ಉಕ್ರೇನ್‌ನಲ್ಲಿ ಸ್ಟಾರ್‌ಲಿಂಕ್ ಇಂಟರ್‌ನೆಟ್ ಗುರಿಯಾಗಬಹುದು: ಎಲೋನ್ ಮಸ್ಕ್ ಹೀಗೆ ಎಚ್ಚರಿಸಿದ್ದೇಕೆ?

ರಷ್ಯಾ ಮತ್ತು ಉಕ್ರೇನ್‌ ನಡುವಿನ ಯುದ್ಧದಲ್ಲಿ, ರಷ್ಯಾ ನಡೆಸುತ್ತಿರುವ ಮಿಲಿಟರಿ ಕಾರ್ಯಾಚರಣೆಯ ಮಧ್ಯೆ ವಿಶ್ವದ ನಂ 1 ಶ್ರೀಮಂತ ವ್ಯಕ್ತಿ ಎಲೋನ್ ಮಸ್ಕ್ ಒಡೆತನದ ಉಪಗ್ರಹ ಇಂಟರ್ನೆಟ್ ಪೂರೈಕೆದಾರ ಸಂಸ್ಥೆ ಸ್ಟಾರ್‌ಲಿಂಕ್ ಮಾತ್ರ ಉಕ್ರೇನ್‌ ಜನತೆಗೆ ಇಂಟರ್ನೆಟ್ ಸಂಪರ್ಕವನ್ನು ಪೂರೈಸುತ್ತಿದೆ. ಇದೀಗ ಉಕ್ರೇನಿಯನ್ ಜನತೆಗೆ ಲಭ್ಯವಿರುವ ಏಕೈಕ ಇಂಟರ್‌ನೆಟ್ ಸಂಪರ್ಕ ಮೂಲವಾಗಿದ್ದು, ಉಕ್ರೇನ್‌ನ ಕೆಲವು ಭಾಗಗಳಲ್ಲಿ ಕಾರ್ಯನಿರ್ವಹಿಸುತ್ತಿರುವ ಏಕೈಕ ರಷ್ಯನ್ ಅಲ್ಲದ ಸಂವಹನ ವ್ಯವಸ್ಥೆಯು ಸ್ಟಾರ್‌ಲಿಂಕ್ ಆಗಿದೆ, ಆದ್ದರಿಂದ ನೀವು ಗುರಿಯಾಗುವ ಸಾಧ್ಯತೆ ಹೆಚ್ಚು. "ದಯವಿಟ್ಟು ಎಚ್ಚರಿಕೆಯಿಂದ ಬಳಸಿ" ಎಂದು ಎಲೋನ್ ಮಸ್ಕ್ ಅವರು ತನ್ನ ಟ್ವೀಟ್‌ನಲ್ಲಿ ಎಚ್ಚರಿಕೆಯನ್ನು ನೀಡಿದ್ದಾರೆ.!

ಹೌದು, ಈ ಬಗ್ಗೆ ಟ್ವೀಟ್ ಮಾಡುವ ಮೂಲಕ ಎಚ್ಚರಿಕೆ ನೀಡಿರುವ ಎಲೋನ್ ಮಸ್ಕ್ ಅವರು, "ಪ್ರಮುಖ ಎಚ್ಚರಿಕೆ: ಸ್ಟಾರ್‌ಲಿಂಕ್ ಉಕ್ರೇನ್‌ನ ಕೆಲವು ಭಾಗಗಳಲ್ಲಿ ಇನ್ನೂ ಕಾರ್ಯನಿರ್ವಹಿಸುತ್ತಿರುವ ಏಕೈಕ ರಷ್ಯನ್ ಅಲ್ಲದ ಸಂವಹನ ವ್ಯವಸ್ಥೆಯಾಗಿದೆ, ಆದ್ದರಿಂದ ಗುರಿಯಾಗುವ ಸಂಭವನೀಯತೆ ಹೆಚ್ಚು. ದಯವಿಟ್ಟು ಎಚ್ಚರಿಕೆಯಿಂದ ಬಳಸಿ.- ಎಲೋನ್ ಮಸ್ಕ್ (@elonmusk) ಮಾರ್ಚ್ 3, 2022" ಎಂದು ಹೇಳಿದ್ದಾರೆ. ರಷ್ಯಾ ಮತ್ತು ಉಕ್ರೇನ್‌ ನಡುವಿನ ಯುದ್ಧದ ಮಧ್ಯೆ ಉಕ್ರೇನ್‌ನಲ್ಲಿ ಬ್ಲ್ಯಾಕ್‌ಔಟ್ ನಡುವೆ ಇಂಟರ್ನೆಟ್ ಸಂಪರ್ಕಕ್ಕೆ ಸಹಾಯ ಮಾಡಲು ಎಲೋನ್ ಮಸ್ಕ್ ಅವರು ಈ ಹಿಂದೆ ಸ್ಟಾರ್‌ಲಿಂಕ್‌ನ ಉಪಗ್ರಹ ಸೇವೆಯ ಟರ್ಮಿನಲ್‌ಗಳನ್ನು ಉಕ್ರೇನ್ ಕಡೆಗೆ ಕಳುಹಿಸಿದ್ದರು.

