ನಕಲಿ ಸುದ್ದಿಗಳಿಗೆ ಬಲೆ ಬೀಸಿದ ಫೇಸ್‌ಬುಕ್, ಗೂಗಲ್

ಸ್ಯಾನ್ ಫ್ರಾನ್ಸಿಸ್ಕೊ: ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿರುವ ನಕಲಿ ಸುದ್ದಿಗಳಿಗೆ ಕಡಿವಾಣ ಹಾಕಲು ಮುಂದೆ ಬಂದಿರುವ ಫೇಸ್‌ಬುಕ್, ಗೂಗಲ್, ಟ್ವಿಟರ್‌ಗಳು ಸೇರಿದಂತೆ ಹಲವಾರು ಮಾಧ್ಯಮ ಸಂಸ್ಥೆಗಳು ನಿಷ್ಪಕ್ಷಪಾತವಾದ 'ದಿ ಟ್ರಸ್ಟ್ ಪ್ರಾಜೆಕ್ಟ್‌'ಗೆ ಸೇರ್ಪಡೆಗೊಂಡಿದೆ.

ಓದುಗರಿಗೆ ವಿಶ್ವಾಸಾರ್ಹ ಸುದ್ದಿಗಳನ್ನು ತಲುಪಿಸುವುದು ಇದರ ಹಿಂದಿರುವ ಪ್ರಮುಖ ಧ್ಯೇಯೋದ್ದೇಶವಾಗಿದೆ.

ಸ್ಯಾಂಟಾ ಕ್ಲಾರಾ ವಿಶ್ವವಿದ್ಯಾಲಯದ ಮಾರ್ಕುಲಾ ಸೆಂಟರ್ ಆಫ್ ಅಪ್ಲೈಡ್ ಎಥಿಕ್ಸ್‌ನ ಪ್ರಶಸ್ತಿ ವಿಜೇತ ಪ್ರತಕರ್ತ ಸ್ಯಾಲಿ ಲೆಹ್ರ್‌ಮ್ಯಾನ್ ಎಂಬವರು ದಿ ಟ್ರಸ್ಟ್ ಪ್ರಾಜೆಕ್ಟ್ ಆರಂಭಿಸಿದ್ದಾರೆ.

ಇದರಂತೆ ಶುಕ್ರವಾರದಿಂದ ಫೇಸ್‌ಬುಕ್ ನ್ಯೂಸ್ ಫೀಡ್‌ನಲ್ಲಿ ಹೊಸತಾದ ಐಕಾನ್ ಗುರುತಿಸಿಕೊಳ್ಳಲಿದೆ. ಒಟ್ಟಿನಲ್ಲಿ ನೂತನ ಫೀಚರ್ ಬಳಕೆದಾರರಿಗೆ ನಂಬಿಕೆಗ್ರಸ್ತ ಸುದ್ದಿಗಳನ್ನು ಪಡೆದುಕೊಳ್ಳಲು ನೆರವಾಗಲಿದೆ.