iPhone: ದೇಶದಲ್ಲಿ ಆರಂಭಿಕ ಹಂತದ ಐಫೋನ್ ಮಾರಾಟ ರದ್ದು?

ಆ್ಯಪಲ್‌ನ ಐಫೋನ್ ಸರಣಿಯಲ್ಲಿ ಇತ್ತೀಚೆಗೆ ಬಿಡುಗಡೆಯಾದ ಎಕ್ಸ್ ಸ್ಮಾರ್ಟ್‌ಫೋನ್‌ಗಳ ಮಾರುಕಟ್ಟೆ ಪ್ರವೇಶದ ಬೆನ್ನಲ್ಲೇ ಅಮೆರಿಕದಲ್ಲಿ ಹಳೆಯ ಮಾದರಿಗಳಾದ ಐಪೋನ್ ಎಸ್‌ಇ, ಐಫೋನ್ 6 ಮತ್ತು 6s ಮಾರಾಟವನ್ನು ಸ್ಥಗಿತಗೊಳಿಸಿತ್ತು.

ಇದೀಗ ಭಾರತದಲ್ಲೂ ಅದೇ ಕ್ರಮಕ್ಕೆ ಆ್ಯಪಲ್ ಮುಂದಾಗಲು ಚಿಂತನೆ ನಡೆಸಿದೆ.

ಆರಂಭಿಕ ಹಂತದ ಮತ್ತು ಹೆಚ್ಚಿನ ಜನರು ಖರೀದಿಸುವ ಆ್ಯಪಲ್ ಐಫೋನ್ SE, ಐಫೋನ್ 6, ಐಫೋನ್ 6 ಪ್ಲಸ್ ಮತ್ತು 6S ಸರಣಿಯ ಐಫೋನ್ ಮಾರಾಟವನ್ನು ರದ್ದುಪಡಿಸುವ ಸಾಧ್ಯತೆಯಿದೆ ಎನ್ನಲಾಗಿದೆ.

ಕಡಿಮೆ ಬೆಲೆಯ, ಆರಂಭಿಕ ಹಂತದ ಐಫೋನ್‌ಗಳನ್ನು ರದ್ದುಪಡಿಸಿದರೆ, ನಂತರ ಹೆಚ್ಚುವರಿ ಸುಮಾರು 8,000 ರೂ. ವರೆಗೆ ವ್ಯಯಿಸಿ, ಐಫೋನ್ ಕೊಳ್ಳಬೇಕಾಗುತ್ತದೆ. ಇದರಿಂದ ಗ್ರಾಹಕರಿಗೆ ಹೊರೆಯಾಗಲಿದೆ.

ಪ್ರಸ್ತುತ ಐಫೋನ್ SE ದೇಶದಲ್ಲಿ ಕಡಿಮೆ ಬೆಲೆಗೆ ದೊರೆಯುವ ಐಫೋನ್ ಆಗಿದ್ದು, ಆನ್‌ಲೈನ್‌ನಲ್ಲಿ ಅಂದಾಜು 19,000 ರೂ. ದರ ಹೊಂದಿದೆ.