ಮೆಸೆಂಜರ್ ಆ್ಯಪ್‌ನಲ್ಲಿ ಡಾರ್ಕ್ ಮೋಡ್‌ ಪರಿಚಯಿಸಿದ ಫೇಸ್‌ಬುಕ್‌

ಸಾಮಾಜಿಕ ಜಾಲತಾಣ ದೈತ್ಯ ಫೇಸ್‌ಬುಕ್ ತನ್ನ ಮೆಸೆಂಜರ್‌ ಆ್ಯಪ್‌ನಲ್ಲಿ ಡಾರ್ಕ್ ಮೋಡ್‌ ಅನ್ನು ಕೆಲ ಬಳಕೆದಾರರಿಗೆ ಪರಿಚಯಿಸಿದೆ. ಈ ಸಂಬಂಧ ಬ್ಲಾಗ್ ಪೋಸ್ಟ್‌ನಲ್ಲಿ ಫೇಸ್‌ಬುಕ್‌ ಕಂಪನಿ ಘೋಷಣೆ ಮಾಡಿದೆ.

ಎಣಿಸಲು ಸಾಧ್ಯವಾಗದ ಅರ್ಧಚಂದ್ರ ಎಮೋಜಿಗಳ ಜತೆಗೆ ಈಸ್ಟರ್ ಎಗ್ ಆ್ಯಕ್ಟಿವೇಷನ್ ಮಾಡಿದ ತಿಂಗಳ ಬಳಿಕ ಜಗತ್ತಿನೆಲ್ಲೆಡೆಯ ಬಳಕೆದಾರರು ಮೆಸೆಂಜರ್‌ನಲ್ಲಿ ಡಾರ್ಕ್ ಮೋಡ್‌ ಅನ್ನು ಪರಿಚಯಿಸಲು ಹರ್ಷ ವ್ಯಕ್ತಪಡಿಸುತ್ತೇವೆ. ಸೆಟ್ಟಿಂಗ್ಸ್‌ನಲ್ಲಿ ಸುಲಭವಾಗಿ ಡಾರ್ಕ್ ಮೋಡ್ ಅನ್ನು ಬಳಕೆದಾರರು ಆ್ಯಕ್ಟಿವೇಟ್ ಮಾಡಿಕೊಳ್ಳಬಹುದು. ವಿಶ್ವದಾದ್ಯಂತ ಏಪ್ರಿಲ್ 16,2019ರಂದು ಪರಿಚಯಗೊಳ್ಳುತ್ತಿದೆ'' ಎಂದು ಫೇಸ್‌ಬುಕ್‌ ತಿಳಿಸಿದೆ.

ಫೇಸ್‌ಬುಕ್‌ ಮೆಸೆಂಜರ್ ಆ್ಯಪ್‌ನಲ್ಲಿ ಡಾರ್ಕ್ ಮೋಡ್‌ ಆ್ಯಕ್ಟಿವೇಟ್ ಮಾಡುವುದು ಹೀಗೆ!

- ಫೇಸ್‌ಬುಕ್‌ ಮೆಸೆಂಜರ್ ಆ್ಯಪ್‌ ತೆರೆಯಿರಿ
- ಸೆಟ್ಟಿಂಗ್ಸ್‌ಗೆ ಹೋಗಿ
- ಡಾರ್ಕ್ ಮೋಡ್‌ ಸ್ವಿಚ್ ಅನ್ನು ಟಾಗಲ್‌ ಆನ್‌ ಮಾಡಿ

ಮೆಸೆಂಜರ್‌ನ ಡಾರ್ಕ್‌ ಮೋಡ್‌ ಕಡಿಮೆ ಹೊಳಪನ್ನು ಒದಗಿಸುತ್ತದೆ ಆದರೆ ಕಾಂಟ್ರಾಸ್ಟ್‌ ಮತ್ತು ವೈಬ್ರೆನ್ಸಿಯನ್ನು ನಿರ್ವಹಿಸುತ್ತದೆ ಎಂದು ಫೇಸ್‌ಬುಕ್‌ ಹೇಳಿಕೊಂಡಿದೆ.

ಫೇಸ್‌ಬುಕ್‌ ಹಾಗೂ ಮೆಸೆಂಜರ್‌ ಆ್ಯಪ್‌ ಅನ್ನು ವಿಲೀನಗೊಳಿಸುವ ನಿಟ್ಟಿನಲ್ಲಿ ಫೇಸ್‌ಬುಕ್‌ ಕಾರ್ಯನಿರ್ವಹಿಸುತ್ತಿದೆ ಎಂದು ಇತ್ತೀಚೆಗೆ ವರದಿಯಾಗಿತ್ತು. ಆದರೆ, ಈ ವಿಚಾರದ ಬಗ್ಗೆ ಫೇಸ್‌ಬುಕ್‌ ಯಾವುದೇ ಸ್ಪಷ್ಟನೆ ನೀಡಿಲ್ಲ. ಅಲ್ಲದೆ, 'ಉಲ್ಲೇಖ ಮತ್ತು ಉತ್ತರ'ದ ಫೀಚರ್‌ ಅನ್ನು ಮೆಸೆಂಜರ್‌ ಆ್ಯಪ್‌ನಲ್ಲಿ ನೀಡಲಿದೆ. ಈ ಸಂಬಂಧ ಫೇಸ್‌ಬುಕ್‌ ಕಾರ್ಯನಿರ್ವಹಿಸುತ್ತಿದೆ ಎಂದು ಸಹ ಇತ್ತೀಚೆಗೆ ವರದಿಯಾಗಿತ್ತು. ವಾಟ್ಸ್‌ಆ್ಯಪ್‌ನಲ್ಲಿ ಈಗಾಗಲೇ ಈ ಫೀಚರ್ ಇದೆ.