ರಷ್ಯಾದ ಉಕ್ರೇನ್ ಆಕ್ರಮಣದ ಮಧ್ಯೆ, ಉಕ್ರೇನ್ ನಲ್ಲಿ ಇಂಟರ್ನೆಟ್ ಸಂಪರ್ಕವು ಗಂಭೀರವಾಗಿ ಪರಿಣಾಮ ಬೀರಿದೆ. ಉಕ್ರೇನ್‌ನಲ್ಲಿ ಸ್ಟಾರ್‌ಲಿಂಕ್ ಅನ್ನು ಸಕ್ರಿಯಗೊಳಿಸಿದ ಕೆಲವೇ ದಿನಗಳ ನಂತರ, ರಷ್ಯಾದ ಆಕ್ರಮಣದಿಂದ ಹಾನಿಗೊಳಗಾದ ಉಕ್ರೇನ್‌ನಲ್ಲಿ ಸ್ಟಾರ್‌ಲಿಂಕ್ ಉಪಗ್ರಹ ಬ್ರಾಡ್‌ಬ್ಯಾಂಡ್ ಸೇವೆಯನ್ನು "ಗುರಿ" ಮಾಡುವ ಹೆಚ್ಚಿನ ಅವಕಾಶವಿದೆ ಎಂದು ಸ್ಪೇಸ್‌ಎಕ್ಸ್ ಮುಖ್ಯಸ್ಥ ಎಲೋನ್ ಮಸ್ಕ್ ಎಚ್ಚರಿಸಿದ್ದಾರೆ. ಹಿಂದಿನ ಇಂಟರ್ನೆಟ್ ಭದ್ರತಾ ಸಂಶೋಧಕ ಜಾನ್ ಸ್ಕಾಟ್-ರೈಲ್ಟನ್ ಅವರು ಉಪಗ್ರಹ ಸಂವಹನಕ್ಕಾಗಿ ಬಳಸುವ ಸಾಧನಗಳು "ಬೀಕನ್" ಆಗಬಹುದು ಮತ್ತು ರಷ್ಯಾವು ವೈಮಾನಿಕ ದಾಳಿಗೆ ಗುರಿಯಾಗಬಹುದು ಎಂದು ಎಚ್ಚರಿಸಿದ್ದರು.

