ಇಟ್ಟ ಎಲನ್ ಮಸ್ಕ್

ಟೆಸ್ಲಾ ಎಲೆಕ್ಟ್ರಿಕ್ ಅಟೋನೋಮಸ್ ಕಾರುಗಳ ಸಂಸ್ಥಾಪಕ ಎಲನ್ ಮಸ್ಕ್‌ಗೆ ಹೊಸ ತಂತ್ರಜ್ಞಾನ ಕ್ಷೇತ್ರದಲ್ಲಿ ತೀವ್ರ ಆಸಕ್ತಿ ಇದೆ. 12,000 ಸ್ಟಾರ್‌ಲಿಂಕ್‌ ಬ್ರಾಡ್‌ಬ್ಯಾಂಡ್‌ ಸ್ಯಾಟಲೈಟ್‌ಗಳನ್ನು ಭೂ ಕಕ್ಷೆಗೆ(ಲಿಯೊ) ಸೇರಿಸಲು ಅನುಮತಿ ಪಡೆದಿರುವ ಸ್ಪೇಸ್‌ಎಕ್ಸ್‌ನ ಮುಖ್ಯಸ್ಥ ಎಲಾನ್‌ ಮಸ್ಕ್‌, ಇದೀಗ ಅವುಗಳ ಸಂಖ್ಯೆಯನ್ನು 30,000ಕ್ಕೆ ಹೆಚ್ಚಿಸುವ ಇಂಗಿತವನ್ನು ವ್ಯಕ್ತಪಡಿಸಿದ್ದಾರೆ.

ಈಗಾಗಲೇ ಈ ಸಂಸ್ಥೆಯು 12,000 ಸ್ಟಾರ್‌ಲಿಂಕ್‌ ಬ್ರಾಡ್‌ಬ್ಯಾಂಡ್‌ ಸ್ಯಾಟಲೈಟ್‌ಗಳ ಬಗ್ಗೆ ಅಮೆರಿಕದ ಫೆಡರಲ್‌ ಕಮ್ಯುನಿಕೇಷನ್‌ ಕಮಿಷನ್‌(ಎಫ್‌ಸಿಸಿ)ನಿಂದ ಒಪ್ಪಿಗೆ ಪಡೆದಿದೆ.

ಈಗ ಹೆಚ್ಚುವರಿಯಾಗಿ 30,000 ಸ್ಯಾಟಲೈಟ್‌ಗಳನ್ನು ಕಕ್ಷೆಗೆ ಸೇರಿಸುವ ಸಂಬಂಧ ತನ್ನ ಪ್ರಸ್ತಾಪವನ್ನು ಇಂಟರ್‌ನ್ಯಾಷನಲ್‌ ಟೆಲಿಕಮ್ಯುನಿಕೇಷನ್‌ ಯುನಿಯನ್‌(ಐಟಿಯು) ಮುಂದೆ ಇಟ್ಟಿದೆ.

ಆದರೆ, ನಿಗದಿತ ಸ್ಯಾಟಲೈಟ್‌ಗಳನ್ನು ಕಕ್ಷೆಗೆ ಸೇರಿಸುವ ಮುಂಚೆಯೇ ಈ ಪ್ರಸ್ತಾಪಕ್ಕೆ ಅನುಮತಿ ಸಿಗಲು ಕನಿಷ್ಠ 7 ವರ್ಷಗಳಾದರೂ ಹಿಡಿಯಲಿದೆ ಎಂದು ದಿ ಸನ್‌ ಪತ್ರಿಕೆ ವರದಿ ಮಾಡಿದೆ. ಈ ಸ್ಪೇಸ್‌ಎಕ್ಸ್‌ ಎಷ್ಟು ಸ್ಟಾರ್‌ಲಿಂಕ್‌ ಬ್ರಾಡ್‌ಬ್ಯಾಂಡ್‌ ಸ್ಯಾಟಲೈಟ್‌ಗಳನ್ನು ಸಿದ್ಧಪಡಿಸುತ್ತಿದೆ ಮತ್ತು ಎಷ್ಟು ಸ್ಯಾಟಲೈಟ್‌ಗಳನ್ನು ಉಡಾವಣೆ ಮಾಡಲಿದೆ ಎಂಬುದರ ಬಗ್ಗೆಯೇ ಯಾರಿಗೂ ಮಾಹಿತಿ ಇಲ್ಲಎನ್ನಲಾಗುತ್ತಿದೆ.

Diwali Offer Sale: ಅಮೆಜಾನ್ ವಿಶೇಷ ಮಾರಾಟ ಮೇಳ