Facebook: ದೇಶದಲ್ಲಿ ಫೇಸ್‌ಬುಕ್‌ನ 'ಟಿಕ್‌ ಟಾಕ್‌' ಸದ್ಯಕ್ಕಿಲ್ಲ!

ಭಾರತದಲ್ಲಿ ತನ್ನದೇ ಆದ ಟಿಕ್‌ಟಾಕ್‌ ಮಾದರಿಯ ಆ್ಯಪ್‌ ಸೇವೆ ಆರಂಭಿಸಲಿದೆ ಎಂಬ ವರದಿಯನ್ನು ತಳ್ಳಿ ಹಾಕಿರುವ ಫೇಸ್‌ಬುಕ್‌ ಅಂಥ ಯಾವ ಯೋಜನೆಗಳು ಸದ್ಯಕ್ಕಿಲ್ಲ ಎಂದು 'ಟೈಮ್ಸ್‌ ಆಫ್‌ ಇಂಡಿಯಾ-ಗ್ಯಾಜೆಟ್ಸ್‌ ನೌ'ಗೆ ಸ್ಪಷ್ಟಪಡಿಸಿದೆ.

ಲಾಸ್ಸೊ(ಟಿಕ್‌ ಟಾಕ್‌ ರೀತಿಯ ಆ್ಯಪ್‌) ಸೇವೆಯು ಸದ್ಯ ಅಮೆರಿಕ, ಮೆಕ್ಸಿಕೊ ಮತ್ತು ಕೊಲಂಬಿಯಾದಲ್ಲಿ ಮಾತ್ರ ಲಭ್ಯವಿದೆ. ಅದನ್ನು ಭಾರತ ಅಥವಾ ಇಂಡೋನೆಷ್ಯಾಗೆ ವಿಸ್ತರಿಸುವ ಯಾವುದೇ ಯೋಜನೆ ಸದ್ಯಕ್ಕಿಲ್ಲ ಎಂದು ತನ್ನ ಹೇಳಿಕೆಯಲ್ಲಿ ತಿಳಿಸಿದೆ.

2018ರಲ್ಲಿಈ ಲಾಸ್ಸೊ ಆ್ಯಪ್‌ ಅಮೆರಿಕದಲ್ಲಿ ಬಿಡುಗಡೆಗೊಂಡಿತ್ತು. 2019ರಲ್ಲಿ ಅದನ್ನು ಮೆಕ್ಸಿಕೊ ವಿಸ್ತರಿಸಲಾಗಿತ್ತು. ಆದರೆ, ಈ ಶಾರ್ಟ್‌ ವಿಡಿಯೋ ಆ್ಯಪ್‌ ಭಾರತದಲ್ಲಿ ಪರಿಚಯಗೊಳ್ಳಲು ಇನ್ನಷ್ಟು ಸಮಯಾವಕಾಶ ಬೇಕಾಗಬಹುದು. ಫೇಸ್‌ಬುಕ್‌ ಪರಿಚಯಿಸಿರುವ ಈ ಲಾಸ್ಸೊ ಆ್ಯಪ್‌ ಭಾರತದಲ್ಲಿ ಭಾರಿ ಜನಪ್ರಿಯವಾಗಿರುವ ಟಿಕ್‌ ಟಾಕ್‌ ರೀತಿಯಲ್ಲೇ ಇದ್ದು, ಬಳಕೆದಾರರು ಕಿರು ಅವಧಿಗೆ ವಿಡಿಯೋಗಳನ್ನು ಮಾಡಿ ಅಪ್‌ಲೋಡ್‌ ಮಾಡಬಹುದು.

Reliance Jio: ವೈಫೈ ಕಾಲಿಂಗ್‌ ಯಾವ ಫೋನ್‌ಗೆ ಲಭ್ಯವಿದೆ?

ಇತ್ತೀಚೆಗಷ್ಟೇ ಫೇಸ್‌ಬುಕ್‌ ಸಿಇಒ ಮಾರ್ಕ್ ಝುಕರ್‌ಬರ್ಗ್‌, ಚೀನಾ ಸೋಷಿಯಲ್‌ ಮೀಡಿಯಾಗಳು ಜಗತ್ತಿನಾದ್ಯಂತ ಹೆಚ್ಚು ಸದ್ದು ಮಾಡುತ್ತಿವೆ ಎಂದು ತಮ್ಮ ಉದ್ಯೋಗಿಗಳಿಗೆ ಹೇಳಿದ್ದರು. ಅಲ್ಲದೆ ಅತ್ಯಂತ ಹೆಚ್ಚು ಡೌನ್‌ಲೋಡ್ ಮತ್ತು ಬಳಕೆಯಲ್ಲಿರುವ ಆ್ಯಪ್‌ ಪೈಕಿ ಟಿಕ್‌ಟಾಕ್ ಮುಂದಿರುವುದು ಕೂಡ ಫೇಸ್‌ಬುಕ್‌ಗೆ ಆತಂಕ ತಂದೊಡ್ಡಿದೆ.

Digilocker: ಕೆವೈಸಿಗೆ ಡಿಜಿಲಾಕರ್‌ನ ಇ-ಡಾಕ್ಯುಮೆಂಟ್‌ಗಳ ಬಳಕೆಗೆ ಅಸ್ತು