ಕಳೆದ ವಾರವಷ್ಟೇ ಸಂಶೋಧಕ ಜಾನ್ ಸ್ಕಾಟ್-ರೈಲ್ಟನ್ ಟ್ವಿಟರ್‌ನಲ್ಲಿ, "ಪುಟಿನ್ ಉಕ್ರೇನ್ ಮೇಲಿನ ಗಾಳಿಯನ್ನು ನಿಯಂತ್ರಿಸಿದರೆ, ಬಳಕೆದಾರರ ಅಪ್‌ಲಿಂಕ್ ಪ್ರಸರಣಗಳು ವಾಯುದಾಳಿಗಳಿಗೆ ದಾರಿದೀಪವಾಗುತ್ತವೆ" ಎಂದು ಹಂಚಿಕೊಂಡಿದ್ದರು. "ರಷ್ಯಾವು ತಮ್ಮ ಉಪಗ್ರಹ ಸಂವಹನಗಳನ್ನು ಗುರಿಯಾಗಿಟ್ಟುಕೊಂಡು ಜನರನ್ನು ಹೊಡೆಯುವ ದಶಕಗಳ ಅನುಭವವನ್ನು ಹೊಂದಿದೆ. 1996 ರಲ್ಲಿ, ಚೆಚೆನ್ ಅಧ್ಯಕ್ಷ ಝೋಖರ್ ದುಡಾಯೆವ್ ಜಾಗರೂಕರಾಗಿದ್ದರು, ಆದರೆ ರಷ್ಯಾದ ವಿಮಾನವು ಅವರ ಸ್ಯಾಟ್‌ಫೋನ್ ಕರೆಯನ್ನು ಕಂಡುಹಿಡಿದಿದೆ ಮತ್ತು ಕ್ಷಿಪಣಿ ದಾಳಿಯಿಂದ ಅವನನ್ನು ಕೊಂದಿದೆ ಎಂದು ಅವರು ವಿವರಿಸಿದರು." ಇದಾದ ನಂತರ ಈ ಬೆಳವಣಿಗೆಯು ಕಂಡುಬಂದಿದೆ.
ಇಂದು ಮೊದಲ ಬಾರಿಗೆ ಭಾರತದಲ್ಲಿ ಮಾರಾಟವಾಗುತ್ತಿದೆ 'ಮೊಟೊರೊಲಾ ಎಡ್ಜ್ 30 ಪ್ರೊ'!
ರಷ್ಯಾದ ಉಕ್ರೇನ್ ಆಕ್ರಮಣದ ಮಧ್ಯೆ, ಉಕ್ರೇನ್ ನಲ್ಲಿ ಇಂಟರ್ನೆಟ್ ಸಂಪರ್ಕವು ಗಂಭೀರವಾಗಿ ಪರಿಣಾಮ ಬೀರಿದೆ. ವಿಶೇಷವಾಗಿ ಖಾರ್ಕಿವ್ ಮತ್ತು ಕೈವ್‌ನಂತಹ ನಗರಗಳಲ್ಲಿ. ಜನರು ಹೊರಗಿನ ಪ್ರಪಂಚದಿಂದ ಸಂಪರ್ಕ ಕಡಿತಗೊಳ್ಳುವ ಭಯದಲ್ಲಿದ್ದ ಸಮಯದಲ್ಲಿ ಎಲೋನ್ ಮಸ್ಕ್ ಅವರ ಉಪಗ್ರಹ ಇಂಟರ್ನೆಟ್ ಪೂರೈಕೆದಾರ ಸಂಸ್ಥೆ ಮಾತ್ರ ಸ್ಟಾರ್‌ಲಿಂಕ್ ಮಾತ್ರ ಸಹಾಯಕ್ಕೆ ಬಂದಿದೆ. ಸೋಮವಾರ, ಉಕ್ರೇನ್ ಸ್ಟಾರ್‌ಲಿಂಕ್ ಉಪಗ್ರಹ ಇಂಟರ್ನೆಟ್ ಟರ್ಮಿನಲ್‌ಗಳನ್ನು ದಾನವಾಗಿ ಸ್ವೀಕರಿಸಿದೆ ಎಂದು ತಿಳಿದುಬಂದಿದೆ. ಆದರೆ ಮೂಲಸೌಕರ್ಯಗಳ ಮೇಲಿನ ರಷ್ಯಾದ ದಾಳಿಯಿಂದಾಗಿ ಸ್ಟಾರ್‌ಲಿಂಕ್ ಸೇವೆಯನ್ನು ಆನ್‌ಲೈನ್‌ನಲ್ಲಿ ಇರಿಸಿಕೊಳ್ಳಲು ದೇಶಕ್ಕೆ ಜನರೇಟರ್‌ಗಳ ಅಗತ್ಯವಿದೆ ಎಂದು ಹೇಳಲಾಗಿದೆ.