Instagram: ಸುಳ್ಳು ಸುದ್ದಿ ತಡೆಯಲು ಕ್ರಮ

ಸಾಮಾಜಿಕ ತಾಣಗಳಲ್ಲಿ ನಕಲಿ ಖಾತೆ ಮತ್ತು ಸುಳ್ಳುಸುದ್ದಿಗಳನ್ನು ತಡೆಯಲು ವಿವಿಧ ಕ್ರಮ ಕೈಗೊಳ್ಳುತ್ತಿದ್ದರೂ, ಯಾವುದೇ ಪ್ರಯೋಜನವಾಗುತ್ತಿಲ್ಲ.

ದಿನವೂ ನೂರಾರು ಸಂಖ್ಯೆಯ ಸುಳ್ಳುಸುದ್ದಿಗಳು ಸಾಮಾಜಿಕ ತಾಣಗಳ ವಿವಿಧ ಫ್ಲ್ಯಾಟ್‌ಫಾರ್ಮ್‌ಗಳಲ್ಲಿ ಹರಿದಾಡುತ್ತಿವೆ. ಅದಕ್ಕೆ ಕಡಿವಾಣ ಹಾಕಲು ಫೇಸ್‌ಬುಕ್ ಒಡೆತನದ ಇನ್‌ಸ್ಟಾಗ್ರಾಂ ಮುಂದಾಗಿದ್ದು, ಬಳಕೆದಾರರು ಸುಳ್ಳುಸುದ್ದಿ ಪತ್ತೆಹಚ್ಚಿದರೆ, ಅಲ್ಲಿ ಮಾರ್ಕ್ ಮಾಡಲು ಅವಕಾಶ ಕಲ್ಪಿಸಿದೆ.

ಯಾವುದೇ ಇನ್‌ಸ್ಟಾಗ್ರಾಂ ಪೋಸ್ಟ್ ಸುಳ್ಳು ಸುದ್ದಿ, ನಕಲಿ ಮತ್ತು ತಪ್ಪು ಮಾಹಿತಿ ನೀಡುತ್ತಿದ್ದಲ್ಲಿ, ಅದನ್ನು ಬಳಕೆದಾರರು ರಿಪೋರ್ಟ್ ಮಾಡಬಹುದಾಗಿದ್ದು, ಇನ್‌ಸ್ಟಾಗ್ರಾಂ ಟೀಂ ಅಂತಹ ಪೋಸ್ಟ್ ಅನ್ನು ಪರಿಶೀಲಿಸಿ ಕ್ರಮ ಕೈಗೊಳ್ಳಲಿದೆ.

ಜನರು ಮತ್ತು ಸಮಾಜಕ್ಕೆ ತಪ್ಪು ಮಾಹಿತಿ ಹೋಗುವುದನ್ನು ತಡೆಯಲು ಈ ಕ್ರಮ ಕೈಗೊಳ್ಳಲಾಗುತ್ತದೆ ಎಂದು ಫೇಸ್‌ಬುಕ್ ಹೇಳಿದೆ. ಆರಂಭದಲ್ಲಿ ಅಮೆರಿಕದಲ್ಲಿ ಈ ಆಯ್ಕೆ ಲಭ್ಯವಾಗಲಿದ್ದು, ನಂತರ ಇತರ ಕಡೆಗಳಲ್ಲಿ ದೊರೆಯಲಿದೆ.