Facebook Dating: ಸೀಕ್ರೆಟ್ ಕ್ರಶ್, ಡೇಟಿಂಗ್ ಆಯ್ಕೆ

ಜನಪ್ರಿಯ ಸಾಮಾಜಿಕ ತಾಣ ಫೇಸ್‌ಬುಕ್ ಬಳಕೆದಾರರಿಗೆ ಡೇಟಿಂಗ್ ಮತ್ತು ಸೀಕ್ರೆಟ್ ಕ್ರಶ್ ಆಯ್ಕೆ ಒದಗಿಸಿದೆ. ಈಗಾಗಲೇ ಐದು ರಾಷ್ಟ್ರಗಳಲ್ಲಿ ಫೇಸ್‌ಬುಕ್ ಡೇಟಿಂಗ್ ಫೀಚರ್ ಅಪ್‌ಡೇಟ್ ಅನ್ನು ಆ್ಯಪ್‌ಗಳಲ್ಲಿ ಸೇರಿಸಿದೆ.

ನಿಮ್ಮ ಗೆಳೆಯರ ಪಟ್ಟಿಯಲ್ಲಿರುವ ಯಾರ ಮೇಲಾದರೂ, ಕ್ರಷ್ ಇದ್ದರೆ, ಸೀಕ್ರೆಟ್ ಕ್ರಷ್ ಮೂಲಕ ಅದನ್ನು ವ್ಯಕ್ತಪಡಿಸಬಹುದು. ಮತ್ತು ಡೇಟಿಂಗ್‌ನಲ್ಲಿ ಆಸಕ್ತಿ ಇದ್ದರೆ, ಅದಕ್ಕೂ ಫೇಸ್‌ಬುಕ್ ಡೇಟಿಂಗ್ ಆಯ್ಕೆ ಮೂಲಕ ಅವಕಾಶ ಕಲ್ಪಿಸಿದೆ.

ನಿಮ್ಮ ಫೇಸ್‌ಬುಕ್ ಗೆಳೆಯರು ಡೇಟಿಂಗ್ ಪ್ರೊಫೈಲ್ ರಚಿಸಿಲ್ಲವಾದರೂ, ನೀವು ಡೇಟಿಂಗ್‌ಗೆ ಕರೆಯಬಹುದಾಗಿದೆ.

ಈಗಾಗಲೇ ಬಳಕೆಯಲ್ಲಿರುವ ಹಲವು ಡೇಟಿಂಗ್‌ ಆ್ಯಪ್‌ಗಳಿಗೆ ಸ್ಪರ್ಧೆಯ ಜತೆಗೆ, ಫೇಸ್‌ಬುಕ್ ಮೂಲಕವೇ ಡೇಟಿಂಗ್ ಮತ್ತು ಕ್ರಶ್ ಆಯ್ಕೆ ನೀಡಿರುವ ಫೇಸ್‌ಬುಕ್, ಶೀಘ್ರದಲ್ಲೇ ದೇಶದಲ್ಲೂ ಡೇಟಿಂಗ್ ಆಯ್ಕೆ ಒದಗಿಸಲಿದೆ.

18 ವರ್ಷಕ್ಕಿಂತ ಮೇಲ್ಪಟ್ಟ ಬಳಕೆದಾರರಿಗೆ, ಯಾವುದೇ ಶುಲ್ಕವಿಲ್ಲದೆ, ಜಾಹಿರಾತು ರಹಿತವಾಗಿ ಫೇಸ್‌ಬುಕ್ ಡೇಟಿಂಗ್ ಲಭ್ಯ.