ಇಟಿ ಮನಿ-ಯುಪಿಐ ಲಿಂಕ್‌ : ಪೇಮೆಂಟ್‌ಗೆ ಹೊಸ ಅವಕಾಶ

ಮುಂಬೈ: ಇಟಿ ಮನಿ ಈಗ ಯೂನಿಫೈಡ್‌ ಪೇಮೆಂಟ್‌ ಇಂಟರ್‌ಫೇಸ್‌ (ಯುಪಿಐ) ಜತೆ ಲಿಂಕ್‌ ಮಾಡಿಕೊಂಡಿದ್ದು, ಇದರ ಮೂಲಕವೇ ಶುಲ್ಕ ಪಾವತಿಸುವ ಅವಕಾಶವನ್ನು ಕಲ್ಪಿಸಿದೆ.

ತನ್ನ ಗ್ರಾಹಕರಿಗೆ ಅನುಕೂಲವಾಗುವ ಹಾಗೂ ಬಳಕೆದಾರರನ್ನು ಹೆಚ್ಚು ಮಾಡಿಕೊಳ್ಳುವ ಗುರಿ ಹೊಂದಲಾಗಿದ್ದು, ಈ ಹಿನ್ನೆಲೆಯಲ್ಲಿ ಯುಪಿಐ ಜತೆ ಲಿಂಕ್‌ ಆಗಿದೆ.

ಮ್ಯೂಚುವಲ್‌ ಫಂಡ್‌ ಪೇಮೆಂಟ್‌ ಮಾಡಲು ಇದು ನೆರವಾಗಲಿದೆ. ಭಾರತದ ಕೋಟ್ಯಂತರ ಯುವ ಹಾಗೂ ಅನುಭವಿ ಗ್ರಾಹಕ ಆರ್ಥಿಕ ವಹಿವಾಟು ನಡೆಸಲು ಸಹಕಾರಿಯಾಗಲಿದೆ.

ಇಟಿ ಮನಿ ಬಳಸಿ ಶುಲ್ಕ ಪಾವತಿಸುವವರಿಗೆ ಈಗ ಯಪಿಎ ಆಪ್ಷನ್‌ ಕಾಣಿಸುತ್ತದೆ. ಇದರ ಮೂಲಕ ತಮಗೆ ಬೇಕಾದ ಆ್ಯಪ್‌ ಆಯ್ಕೆ ಮಾಡಿಕೊಳ್ಳಬಹುದು. ಈ ಮೂಲಕ ಮೇಕ್‌ ಪೇಮೆಂಟ್‌ ಒತ್ತಿದರೆ ವಹಿವಾಟು ಪೂರ್ಣಗೊಳ್ಳಲಿದೆ.

ಇದಲ್ಲದೇ ಎಂದಿನಂತೆ ನೆಟ್‌ ಬ್ಯಾಂಕಿಂಗ್‌ ಮತ್ತು ಡೆಬಿಟ್‌, ಕ್ರೆಡಿಟ್‌ ಕಾರ್ಡ್‌ ಪೇಮೆಂಟ್‌ ಅವಕಾಶ ಕೂಡ ಇದರಲ್ಲಿ ಲಭ್ಯವಿದೆ.

ಈ ಕುರಿತು ಮಾತನಾಡಿದ ಇಟಿ ಮನಿ ಸಂಸ್ಥಾಪಕ ಮತ್ತು ಮುಖ್ಯ ಕಾರ್ಯ ನಿರ್ವಹಣಾಧಿಕಾರಿ ಮುಕೇಶ್‌ ಪಿ ಕಾಲ್ರಾ, ಯುಪಿಐ ಮೂಲಕ ಬಳಕೆದಾರರಿಗೆ ಅತ್ಯಂತ ಸುರಕ್ಷಿತ ಹಾಗೂ ತ್ವರಿತ ವಹಿವಾಟು ನಡೆಸಲು ಅವಕಾಶ ಕಲ್ಪಿಸುತ್ತಿದ್ದೇವೆ. ಡಿಜಿಟಲ್‌ ಫಸ್ಟ್‌ ಫೈನಾನ್ಷಿಯಲ್‌ ಸೇವೆ ಕಲ್ಪಿಸುತ್ತಿದ್ದೇವೆ. ಈ ವರ್ಷಾಂತ್ಯದೊಳಗೆ 10 ಮಿಲಿಯನ್‌ ಬಳಕೆದಾರರನ್ನು ಹೊಂದುವ ಗುರಿ ಇದೆ ಎಂದು ತಿಳಿಸಿದ್ದಾರೆ.

ಇಟಿ ಮನಿ ಪ್ಲಾಟ್‌ಫಾರಂ ಮೂಲಕ ಮ್ಯೂಚುವಲ್‌ ಫಂಡ್‌ಗೆ 2 ಸಾವಿರ ಕೋಟಿ ರೂ. ಹೂಡಿಕೆ ಮಾಡಿದ ಮೈಲುಗಲ್ಲು ಸ್ಥಾಪಿಸಲಾಗಿದೆ. ಮುಂದಿನ 12-18 ತಿಂಗಳುಗಳಲ್ಲಿ 5 ಸಾವಿರ ಕೋಟಿ ರೂ. ವಹಿವಾಟು ನಡೆಸುವ ಉದ್ದೇಶ ಹೊಂದಿದೆ.