Facebook, Instagram, WhatsApp ಅಲ್ಪ ಕಾಲ ಸ್ಥಗಿತ ತಂದ ಆತಂಕ

ಸಾಮಾಜಿಕ ಜಾಲತಾಣಗಳಾದ ಫೇಸ್‌ಬುಕ್‌ ಮತ್ತು ವಾಟ್ಸ್‌ಆ್ಯಪ್ ಮತ್ತು ಇನ್ಸ್ಟಾಗ್ರಾಮ್‌ನಲ್ಲಿ ಭಾನುವಾರ ತಾಂತ್ರಿಕ ಅಡಚಣೆ ಕಾಣಿಸಿಕೊಂಡಿದ್ದು, ಕೆಲವು ಬಳಕೆದಾರರು ಗಂಟೆಗಳಷ್ಟು ಕಾಲ ಚಡಪಡಿಸುವಂತಾಯಿತು. ಕೆಲ ಗಂಟೆಗಳ ಬಳಿಕ ಸಮಸ್ಯೆಯನ್ನು ಸರಿ ಪಡಿಸಿ ಸೇವೆಯನ್ನು ಸಕ್ರಿಯಗೊಳಿಸಲಾಯಿತು ಎಂದು ಫೇಸ್‌ಬುಕ್ ಹೇಳಿದೆ.

ಯುರೋಫ್ ಮತ್ತು ಏಷಿಯಾದಲ್ಲಿ ಸಮಸ್ಯೆ ಹೆಚ್ಚಿತ್ತು ಎಂದು ತಿಳಿದು ಬಂದಿದೆ.

ಈ ಅಡಚಣೆಗೆ ಕಾರಣವೇನೆಂದು ಫೇಸ್‌ಬುಕ್ ಸ್ಪಷ್ಪಪಡಿಸಿಲ್ಲ.

ಇಂದು ಮುಂಜಾನೆ ಕೆಲವು ಬಳಕೆದಾರರು ಈ ಅಪ್ಲಿಕೇಶನ್‌ಗಳ ಸಂಪರ್ಕ ಸಾಧಿಸಲು ಅಡಚಣೆ ಎದುರಿಸಿದರು. ಬಳಿಕ ಸಮಸ್ಯೆಯನ್ನು ಪರಿಹರಿಸಲಾಯಿತು. ಈ ಅನಾನುಕೂಲತೆಗಾಗಿ ವಿಷಾದಿಸುತ್ತೇವೆ, ಎಂದು ಫೇಸ್‌ಬುಕ್ ವಕ್ತಾರರು ಹೇಳಿದ್ದಾರೆ.

ಮಾರ್ಚ್ ತಿಂಗಳಲ್ಲಿ ಸಹ ಫೇಸ್‌ಬುಕ್‌ ಇಂತಹದ್ದೇ ಸಮಸ್ಯೆಯನ್ನು ಎದುರಿಸತ್ತು. ವಿಶ್ವದಾದ್ಯಂತ ಕೆಲವು ಬಳಕೆದಾರರು ಫೇಸ್‌ಬುಕ್‌ ಮತ್ತು ವಾಟ್ಸ್‌ಆ್ಯಪ್ ಮತ್ತು ಇನ್ಸ್ಟಾಗ್ರಾಮ್‌‌ನ್ನು 24 ಗಂಟೆಗಳಿಗಿಂತ ಹೆಚ್ಚು ಕಾಲ ಬಳಸಲಾಗಿರಲಿಲ್ಲ.

ಕಳೆದ ವರ್ಷ ಬಳಕೆದಾರರ ಖಾಸಗಿ ದತ್ತಾಂಶಗಳ ಸೋರಿಕೆಗೆ ಸಂಬಂಧಿಸಿ ವಿವಾದಕ್ಕೀಡಾಗಿದ್ದ ಫೇಸ್‌ಬುಕ್‌ ಇತ್ತೀಚಿಗೆ ಪದೇ ಪದೇ ತಾಂತ್ರಿಕ ಅಡಚಣೆಯನ್ನೆದುರಿಸುತ್ತಿದೆ.