Facebook Post: ಮನೆಗೆ ಬಂದು ಪರಿಶೀಲಿಸಿದ ಸಿಬ್ಬಂದಿ

ಲೋಕಸಭೆ ಚುನಾವಣೆ ಹೊಸ್ತಿಲಲ್ಲಿ ಇರುವಾಗಲೇ ದೇಶದಲ್ಲಿ ಚುನಾವಣೆ ಕಾವು ಜೋರಾಗಿದ್ದು, ಫೇಸ್‌ಬುಕ್‌ನಲ್ಲಿ ರಾಜಕೀಯ ಮತ್ತು ಚುನಾವಣಾ ಸಂಬಂಧಿ ಪೋಸ್ಟ್ ಹಾಕಿದ ವ್ಯಕ್ತಿಯ ಮನೆಗೇ ಬಂದು ಪರಿಶೀಲಿಸಿದೆ ಎನ್ನಲಾಗಿದೆ.

ದಿಲ್ಲಿಯಲ್ಲಿನ ಫೇಸ್‌ಬುಕ್ ಬಳೆಕದಾರನೊಬ್ಬನ ಮನೆಗೆ ಬಂದ ಫೇಸ್‌ಬುಕ್ ಸಿಬ್ಬಂದಿ, ಪೋಸ್ಟ್ ಆತನೇ ಹಾಕಿದ್ದಾನೆ ಎಂದು ದೃಢಪಡಿಸಿಕೊಂಡಿರುವುದಲ್ಲದೇ, ಆತನ ಆಧಾರ್ ಮತ್ತು ಇತರ ದಾಖಲೆಗಳನ್ನು ಪರಿಶೀಲಿಸಿದ್ದಾರೆ ಎಂದು ಹೆಸರು ಹೇಳಲಿಚ್ಚಿಸಿದ ವ್ಯಕ್ತಿ ಸುದ್ದಿಸಂಸ್ಥೆಗೆ ತಿಳಿಸಿದ್ದಾನೆ.

ಬಳಕೆದಾರನೊಬ್ಬನ ಪೋಸ್ಟ್ ಕುರಿತು ಫೇಸ್‌ಬುಕ್ ಸಿಬ್ಬಂದಿ ಕಳುಹಿಸಿ ಪರಿಶೀಲಿಸುತ್ತದೆ ಎಂದಾದರೆ ಅದು ನಿಜಕ್ಕೂ ಗಂಭೀರ ವಿಚಾರ, ಬಳಕೆದಾರರ ಖಾಸಗಿತನ, ಭದ್ರತೆಗೆ ಧಕ್ಕೆಯಾಗುವುದಿಲ್ಲವೇ ಎಂದು ಪರಿಶೀಲನೆಗೊಳಗಾದ ವ್ಯಕ್ತಿ ಪ್ರಶ್ನಿಸಿದ್ದಾನೆ.

ಆದರೆ ಈ ಕುರಿತು ತಡವಾಗಿ ಪ್ರತಿಕ್ರಿಯೆ ನೀಡಿರುವ ಫೇಸ್‌ಬುಕ್, ರಾಜಕೀಯ ಜಾಹೀರಾತು ಮತ್ತು ರಾಷ್ಟ್ರದ ವಿಚಾರಕ್ಕೆ ಸಂಬಂಧಿಸಿದ ಸಂಗತಿಯಾದರೆ ಮಾತ್ರ ಫೇಸ್‌ಬುಕ್ ಪರಿಶೀಲನೆ ನಡೆಸುತ್ತದೆ. ಅದರ ಹೊರತಾಗಿ ವೈಯಕ್ತಿಕ ಪೋಸ್ಟ್ ಕುರಿತು ಯಾವುದೇ ಪರಿಶೀಲನೆಯನ್ನು ಫೇಸ್‌ಬುಕ್ ಭಾರತದಲ್ಲಿ ನಡೆಸಿಲ್ಲ ಎಂದಿದೆ. ಜಾಹೀರಾತು ವಿಚಾರಕ್ಕೆ ಬಂದಾಗ ಮಾತ್ರ ನಿಯಮದಂತೆ ಫೇಸ್‌ಬುಕ್ ದೃಢೀಕರಣ ಮಾಡಿಕೊಳ್ಳುತ್ತದೆ ಎಂದು ಸಂಸ್ಥೆ ತಿಳಿಸಿದೆ.