WhatsApp: ಇನ್‌ಸ್ಟಾಗ್ರಾಂ ಮಾದರಿಯ ಬೂಮರಂಗ್ ಆಯ್ಕೆ

ಫೇಸ್‌ಬುಕ್ ಒಡೆತನದ ಇನ್‌ಸ್ಟಾಗ್ರಾಂ, ಶೀಘ್ರದಲ್ಲೇ ವಾಟ್ಸಪ್‌ನಲ್ಲಿ ಕೂಡ ಬೂಮರಂಗ್ ಆಯ್ಕೆಯನ್ನು ತರಲಿದೆ. ಪ್ರಸ್ತುತ ಐಒಎಸ್ ಬೀಟಾ ಆವೃತ್ತಿ ಬಳಕೆದಾರರಿಗೆ ಹೊಸ ಫೀಚರ್ ಲಭ್ಯವಾಗಿದ್ದು, ಪರಿಶೀಲನಾ ಹಂತದಲ್ಲಿದೆ. ಮುಂದೆ ಆಂಡ್ರಾಯ್ಡ್ ಬಳಕೆದಾರರಿಗೂ ಲಭ್ಯವಾಗಲಿದೆ.

ಪೂರ್ಣ ಪ್ರಮಾಣದಲ್ಲಿ ಅಭಿವೃದ್ಧಿಯಾದ ಬಳಿಕ ಎಲ್ಲ ಬಳಕೆದಾರರಿಗೆ ವಾಟ್ಸಪ್‌ನಲ್ಲಿ ಕೂಡ ಬೂಮರಂಗ್ ದೊರೆಯಲಿದೆ. ಬೂಮರಂಗ್ ಮೂಲಕ ಏಳು ಸೆಕೆಂಡ್‌ವರೆಗಿನ ವಿಡಿಯೋ ರಚಿಸಲು ಇದರಿಂದ ಸಾಧ್ಯವಾಗುತ್ತದೆ.

ಈಗಾಗಲೇ ಅತ್ಯಧಿಕ ಬಾರಿ ಫಾರ್ವಡ್ ಮಾಡಲಾದ ಮೆಸೇಜ್ ಎಂಬ ಸೂಚನೆ ನೀಡುವ ಅಯ್ಕೆಯನ್ನು ದೇಶದಲ್ಲಿ ವಾಟ್ಸಪ್ ಪರಿಚಯಿಸಿದೆ.

ವಾಬೀಟಾಇನ್ಫೋ ಪ್ರಕಾರ, ಹೊಸ ಫೀಚರ್ ಪ್ರಸ್ತುತ ಪರಿಶೀಲನೆಯಲ್ಲಿದೆ. ಮುಂದೆ ಹೊಸ ಆಯ್ಕೆ ಸಿದ್ಧವಾದ ಮೇಲೆ ಜನರಿಗೆ ದೊರೆಯಲಿದ್ದು, ಬೂಮರಂಗ್ ವೀಡಿಯೋ ರಚಿಸಿ, ಅದನ್ನು ಬಳಕೆದಾರರ ಜತೆ ಹಂಚಿಕೊಳ್ಳಬಹುದು ಮತ್ತು ಸ್ಟೇಟಸ್ ಕೂಡ ಹಾಕಿಕೊಳ್ಳಬಹುದಾಗಿದೆ.